နေပြည်တော် ဧပြီ ၁၈
သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန၊ ပြည်ထောင်စုဝန်ကြီး ဦးခင်မောင်ရီသည် မန္တလေးတိုင်းဒေသကြီးဝန်ကြီးချုပ် ဦးမောင်ကို၊ တာဝန်ရှိသူများနှင့်အတူ ယနေ့၊ မွန်းလွဲပိုင်းတွင် ပြင်ဦးလွင်မြို့နယ်ရှိ ဒိုးကွင်ပျိုးဥယျာဉ်အတွင်း ၂၀၂၂ ခုနှစ်၊ မိုးရာသီတွင် စိုက်ပျိုးမည့်ပျိုးပင်များ ပျိုးထောင်ထားရှိမှုကို ကြည့်ရှုစစ်ဆေးသည်။
ထိုသို့ ကြည့်ရှုစစ်ဆေးစဉ်
ပြင်ဦးလွင်မြို့နယ်၊ သစ်တောဦးစီးဌာန၊ ဦးစီးအရာရှိက ပြင်ဦးလွင်မြို့နယ်၏ ဒေသဆိုင်ရာအချက်အလက်များ၊
ကြိုးဝိုင်း/ ကြိုးပြင် ကာကွယ်တောများ ဖွဲ့စည်းထားရှိမှု၊ ၂၀၂၂ ခုနှစ် မိုးရာသီတွင်
ဖြန့်ဝေစိုက်ပျိုးမည့် လူထုဖြန့်ပျိုးပင်များ ပျိုးထောင်ထားရှိမှု၊ ချယ်ရီမြို့တော်ဖြစ်စေရေး
အကောင်အထည်ဖော် ဆောင်ရွက်မည့် အစီအစဉ်နှင့် ဆင်လမ်းဆည် ရေဝေရေလဲ ထိန်းသိမ်းရေး =လုပ်ငန်းများ
ဆောင်ရွက်ထားရှိမှု အခြေအနေများကို ရှင်းလင်းတင်ပြရာ ပြည်ထောင်စုဝန်ကြီးနှင့် မန္တလေးတိုင်းဒေသကြီး
ဝန်ကြီးချုပ်တို့က လိုအပ်သည်များ မှာကြားသည်။
ပြင်ဦးလွင်မြို့နယ်ကို
ချယ်ရီမြို့တော်ဖြစ်စေရေးအတွက် ၂၀၂၂ ခုနှစ် မိုးရာသီတွင် သဘာဝတောများ၌ ကွက်လပ်ဖြည့်
စိုက်ပျိုးခြင်း၊ လမ်းဘေး ဝဲ/ ယာ တစ်အုပ်တစ်မ/ အတန်းလိုက်စိုက်ပျိုးခြင်း၊ လူထုဖြန့်ပျိုးပင်များ
ဖြန့်ဝေစိုက်ပျိုးခြင်းနှင့် ဒေသခံပြည်သူ အစုအဖွဲ့ပိုင် သစ်တောများ၌ စိုက်ပျိုးခြင်း
စသည့် နည်းလမ်း (၄)မျိုးဖြင့် ချယ်ရီပျိုးပင် (၄၃၇၇၅) ပင် စိုက်ပျိုးသွားမည်ဖြစ်ကြောင်း
သိရသည်။
သတင်းစဉ်
No comments:
Post a Comment