လန်ချန်း - မဲခေါင် ဒေသတွင်းရှိ အနုပညာရှင်လူငယ်များ လက်မှုအနုပညာ အမှတ်တရပစ္စည်းများ ခင်းကျင်းပြသခြင်းနှင့် အနုပညာဖျော်ဖြေပွဲကျင်းပ

မန္တလေး ဇန်န၀ါရီ ၃၀

မန္တလေးမြို့တွင် ဇန်န၀ါရီ ၂၇ ရက်မှ ၃၁ ရက်အထိ ကျင်းပလျက်ရှိသော လန်ချန်း- မဲခေါင်ဒေသတွင်းရှိ အနုပညာရှင် လူငယ်များတွေ့ဆုံပွဲတွင် နိုင်ငံအလိုက်လက်မှု အနုပညာ အမှတ်တရပစ္စည်းများ ခင်းကျင်းပြသခြင်းနှင့် အနုပညာဖျော်ဖြေ တင်ဆက်မှုများကို ယနေ့တွင် မန္တလေးမြို့ ရှိ ဟိုတယ်ရွှေပြည်သာ၌ ကျင်းပသည်။

အဆိုပါ ဒေသတွင်း ခြောက်နိုင်ငံ ဖြစ်သော မြန်မာ၊ တရုတ်၊ ကမ္ဘောဒီးယား၊ လာအို၊ ထိုင်းနှင့် ဗီယက်နမ်နိုင်ငံတို့မှ အနုပညာရှင်လူငယ်များအဖွဲ့သည် ယနေ့ နံနက်ပိုင်းတွင် နိုင်ငံအလိုက် လက်မှု အနုပညာအမှတ်တရ ပစ္စည်းများအား ခင်းကျင်းပြသခဲ့ကြပြီး အမျိုးသား ယဉ်ကျေးမှုနှင့် အနုပညာတက္ကသိုလ် (မန္တလေး) မှ ဖွင့်လှစ်ရောင်းချသည့် မြန်မာ့လက်မှုပညာရပ်ဖြင့် ပြုလုပ်ထားသော အမှတ်တရ ပစ္စည်းများအား လေ့လာကြည့်ရှု၍ ၀ယ်ယူအားပေးကြသည်။

မွန်းလွဲပိုင်းတွင် နိုင်ငံအလိုက် ရိုးရာ တေးသီချင်းများဖြင့် သီဆိုတီးခတ်ကပြ ဖျော်ဖြေတင်ဆက်ခဲ့ကြပြီး လန်ချန်း - မဲခေါင်ဒေသတွင်း အနုပညာရှင် လူငယ်များ တွေ့ဆုံပွဲ အမှတ်တရ စပ်ဆိုရေးဖွဲ့ထားသည့်သီချင်းဖြင့် စုပေါင်းသီဆိုခဲ့ကြသည်။

ထို့နောက် အမျိုးသားယဉ်ကျေးမှု နှင့် အနုပညာတက္ကသိုလ် (မန္တလေး) မှ ပါမောက္ခချုပ် ဒေါ်ခင်ကြည်ပြာက နိုင်ငံခြောက်နိုင်ငံမှ အနုပညာရှင်လူငယ် များအား အမှတ်တရပန်းစည်းများ ပေးအပ်ကာ စုပေါင်းမှတ်တမ်းတင် ဓာတ်ပုံရိုက်ကြသည်။

ယနေ့ကျင်းပသည့် လက်မှုအနုပညာ အမှတ်တရပစ္စည်းများ ခင်းကျင်းပြသမှုတွင် ခရီးသွားကဏ္ဍမြှင့်တင်နိုင်ရေးအတွက် မန္တလေးတိုင်းဒေသကြီး ဟိုတယ်နှင့် ခရီးသွားလာရေး ညွှန်ကြားမှုဦးစီးဌာနနှင့် မြန်မာနိုင်ငံ အမှတ်တရပစ္စည်းအရောင်းဆိုင်များအသင်းတို့ ပူးပေါင်း၍ ပန်း ၁၀ မျိုး ဆိုင်ရာ လက်မှုအနုပညာပစ္စည်း အရောင်းဆိုင်ကိုလည်းဖွင့်လှစ်၍ ပါဝင်ပြသပေးခဲ့သည်။

အဆိုပါ လက်မှုအနုပညာအမှတ်တရပစ္စည်း ခင်းကျင်းပြသခြင်းနှင့် အနုပညာဖျော်ဖြေပွဲများနှင့် ပတ်သက်၍ လာအိုနိုင်ငံ လူငယ်အနုပညာရှင်အဖွဲ့ ခေါင်းဆောင် Mr. Saveng Seng Aphay က “ဒီနေ့ပြုလုပ်တဲ့ အစီအစဉ် မှာ ကျွန်တော်တို့ နိုင်ငံကို ကိုယ်စားပြုတဲ့ ပန်းရယ်၊ ရိုးရာအ၀တ်အထည်၊ အသုံး အဆောင်ပစ္စည်းနဲ့ တူရိယာပစ္စည်းတွေကို ခင်းကျင်းပြသထားပါတယ်။ ဖျော်ဖြေမှုအနေနဲ့ကတော့ ရိုးရာဂီတနဲ့ လာအိုနိုင်ငံရဲ့ အရေးပါတဲ့ အကတွေနဲ့ တင်ဆက်ခဲ့ပါတယ်။

ဒီဒေသတွင်း ခြောက်နိုင်ငံဟာ အိမ်နီးချင်းနိုင်ငံတွေ ဖြစ်တဲ့အတွက် ယဉ်ကျေးမှုအနေနဲ့လည်း အလွန်နီးစပ်ပါတယ်။ ဒီပြပွဲကနေ နိုင်ငံ အလိုက် ရိုးရာလက်မှုထုတ်ကုန်တွေကို ပိုမိုသိရှိခဲ့ရပါတယ်။ အလွန် လှပသာယာ တဲ့ မန္တလေးမြို့ကြီးကို လာရောက်ခွင့် ရတဲ့အတွက်လည်း ကျေနပ်ဂုဏ်ယူမိပါ တယ်” ဟု ပြောသည်။

ပညာရှင်လူငယ်များအဖွဲ့သည် ညနေပိုင်းတွင် ရေယာဉ်ဖြင့် မင်းကွန်း ပုထိုးတော်ကြီးသို့ သွားရောက်လေ့လာ ကြည့်ရှုခဲ့ကြပြီး စစ်ကိုင်းတောင်ဝန်းကျင်ရှိ သဘာဝရှုခင်း အလှအပများအား ရေယာဉ်ပေါ်မှ ကြည့်ရှုလေ့လာခဲ့ကြောင်း သိရသည်။

မင်းထက်အောင်(မန်းကိုယ်ပွား)

ဓာတ်ပုံ - အောင်ဖြိုးကျော်