ဒေးဒရဲ စက်တင်ဘာ ၁၃
ဧရာဝတီတိုင်းဒေသကြီး၊ ဖျာပုံခရိုင်၊ ဒေးဒရဲမြို့ အမှတ်(၁)ရပ်ကွက်ရှိ အောင်မင်္ဂလာသောက်ရေကန် တာပေါင် ကျိုးပေါက်မှုအား မြို့နယ်မီးသတ်တပ်ဖွဲ့မှ ယမန်နေ့ နေ့လည် (၂) နာရီက ပြန်လည်ပြုပြင် ဆောင်ရွက်ခဲ့ ကြောင်းသိရသည်။
အဆိုပါ သောက်ရေကန်မှာ ယမန်နေ့ နံနက်ပိုင်းက မိုးသည်းထန်စွာရွာသွန်းမှုကြောင့် အလျား၈ပေ၊ အနံ ၁၀ ပေ အမြင့် ၅ ပေ ကျိုးပေါက်ပျက်စီးခဲ့ရာ မြို့နယ်မီးသတ်တပ်ဖွဲ့မှ မြို့နယ်ဦးစီးမှူး ဦးဟန်ဝင်းစိုး ဦးဆောင်၍ သန္ဓေ တပ်ဖွဲ့ဝင် (၁၅)ဦး၊ အရန်တပ်ဖွဲ့ဝင် (၁၀)ဦးတို့က ကျိုးပေါက်ပျက်စီးသွားသော တာပေါင်အားလိုအပ် သည်များ ကိုပြန်လည်ပြုပြင်ဆောင်ရွက်ခဲ့ကြောင်း သိရသည်။
မြို့နယ်မီးသတ်တပ်ဖွဲ့အနေဖြင့် မြို့နယ်အတွင်း သဘာဝဘေးအန္တရာယ်များကျရောက်လာပါကအရေးပေါ် တုန့်ပြန်ဆောင်ရွက်နိုင်ရန် ရှာဖွေကယ်ဆယ်ရေးတပ်ဖွဲ့ဝင်များကို ဖွဲ့စည်းထားရှိပြီး ကယ်ဆယ်ရေးပစ္စည်း များနှင့်အရေးပေါ်ရှာဖွေကယ်ဆယ်ရေးအင်အား(၄၅) ဦးတို့ဖြင့် ဖွဲ့စည်းထားရှိကြောင်းသိရသည်။
အေဇာလင်း
No comments:
Post a Comment