နေပြည်တော် မေ ၂၁
မော်လမြိုင်ခရိုင် ငါးလုပ်ငန်းဦးစီးဌာနမှ ငါးမျိုးပြုန်းတီးမှုကာကွယ်ရေးနှင့် ငါးသယံဇာတထိန်းသိမ်းနိုင်ရေးအတွက် မော်လမြိုင်ခရိုင် ကျိုက်မရောမြို့နယ် ပိန္နဲကုန်းကျေးရွာ ငါးဖမ်းလုပ်ငန်း လုပ်ကိုင်သူမျာအား ငါးသယံဇာတထိန်းသိမ်းရေး အသိပညာပေးဟောပြောပွဲကို မေ ၁၈ ရက်က ပြုလုပ်သည်။
အဆိုပါဟောပြောပွဲတွင်ခရိုင် ငါးလုပ်ငန်းဦးစီးဌာနမှ
ဒုတိယညွှန်ကြားရေးမှူး ဦးလှမင်းဇော်က ငါးရစ်/ငါးသန်ရာသီ တားမြစ်အချိန် ကာလ(မေ၊ ဇွန်၊
ဇူလိုင်)လများ၌ ငါးမဖမ်းဆီးရေး၊ တားမြစ်ငါးဖမ်းနည်းဖြစ်သည့် အဆိပ်ချ၊ ဆေးချ၊ ဘက်ထရီရှော့ခ်တိုက်မပြုလုပ်ရေး၊
တားမြစ် ငါးဖမ်းကိရိယာအရွယ်အစား တစ်လက်မအောက်ပိုက်ကွက်များဖြင့် ငါးမဖမ်းဆီးရေးကိစ္စများနှင့်
မွန်ပြည်နယ်ရေချိုငါးလုပ်ငန်းဥပဒေများကို အကျယ်တဝင့်ရှင်းလင်း ပြောကြားသည်။
ဆက်လက်ပြီး တက်ရောက်လာသူများအား ငါးသယံဇာတထိန်းသိမ်းရေးအသိပညာပေး
လက်ကမ်းစာစောင်များဖြန့်ဝေပေးခဲ့ပြီး ဒုတိယဦးစီးမှူးက ငါးလုပ်ငန်းဦးစီးဌာနမှ ထုတ်ဝေထားသည့်
ပညာပေးလက်ကမ်းစာဆောင်များနှင့်ပတ်သက်၍ ရှင်းလင်းပြောကြား သည်။
သတင်းစဉ်
No comments:
Post a Comment