နေပြည်တော် ဇန်နဝါရီ ၃၁
ပို့ဆောင်ရေးနှင့် ဆက်သွယ်ရေးဝန်ကြီးဌာန
မြန်မာ့စာတိုက် လုပ်ငန်းသည် စာတိုက်ပေါင်း ၁၃၉၀ ဖြင့် တစ်နိုင်ငံလုံးတွင် စာတိုက်ဝန်ဆောင်မှုလုပ်ငန်းများကို
ဈေးနှုန်းချိုသာစွာဖြင့် ဝန်ဆောင်မှုပေးလျက်ရှိပြီး မြန်မာ့စာတိုက်လုပ်ငန်း၏ ဝန်ဆောင်မှုလုပ်ငန်းများနှင့်ပတ်သက်၍
ပြည်သူများကျယ်ကျယ် ပြန့်ပြန့်သိရှိစေရန် မြန်မာ့စာတိုက်လုပ်ငန်း၏ website ဖြစ်သည့်
www.myanmarepost.com တွင် ထည့်သွင်း ဖော်ပြထားကြောင်း သိရသည်။
သုံးစွဲသူပြည်သူများ ပေးပို့သည့် အမြန်ချောပစ္စည်းများကို
www.myanmarepost.com တွင် ခြေရာခံ ထောက်လှမ်းနိုင်ခြင်း၊ နေပြည်တော်၊
ရန်ကုန်၊ မန္တလေးမြို့ ကြီးများအချင်းချင်း ယနေ့ပို့ မနက်ဖြန်ရောက် အိမ်တိုင်ရာရောက်ပေးဝေခြင်းအား
နေပြည်တော်ဗဟိုစာတိုက်ကြီးတွင် ဝန်ဆောင်မှုပေးလျက်ရှိကြောင်း သိရသည်။
မြန်မာ့စာတိုက်လုပ်ငန်းမှ တံဆိပ်ခေါင်းရောင်းခြင်း၊
ပြည်တွင်း ပြည်ပမှ ရိုးရိုးစာ၊ မှတ်ပုံတင်စာ၊ ချောထုပ်၊ ပုံနှိပ် စာရွက်စာတမ်း၊ တန်ဖိုးပေးရွေးစာ/ချောထုပ်နှင့်
ရိုးရိုး ငွေပို့လွှာ လက်ခံခြင်းနှင့် ပေးဝေခြင်း၊ စာတိုက်သေတ္တာငှားရမ်းခြင်း၊ ကြေးနန်းလုပ်ငန်းတို့ကို
ဝန်ဆောင်မှုပေးလျက်ရှိ သည်။
ထို့ပြင် ထပ်ဆောင်းဝန်ဆောင်မှုလုပ်ငန်းများအနေဖြင့်
ပြည်တွင်း ပြည်ပ အမြန်ချောပို့လုပ်ငန်း၊ ပြည်တွင်း အမြန်ငွေပို့လွှာလုပ်ငန်း၊ ယနေ့ပို့
မနက်ဖြန်ရောက် အိမ်တိုင်ရာရောက်ပေးဝေခြင်း၊ နေ့ချင်းရောက် စာဝေခြင်း၊ ဒေသထွက်ကုန်များပေးဝေခြင်း၊
Online Shopping လုပ်ငန်းအား Cash On Delivery ဝန်ဆောင်မှုပေးခြင်းတို့အပြင် ဘဏ်ကိုယ်စား
လှယ်လုပ်ငန်းနှင့် Mobile Money လုပ်ငန်းတို့ကိုလည်း ဆောင်ရွက်ပေးလျက်ရှိကြောင်း သိရသည်။
စာတိုက်ဝန်ဆောင်မှုများနှင့် ပတ်သက်၍ သိရှိလိုပါကသုံးစွဲ
သူဝန်ဆောင်မှုဌာန၏ ဖုန်းနံပါတ် ၀၆၇-၃၄၂၀၈၈၈ သို့ ဆက်သွယ်စုံစမ်းနိုင်ကြောင်း သိရသည်။
သတင်းစဉ်
No comments:
Post a Comment