နေပြည်တော် ဖေဖော်ဝါရီ ၂၂
မသမာသူများသည် လူပုဂ္ဂိုလ်အချို့၏ Bank Account များအတွင်းမှ နည်းပညာပိုင်းဖြင့် ဆက်သွယ်ရေးကွန်ရက်ကိုအသုံးပြု၍ ငွေကြေးလိမ်လည် လွှဲပြောင်းထုတ်ယူမှုများ ကျူးလွန်လျက်ရှိသဖြင့် လူပုဂ္ဂိုလ်အချို့အနေဖြင့် ငွေကြေးဆုံးရှုံးနစ်နာမှုများ ဖြစ်ပွားလျက် ရှိသည်။ ထိုသို့ ငွေကြေးလိမ်လည်လွှဲပြောင်းထုတ်ယူသူ ဒုစရိုက်သမားများကို သက်ဆိုင်ရာ လုံခြုံရေးတပ်ဖွဲ့ဝင်များက စုံစမ်းဖော်ထုတ်ဖမ်းဆီးခြင်းများ ဆောင်ရွက်ခဲ့ရာ ပြစ်မှုကျူးလွန် သူနိုင်ငံခြားသားများနှင့် ပူးပေါင်းကျူးလွန်သူ မြန်မာနိုင်ငံသား တရားခံများအား ဖော်ထုတ်ဖမ်းဆီးနိုင်ခဲ့သည်။
ပြစ်မှုကျူးလွန်သူများအနေဖြင့်
နည်းပညာပိုင်းဖြင့် ဆက်သွယ်ရေးကွန်ရက်ကို အသုံးပြု၍ ငွေကြေးလိမ်လည် လွှဲပြောင်းထုတ်ယူမှုများပြုလုပ်ရာတွင်
ဇယား(၁)ပါ နည်းလမ်းများကို အသုံးပြု၍ လိမ်လည်ခံရမည့်သူကိုရှာဖွေပြီး လိမ်လည်ခံရမည့်သူနှင့်
အဆက်အသွယ် ရရှိပါက ဇယား(၂)ပါ နည်းလမ်းများဖြင့် လိမ်လည်ခံရမည့်သူ၏ Bank Account နှင့်
KBZ Pay Account တို့ အတွင်းမှ ငွေများအား အဆင့်ဆင့်လွှဲပြောင်းထုတ်ယူကြခြင်းဖြစ်သည်။
ဇယားများပါ လိမ်လည်မှုကျူးလွန်ပုံ
နည်းစနစ်များအရ အချို့သော လူပုဂ္ဂိုလ်များအနေဖြင့် မိမိ၏ Email Account ၊ ဖုန်းနံပါတ်၊
ကိုယ်ရေးအချက်အလက်များနှင့် လုပ်ငန်းလိပ်စာများကို ဆက်သွယ်မှုလွယ်ကူစေရန်အတွက် လူမှုကွန်ရက်
Social Media များနှင့် Facebook တို့တွင် ဖော်ပြထားခြင်း၊ လိပ်စာကတ်များတွင် ဖော်ပြထားခြင်းတို့ကြောင့်
ပြစ်မှုကျူးလွန်သူများ အနေဖြင့် Email Account များကို စောင့်ကြည့်ရယူပြီး ငွေများလိမ်လည်
လွှဲပြောင်းထုတ်ယူနိုင်သည့် အခွင့်အလမ်းများ ရရှိခြင်းဖြစ်ကြောင်းနှင့် လိမ်လည်မည့်
သူများသည် KBZ Pay Account များအား မသိနားမလည်သူအချို့ထံမှ ငွေကြေးအနည်းငယ် အသုံးပြု၍
ဝယ်ယူကာ အဆိုပါ Account များဖြင့် ငွေများလွှဲပြောင်း ထုတ်ယူရာတွင် ကြားခံအဖြစ် အသုံးပြုကြကြောင်း
ဖော်ထုတ်သိရှိရသည်။
သို့ဖြစ်ပါ၍ အများပြည်သူများအနေဖြင့်
မိမိတို့၏ Bank Account များအတွင်းမှ ငွေကြေးများအား မသမာသူဒုစရိုက်သမားများ၏ နည်းပညာပိုင်းဖြင့်
ဆက်သွယ်ရေး ကွန်ရက်ကို အသုံးပြု၍လိမ်လည် လွှဲပြောင်းထုတ်ယူမှုမခံရစေရေး မိမိတို့၏
Email၊ ဖုန်းနံပါတ်နှင့် ကိုယ်ရေးအချက်အလက်များအား လုံခြုံမှုရှိစေရေး အထူးဂရုပြု ဆောင်ရွက်ကြရန်နှင့်
မသမာသူများ၏ အသုံးချခံမဖြစ်စေရေး ကိုယ်ရေး ကိုယ်တာလိုအပ်ချက်မှတစ်ပါး Bank Account
နှင့် KBZ Pay Account များ ဖွင့်လှစ် ရောင်းချခြင်းမပြုလုပ်ကြရန် အသိပေးထုတ်ပြန်အပ်ပါသည်။
No comments:
Post a Comment