မန္တလေးတိုင်းဒေသကြီးအတွင်း ၁၃ မြို့နယ်၌ သစ်စ္စာစီမံချက်ဖြင့် နိုင်ငံသား စိစစ်ရေးကတ်ပြား ကွင်းဆင်းဆောင်ရွက်ပေးလျက်ရှိ

မန္တလေး ဇန်န၀ါရီ ၂၇

အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အား ၀န်ကြီး ဌာနနှင့် မန္တလေးတိုင်းဒေသကြီး အစိုးရ အဖွဲ့တို့မှ ဦးဆောင်၍ United Pacific Co.,Ltd၊ Advanced Myanmar Star Co.,Ltd ၏ ပံ့ပိုးမှုဖြင့် မန္တလေး တိုင်းဒေသကြီး မြို့နယ်၂၈ မြို့နယ်အတွင်းရှိ ကျောင်းသား ကျောင်းသူများ၊ ဒေသခံပြည်သူများနှင့် မိဘမဲ့ ကလေးများအား သစ္စာစီမံချက်ဖြင့် နိုင်ငံသား စိစစ်ရေး ကတ်ပြားပေး အပ်ပွဲကို ဇန်န၀ါရီ ၂၅ ရက် နံနက် ၈ နာရီ တွင် ချမ်းအေး သာစံမြို့နယ် မန္တလေးမြို့တော်ခန်းမ၌ ကျင်းပသည်။

ရှေးဦးစွာ မန္တလေးတိုင်းဒေသကြီးယဉ်ကျေးမှုနှင့် အနုပညာ တက္ကသိုလ်မှ ကျောင်းသား ကျောင်းသူများက သစ္စာ စီမံချက်တေး သရုပ်ဖော်အကဖြင့် အခမ်း အနားကို ဖွင့်လှစ်ပေးကြသည်။

ထို့နောက် ပြည်ထောင်စုဝန်ကြီး ဦးသိန်းဆွေက လူဝင်မှုကြီး ကြပ်ရေးနှင့် ပြည်သူ့ အင်အားဆိုင်ရာ လုပ်ငန်းအနေ ဖြင့် အဓိက လုပ်ငန်းတာဝန်သုံးရပ်အနက် မြန်မာနိုင်ငံသို့ အခြားနိုင်ငံများမှ အလည် အပတ်လာလိုသူများနှင့် ရင်းနှီးမြှုပ်နှံ လိုသူများ အကြောင်း အမျိုးမျိုးဖြင့် လာရောက်လိုသူ များပြားလာသည်နှင့် အမျှ လူဝင်မှုကြီး ကြပ်ရေး လုပ်ငန်းများသည် နိုင်ငံအတွက် အဓိကကျသည့် အခန်း ကဏ္ဍမှပါဝင်သည်ကို တွေ့ရပါ ကြောင်း၊ အမျိုးသား မှတ်ပုံ တင်ရေးနှင့် နိုင်ငံသားမှတ်ပုံတင်လုပ်ငန်းမှာ ၁၉၈၂ ခုနှစ် မြန်မာနိုင်ငံသား ဥပဒေအရ မိမိတို့ နိုင်ငံသား များအား သတ်မှတ်အရည် အချင်းနှင့် ကိုက်ညီသည့် ကတ်ပြား တစ်မျိုးမျိုး ထုတ်ပေးနိုင်ရေးအတွက် ဥပဒေ၊ လုပ်ထုံးလုပ်နည်းများနှင့်အညီ စဉ်ဆက်မပြတ် ကြိုးပမ်းဆောင်ရွက်လျက် ရှိပါကြောင်း၊ ပြည်သူ့အင်အားစာရင်း ကောက်ယူထိန်းသိမ်းရေး လုပ်ငန်း အနေဖြင့်၂၀၁၄ ခုနှစ် လူဦးရေနှင့် အိမ် အကြောင်းအရာ သန်းခေါင်စာရင်း ကောက်ယူရာမှ ရရှိသောအချက်အလက် များကို နိုင်ငံဖွံ့ဖြိုးတိုးတက်ရေးစီမံကိန်းများ ရေးဆွဲနိုင်ရန် ပံ့ပိုး ဆောင်ရွက်ပေးလျက်ရှိပါကြောင်း။

ထို့ပြင် ယခုနှစ် နိုဝင်ဘာလအတွင်း တွင် ကြားဖြတ်သန်းခေါင်စာရင်း ကောက်ယူရန် စီစဉ်ဆောင်ရွက်လျက် ရှိပါကြောင်း၊ ယင်းလုပ်ငန်း တာဝန်များ ဆောင်ရွက်ရာတွင် ပြည်သူကိုဗဟိုပြု၍ ပြည်သူတို့၏ လိုအပ်ချက်များကို ဖြည့်ဆည်းပေးနေခြင်းဖြစ်ပြီး ယခုအခါ အိမ်ထောင်စုလူဦးရေစာရင်းနှင့် နိုင်ငံ သား စိစစ်ရေး ကတ်ပြား ထုတ်ပေးခြင်း လုပ်ငန်းကို သစ္စာစီမံချက်ဖြင့် စဉ်ဆက် မပြတ် ဆောင်ရွက်ပေးလျက်ရှိပါကြောင်း၊ နိုင်ငံသား စိစစ်ရေးကတ်ပြား ဆောင်ရွက် ပေးခြင်းလုပ်ငန်းစဉ်များကို၂၀၁၆ ခုနှစ် မေ ၁ ရက်မှစ၍ ဆောင်ရွက်ပေး လျက်ရှိပါကြောင်း၊ ယင်းလုပ်ငန်းများကို တိုင်းဒေ သကြီး၊ ပြည်နယ်များအတွင်း လိုအပ်ချက်ရှိသည့် နေရာတိုင်း၌ ဆောင်ရွက်ပေးသည့်အပြင် သက်ဆိုင် ရာ လွှတ်တော် ကိုယ်စားလှယ် များ၏ တောင်းဆိုမှုအရလည်း ကွင်းဆင်း ဆောင်ရွက်ပေးလျက် ရှိပါကြောင်း၊ ရရှိပြီး ဖြစ်သည့် နိုင်ငံသား စိစစ်ရေးကတ်ပြား ကို မပျောက် မပျက်စေရေး အတွက် ဂရု တစိုက်၊ စနစ်တကျကိုင်တွယ်ထိန်းသိမ်း ကြရန်လိုအပ်မည် ဖြစ်ပါကြောင်း၊ ယခု အခါ မန္တလေး တိုင်းဒေသကြီးအတွင်း ကွင်းဆင်းဆောင်ရွက်ရန် လိုအပ်သည့် မြို့နယ် ၁၃ မြို့နယ်၌ သစ္စာစီမံချက်ဖြင့် နိုင်ငံသား စိစစ်ရေးကတ်ပြားကွင်းဆင်း ဆောင်ရွက်ပေးလျက်ရှိရာ ယင်း လုပ်ငန်း စဉ်ကို သက်ဆိုင်ရာ လွှတ်တော် ကိုယ်စားလှယ်များ၊ မြို့နယ်၊ ရပ်ကွက်၊ ကျေးရွာ အုပ်ချုပ်ရေးမှူးများနှင့်ညှိနှိုင်း၍ လိုအပ် သလို ဆက်လက်ကွင်းဆင်းဆောင်ရွက် ပေးမည်ဖြစ်ပါကြောင်း ပြောကြား သည်။

ယင်းနောက် တိုင်းဒေသကြီး ၀န်ကြီးချုပ် ဒေါက်တာဇော်မြင့်မောင်နှင့် United Pacific Co.,Ltd၊ Advanced Myanmar Star Co.,Ltd မှ အရောင်းနှင့် ဈေးကွက်မြှင့်တင်ရေး ဒါရိုက်တာဒေါ်အေးမိစံတို့က တိုင်းဒေသ ကြီးအတွင်း နိုင်ငံသားစိစစ်ရေးကတ်ပြား ကွင်းဆင်းဆောင်ရွက်ပေးရာတွင် လိုအပ် သောကူညီပံ့ပိုးမှုများ ဆောင်ရွက်ပေးမှု နှင့်စပ်လျဉ်း၍ ရှင်းလင်းတင်ပြကြသည်။

ထို့နောက် ပြည်ထောင်စုဝန်ကြီး၊ တိုင်းဒေသကြီးဝန်ကြီးချုပ်နှင့် တာဝန် ရှိသူများက တိုင်းဒေသကြီးအတွင်းရှိ မြို့နယ်များမှ စာသင်ကျောင်းများ၊ မိဘမဲ့ ကျောင်းများမှ ကျောင်းသား ကျောင်းသူ များ၊ ရပ်ကွက်ကျေးရွာများမှ ဒေသခံ ပြည်သူများကိုယ်စား ကျောင်းအုပ်ကြီး များနှင့် ကိုယ်စားလှယ်များကို နိုင်ငံသား စိစစ်ရေး ကတ်ပြား များနှင့် လူဝင်မှု ကြီးကြပ်ရေးနှင့် ပြည်သူ့အင်အားဆိုင်ရာ ခရိုင်နှင့်မြို့နယ်ဦးစီးမှူးများကို ဂုဏ်ပြု မှတ်တမ်း လွှာများ ပေးအပ်ကြသည်။

ယင်းနောက် နိုင်ငံသားစိစစ်ရေး ကတ်ပြားရရှိသူများ၏ ကိုယ်စားလှယ် တစ်ဦးက ကျေးဇူးတင်စကား ပြန်လည် ပြောကြားသည်။

မန္တလေးတိုင်းဒေသကြီးအတွင်းရှိ မြို့နယ်၂၈ မြို့နယ်၌ ၂၀၁၈ ခုနှစ် ဇူလိုင် ၁ ရက်မှ ၂၀၁၉ ခုနှစ် ဇန်န၀ါရီ ၁ ရက် အထိ သစ္စာစီမံချက်ဖြင့် နိုင်ငံသားစိစစ်ရေးကတ်ပြားများကို ကွင်းဆင်းဆောင် ရွက်ပေးရာ အခြေခံပညာ ကျောင်းများမှ ကျောင်းသား ကျောင်းသူ ၁၀၃၄၅၃ ဦး၊ မိဘမဲ့ကျောင်း ၁၅ ကျောင်းမှ ကျောင်းသား ကျောင်းသူ ၇၁၀ စုစုပေါင်း ကျောင်းသား ကျောင်းသူ ၁၀၄၁၆၃ ဦး နှင့် မြို့နယ် အသီးသီးရှိ ဒေသခံပြည်သူ ၈၁၅၇၁ ဦး စုစုပေါင်း ၁၈၅၇၃၄ ဦးကို စိစစ်ရေးကတ်ပြားများ ထုတ်ပေးခဲ့ ကြောင်း သိရှိရသည်။

သတင်းစဉ်