ချောင်းဆုံ စက်တင်ဘာ ၄
မွန်ပြည်နယ် ချောင်းဆုံမြို့နယ်ရှိ ဆေရုံများနှင့်ပြည်သူများ အောက်ဆီဂျင် အလုံအလောက်ရရှိ နိုင်ရေးအတွက် စေတနာရှင်အလှူရှင်များ၏ လှူဒါန်းငွေများဖြင့် ဝယ်ယူထားသည့် အောက်ဆီဂျင်ထုတ်စက် စတင်လည်ပတ်နေမှု အခြေအနေကို ယနေ့ နံနက်(၁၀)နာရီခန့်က မွန်ပြည်နယ် အစိုးရအဖွဲ့ဝင် လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး နေထွဋ်ဦး၊ သယံဇာတရေးရာဝန်ကြီး ဦးအောင်ကြည်သိန်းနှင့် တာဝန်ရှိသူများမှ မြို့နယ်ပြည်သူ့ဆေးရုံ ဝင်းရှိ အောက်ဆီဂျင်ထုတ်စက်ရုံအား လာရောက်ကြည့်ရှုကြသည်။
အောက်ဆီဂျင်စက် စတင်လည်ပတ်နေမှုနှင့်
အောက်ဆီဂျင် ထုတ်လုပ်နေမှုအခြေအနေ၊ စက်ရုံတွင် အောက်ဆီဂျင်စက် တပ်ဆင်ခြင်းနှင့် စက်စမ်းသပ်လည်ပတ်နိုင်မှုအခြေအနေနှင့်
အောက်ဆီဂျင်စက် ရေရှည်ထိန်းသိမ်းမှု အခြေအနေများကိုလည်းကောင်း၊ ဆေးရုံများတွင် ဆေးကုသခံယူနေကြသည့်
ကိုဗစ်-၁၉ ဝေဒနာရှင်များနှင့် အခြားရောဂါများအတွက် အောက်ဆီဂျင်များလိုအပ်သလို အသုံးပြုနိုင်ရန်
မွန်ပြည်နယ်အစိုးရ အဖွဲ့ဝင် ဝန်ကြီးများမှ လာရောက် ကြီးကြပ် ဆောင်ရွက် ခဲ့ကြသည်။
အောက်ဆီဂျင်ထုတ် (NZO
-60) စက် အမျိုးအစားဖြစ်ပြီး၊ စက်ပစ္စည်းများကို
သြဂုတ် လ (၃၁) ရက်နေ့က စတင်တပ်ဆင်ခဲ့ကြောင်း ယနေ့နံနက်ပိုင်းက စတင် စမ်းသပ်လည်ပတ်နေပြီး
(၁) နာရီအတွင်း အောက်ဆီဂျင် (၄၀) လီတာအိုး (၁၀)လုံးမှ (၁၂) လုံးအထိ ရရှိနိုင်ကြောင်း
(၆)နာရီ ဆက်တိုက်လည်ပတ်၍ (၁)နာရီခန့် ရပ်နားပေးပါက ရေရှည်အသုံးပြု နိုင်မည် ဖြစ်ကြောင်း
အောက်ဆီဂျင်ထုတ် စက်တပ်ဆင်ပေးသူ တာဝန်ရှိသူ တစ်ဦးထံမှ သိရသည်။
ချောင်းဆုံ(ပြန်/ဆက်)
No comments:
Post a Comment