ဒုတိယသမ္မတ ဦးဟင်နရီဗန်ထီးယူ စာရင်းအင်း အချက်အလက် မှန်ကန်ရေးနှင့် အရည်အသွေးပြည့်ဝရေး ဗဟိုကော်မတီ (၁/၂၀၁၉) အစည်းအဝေးသို့ တက်ရောက်အမှာစကား ပြောကြား

နေပြည်တော် ဇန်န၀ါရီ ၂၄

စာရင်းအင်း အချက်အလက်မှန်ကန်ရေးနှင့် အရည်အသွေးပြည့်ဝရေး ဗဟိုကော်မတီ အစည်းအဝေးကို ယနေ့နံနက် ၉ နာရီတွင် နေပြည်တော်ရှိ စီမံကိန်းနှင့်ဘဏ္ဍာရေးဝန်ကြီးဌာန အစည်းအဝေးခန်းမ၌ ကျင်းပရာ စာရင်းအင်း အချက်အလက် မှန်ကန်ရေးနှင့် အရည်အသွေး ပြည့်ဝရေး ဗဟိုကော်မတီဥက္ကဋ္ဌ ဒုတိယသမ္မတ ဦးဟင်နရီဗန်ထီးယူ တက်ရောက်အမှာစကား ပြောကြားသည်။

အစည်းအဝေးသို့ ဗဟိုကော်မတီဒုတိယဥက္ကဋ္ဌ ပြည်ထောင်စုဝန်ကြီး ဦးစိုးဝင်း၊ ဗဟိုကော်မတီဝင်များ ဖြစ်ကြသည့် ပြည်ထောင်စု ၀န်ကြီး ဒုတိယဗိုလ်ချုပ်ကြီး ကျော်ဆွေ၊ ဦးသန့်စင်မောင်၊ ဦးဝင်းခိုင်၊ ဒေါက်တာ သန်းမြင့်၊ ဦးဟန်ဇော်၊ ဒေါက်တာ ၀င်းမြတ်အေး၊ မြန်မာနိုင်ငံတော် ဗဟိုဘဏ်ဥက္ကဋ္ဌ ဦးကျော်ကျော်မောင်၊ နေပြည်တော်ကောင်စီဝင် ဦးအောင်မြင်ထွန်း၊ တိုင်းဒေသကြီးနှင့် ပြည်နယ်ဝန်ကြီးများ၊ မြန်မာနိုင်ငံတော် ဗဟိုဘဏ် ဒုတိယဥက္ကဋ္ဌ ဦးစိုးသိန်း၊ အမြဲတမ်း အတွင်းဝန်များ၊ ညွှန်ကြားရေးမှူးချုပ်များ၊ စာရင်းအင်းဆိုင်ရာ ဖွံ့ဖြိုးမှု အမျိုးသားအဆင့် မဟာဗျူဟာ အကောင်အထည် ဖော်ဆောင်နိုင်ရေးလုပ်ငန်း အဖွဲ့ဝင်များနှင့် တာဝန်ရှိသူများ တက်ရောက်ကြသည်။
အစည်းအဝေးတွင် ဒုတိယသမ္မတက စာရင်းအင်း ဥပဒေအရ ကော်မတီကို ၂၀၁၈ ခုနှစ်အတွင်း အဆင့်မြှင့်တင် ဖွဲ့စည်းနိုင်ခဲ့ပြီး စာရင်းအင်းဆိုင်ရာ ဖွံ့ဖြိုးမှုအမျိုးသားအဆင့် မဟာဗျူဟာရှေ့လုပ်ငန်းစဉ်များ (National Strategy For Development of Statistics Action Plan-NSDS Action Plan) ကို ပြီးမြောက်အောင် ဆောင်ရွက်နိုင်ခဲ့သည်ကို တွေ့ရှိရပါကြောင်း၊ ၂၀၁၉ ခုနှစ် အတွင်း တိုးတက်မှုများ ပိုမိုအရှိန်ရအောင် ဆက်လက် ဆောင်ရွက်ကြရန် တိုက်တွန်းလိုပါကြောင်း၊ အသစ်ပြန်လည် အဆင့်မြှင့် တင် ဖွဲ့စည်းလိုက်သည့် စာရင်းအင်း အချက်အလက် မှန်ကန်ရေးနှင့် အရည်အသွေး ပြည့်ဝရေး ဗဟိုကော်မတီ အနေဖြင့် ယခုအစည်းအဝေးသည် ဒုတိယအကြိမ်မြောက် အစည်းအဝေး ဖြစ်ပါကြောင်း။
၂၀၁၈ ခုနှစ် နှစ်ဆန်းပိုင်းတွင် ပြဋ္ဌာန်းခဲ့သည့် စာရင်းအင်း ဥပဒေသည် ၂၀၁၉ ခုနှစ် ဇန်နဝါရီ ၂၂ ရက်မှစတင်၍ ဥပဒေ သက်ရောက်နေပြီ ဖြစ်ပါကြောင်း၊ စာရင်းအင်းဆိုင်ရာ ဖွံ့ဖြိုးမှု အမျိုးသားအဆင့် မဟာဗျူဟာ (NSDS) ကို အကောင်အထည် ဖော်ဆောင်ရေးအတွက် စာရင်းအင်းကဏ္ဍအလိုက် လုပ်ငန်းအဖွဲ့ (၁၀) ဖွဲ့ ဖွဲ့စည်းထားပါကြောင်း။
သက်ဆိုင်ရာ လုပ်ငန်းအဖွဲ့များအနေဖြင့် NSDS Action Plan ကို Living Document အနေဖြင့် ထားရှိအကောင်အထည် ဖော်ဆောင်လျက် ရှိနေကြသည်ကို သိရှိရပါကြောင်း၊ ဆက်လက်ဆောင်ရွက် ရမည့် Clusters ဌာနများ အချင်းချင်း ပူးပေါင်းဆောင်ရွက်မှု ပိုမိုအားကောင်း လာသည်ကို သိရှိရပါကြောင်း။
စာရင်းအင်းမှန်ကန်ရေး၊ စာရင်းအင်း ယူနစ်များ သေချာစွာ ဖွဲ့စည်းဆောင်ရွက်ရေး၊ လိုအပ်သည့် Resource ခွဲဝေချထားရေးနှင့် သက်ဆိုင်ရာ စာရင်းအင်း လုပ်ငန်းအဖွဲ့များထံ လမ်းညွှန်ဆောင်ရွက်နိုင်ရေး အတွက် သက်ဆိုင်ရာ ပြည်ထောင်စုဝန်ကြီးများ၊ တိုင်းဒေသကြီးနှင့် ပြည်နယ်အစိုးရများ၏ စီမံကိန်းနှင့် ဘဏ္ဍာရေး ဝန်ကြီးများအား တိုက်တွန်းလိုပါကြောင်း။
စာရင်းအင်းဆိုင်ရာ အချက်အလက် ထုတ်ပြန်သူများနှင့် အချက်အလက် သုံးစွဲသူများအကြား ဆက်ဆံရေးကောင်းမွန်ရေး ၊ လိုအပ်နေသည့် စာရင်းအင်းများ ဖြည့်ဆည်းရေးနှင့် အကျိုးသက်ဆိုင်သူ Stakeholders များအကြား ပူးပေါင်းဆောင်ရွက်ရန် ပြုလုပ်သည့် Platform တစ်ရပ်အဖြစ် မြန်မာစာရင်း အင်းဖိုရမ် (၂၀၁၈) ကို ပထမအကြိမ် ကျင်းပနိုင်ခဲ့သည့်အတွက်လည်း ဂုဏ်ယူပါကြောင်း၊ အဆိုပါဖိုရမ်မှ Stakeholders များအကြား ပူးပေါင်းဆောင်ရွက်ရန် Action Plan များပေါ်ပေါက် လာစေပါ ကြောင်း။
စာရင်းအင်းဆိုင်ရာ အသိပညာ (Statistical Literacy) နှင့် အချက်အလက်များကို အသုံးပြုသည့် အလေ့အထ (Data Culture) ကို ဌာနဆိုင်ရာများ၌သာမက အများပြည်သူနှင့် ပုဂ္ဂလိက စီးပွားရေး အဖွဲ့ အစည်းများ အကြား၌ပါ ပျံ့နှံ့အောင် ဆောင်ရွက်ကြရမည်ဖြစ်ပါကြောင်း၊ စာရင်းအင်းပညာ ( Statistics Literacy) ကို မြှင့်တင်သည့်အနေဖြင့် စာရင်းအင်းနှင့် သက်ဆိုင်သည့် Stakeholders များအကြား ပူးပေါင်းဆောင်ရွက်ရန် Platform တစ်ခုအဖြစ် မြန်မာစာရင်းအင်းဖိုရမ်ကို တစ်နှစ်တစ်ကြိမ် ဆောင်ရွက် သင့်ပါကြောင်း။
ကမ္ဘာ့နိုင်ငံများအနေဖြင့် ရေရှည်တည်တံ့ ဖွံ့ဖြိုးရေးအတွက် Sustainable Development Goals (SDGs) များကို အကောင်အထည် ဖော်ဆောင်နေကြသကဲ့သို့ မိမိတို့နိုင်ငံတွင်လည်း မြန်မာနိုင်ငံ၏ ရေရှည်တည်တံ့ ခိုင်မြဲပြီး ဟန်ချက်ညီသော ဖွံ့ဖြိုး တိုးတက်မှု စီမံကိန်း (Myanmar Sustainable Development Plan- MSDP) ကို အတည်ပြုခဲ့ပြီး ဖြစ်ပါကြောင်း။
MSDP ရေးဆွဲရေးအတွက် လက်ရှိအခြေအနေကို ထင်ဟပ်သည့် စာရင်းအင်း အချက်အလက်များ လိုအပ်ပါကြောင်း၊ MSDP ကို အကောင်အထည် ဖော်ဆောင်ရာတွင် အမျိုးသားညွှန်းကိန်း မူဘောင် ( National Indicator Framework) သတ်မှတ် ဆောင်ရွက်တိုင်းတာမည် ဖြစ်ပါကြောင်း၊ စီမံကိန်း အကောင်အထည် ဖော်ဆောင်မှုများ ထိရောက်သော အောင်မြင်မှုရှိ၊ မရှိကို ညွှန်ကိန်းများဖြင့် စောင့်ကြည့်အကဲဖြတ်ရန် အကောင်အထည် ဖော်ဆောင်မှု လုပ်ငန်းစဉ် အသီးသီးတွင် ဒေတာ အချက်အလက်များ စာရင်းဇယားများ မှတ်မှတ်သားသား ဆောင်ရွက်ကြရန် လိုအပ်ပါကြောင်း၊ အမျိုးသားညွှန်းကိန်း မူဘောင် ပေါ်ပေါက်ရေး၊ Data ရရှိနိုင်မှု၊ တွက်ချက်တိုင်းတာရေး ကိစ္စများနှင့် စပ်လျဉ်း၍ သက်ဆိုင်ရာ ဝန်ကြီးဌာနများ၏ ပူးပေါင်း ပါဝင်မှုသည် အရေးကြီးပါကြောင်း။
စာရင်းအင်းဥပဒေကို အကောင်အထည်ဖော်သည့်အနေဖြင့် နိုင်ငံဖွံ့ဖြိုးရေးတွင် ခိုင်မာသည့် မြေပြင်စာရင်းအင်း အချက်အလက် အမှန်များ ဖြစ်စေရေးနှင့် အချိန်နှင့်တစ်ပြေးညီ ရှိရေး၊ ရှေ့နောက် ညီညွတ်မှုရှိရေး၊ Stakeholder အားလုံး ပါဝင်ဆောင်ရွက်ရေး၊ ဝန်ကြီးဌာနများအကြား၊ ဗဟိုအဆင့်၊ တိုင်းဒေသကြီးနှင့် ပြည်နယ်အစိုးရများအကြား စာရင်းအင်းဆိုင်ရာ ပူးပေါင်းဆောင်ရွက်မှု ယန္တရားကို အချိတ်အဆက်မိမိ အရှိန်အဟုန်မြှင့် တိုးချဲ့ ဆောင်ရွက်ကြစေလိုပါကြောင်း။
ယနေ့ ကျင်းပပြုလုပ်သည့် စာရင်းအင်း အချက်အလက်များ မှန်ကန်ရေးနှင့် အရည်အသွေး ပြည့်ဝရေး ဗဟိုကော်မတီ အစည်းအဝေးတွင် အသေးစိတ် ဆွေးနွေးအကြံပြု တင်ပြကြရန်နှင့် ကော်မတီအဖွဲ့ဝင်များ၊ လုပ်ငန်းအဖွဲ့များ အနေဖြင့် တက်ကြွစွာ ပါဝင်ဆောင်ရွက်နိုင်ကြရန် တိုက်တွန်းအပ်ပါကြောင်း။
“စာရင်းအင်း အချက်အလက်များ အရည်အသွေးမြင့်လေ….လူမှုဘဝပိုကောင်းလေ” “ Better Data, Better Statistics, Better Life” ဆိုသည့်အတိုင်း နိုင်ငံတစ်နိုင်ငံ၏ အမျိုးသားစာရင်းအင်းစနစ် အရည်အသွေး ပြည့်ဝမှသာလျှင် မူဝါဒ ချမှတ်သူ၊ စီမံကိန်းရေးဆွဲသူ၊ ပုဂ္ဂလိက လုပ်ငန်းရှင်၊ လူမှု-စီးပွားသုတေသန ဆောင်ရွက်သူ စသည်ဖြင့် အားလုံးအတွက် ချမှတ်သည့် ဖွံ့ဖြိုးမှု မူဝါဒများ၊ စီမံကိန်းများနှင့် စီးပွားရေး ဝန်းကျင်ကောင်းများကို ဖန်တီးနိုင်မည့် မူဝါဒ ထည့်သွင်းစဉ်းစားရန် အချက်များ ရရှိနိုင်မည်ဖြစ်ပါကြောင်း၊ ကောင်းမွန်သည့် အကျိုးဆက်များ ရရှိစေရေးအတွက် စာရင်းအင်း အချက် အလက်များ တိကျမှန်ကန်ရေးနှင့် အရည်အသွေး ပြည့်ဝရေးကော်မတီ၏ ဦးဆောင်မှုဖြင့် ပြည်သူတို့၏ လူနေမှုဘဝများကို မြှင့်တင်ပေးနိုင်ရန် အချက်ပြမည့် စာရင်းအင်း စနစ်ဖွံ့ဖြိုးတိုး တက်ရေးအတွက် အစိုးရဌာနများ၊ ဖွံ့ဖြိုးမှု မိတ်ဖက်များ၊ ပုဂ္ဂလိက ကဏ္ဍ ၊ လူမှုအဖွဲ့အစည်းများ၊ မီဒီယာ ကိုယ်စားလှယ် များနှင့်အတူ တိုးတက်မှုများ ဆက်လက်တည်တံ့စေရေးအတွက် လက်တွဲပူးပေါင်း ဆောင်ရွက်သွားကြရန် တိုက်တွန်းပါကြောင်း ပြောကြားသည်။
ထို့နောက် ဗဟိုကော်မတီ ဒုတိယဥက္ကဋ္ဌ ပြည်ထောင်စုဝန်ကြီး ဦးစိုးဝင်းက စာရင်းအင်းလုပ်ငန်းစဉ်များ အကောင်အထည်ဖော် ဆောင်ရွက်နိုင်ရေး၊ အရည်အသွေး ပြည့်ဝသည့် စာရင်းအင်း ကိန်းဂဏန်းများ ထုတ်ပြန်နိုင်ရေး၊ စာရင်းအင်းဆိုင်ရာ လွှမ်းခြုံမှု အားကောင်းစေရေးဆိုင်ရာ ကိစ္စရပ်များနှင့် စပ်လျဉ်း၍ ရှင်းလင်းတင်ပြသည်။
ယင်းနောက် ဗဟိုကော်မတီ အတွင်းရေးမှူး ဗဟိုစာရင်းအင်းအဖွဲ့ ညွှန်ကြားရေးမှူးချုပ် ဒေါက်တာ ၀ါဝါမောင်က စာရင်းအင်း အချက်အလက် မှန်ကန်ရေးနှင့် အရည်အသွေး ပြည့်ဝရေးကော်မတီ အစည်းအဝေး ကျင်းပခဲ့မှုများ၊ စာရင်းအင်း အချက်အလက် မှန်ကန်ရေးနှင့် အရည်အသွေး ပြည့်ဝရေး ဗဟိုကော်မတီ အစည်းအဝေး (၁/၂၀၁၈) ဆုံးဖြတ်ချက်များ၊ စာရင်းအင်း နည်းဥပဒေ ထုတ်ပြန်နိုင်ရေး ဆောင်ရွက်ခဲ့မှုများ၊ လုပ်ငန်းအဖွဲ့ (၁၀) ဖွဲ့၏ အစည်းအဝေး ကျင်းပဆောင်ရွက်ခဲ့ မှုများ၊ စစ်တမ်းကောက် ယူမှုများ၊ လုပ်ငန်း စွမ်းဆောင်ရည် မြှင့်တင်ရေးဆောင်ရွက်မှုများ၊ ဗဟိုစာရင်းအင်း အဖွဲ့မှ ထုတ်ဝေ လျက်ရှိသည့် Publication များနှင့်စပ်လျဉ်း၍ ရှင်းလင်းတင်ပြသည်။
ထို့နောက် ဗဟိုကော်မတီဝင်များဖြစ်ကြသည့် ပြည်ထောင်စုဝန်ကြီး ဒုတိယဗိုလ်ချုပ်ကြီး ကျော်ဆွေ၊ ဦးသန့်စင်မောင်၊ ဦးဝင်းခိုင်၊ ဒေါက်တာသန်းမြင့်၊ ဦးဟန်ဇော်၊ ဒေါက်တာဝင်းမြတ်အေး၊ မြန်မာနိုင်ငံတော် ဗဟိုဘဏ်ဥက္ကဋ္ဌ ဦးကျော်ကျော်မောင်၊ နေပြည်တော်ကောင်စီဝင် ဦးအောင်မြင်ထွန်း၊ တိုင်းဒေသကြီးနှင့် ပြည်နယ်ဝန်ကြီးများနှင့် တာဝန်ရှိသူ များက စာရင်းအင်း အချက်အလက် မှန်ကန်ရေး၊ အရည်အသွေး ပြည့်ဝရေးတို့နှင့် စပ်လျဉ်း၍ သက်ဆိုင်ရာ ကဏ္ဍများအလိုက် ရှင်းလင်း ဆွေးနွေး တင်ပြကြသည်။
ယင်းနောက် စာရင်းအင်းဆိုင်ရာ လုပ်ငန်းအဖွဲ့ ခေါင်းဆောင်များက ကဏ္ဍအလိုက် စာရင်းအင်း လုပ်ငန်းဆောင်ရွက် ထားရှိမှုများ၊ တိရိစ္ဆာန်ကောင်ရေ စာရင်းအင်း ကောက်ယူမှု အခြေအနေများနှင့် နှစ်လယ်သန်းခေါင်စာရင်း ကောက်ယူခြင်း ဆိုင်ရာ လုပ်ငန်းစဉ်များအား ရှင်းလင်းတင်ပြကြသည်။
ထို့နောက် စာရင်းအင်း အချက်အလက် မှန်ကန်ရေးနှင့် အရည်အသွေး ပြည့်ဝရေး ဗဟိုကော်မတီဥက္ကဋ္ဌ ဒုတိယ သမ္မတ ဦးဟင်နရီဗန်ထီးယူက ရှင်းလင်းဆွေးနွေး တင်ပြချက်များနှင့် စပ်လျဉ်း၍ ပြန်လည်ရှင်းလင်း ဆွေးနွေးပြီး နိဂုံးချုပ်အမှာစကား ပြောကြားရာတွင် နိုင်ငံတစ်နိုင်ငံ၏ စာရင်းအင်း အချက်အလက် မှန်ကန်ရေးနှင့် အရည်အသွေး ပြည့်ဝရေးသည် အဆိုပါနိုင်ငံ၏ ပုံရိပ်တစ်ခုဖြစ်ပါကြောင်း၊ ထို့ကြောင့် မိမိတို့နိုင်ငံ၏ ပုံရိပ်ကောင်းမွန်ရေးအတွက် နိုင်ငံ၏ စာရင်းအင်း အချက်အလက်များသည် မှန်ကန်ပြီး အရည်အသွေး ပြည့်ဝရန်လိုအပ်ပါကြောင်း၊ စာရင်းအင်း အချက်အလက်များနှင့် ပတ်သက်၍ Data Base Centre အား အောင်မြင်အောင် အကောင်အထည်ဖော် ဆောင်ရွက်ရန် တိုက်တွန်းလိုကြောင်း၊ နိုင်ငံတစ်နိုင်ငံ တည်ဆောက်ရာတွင် စာရင်းအင်း အချက်အလက်များဖြင့် စီမံကိန်းများကို ရေးဆွဲရ ပါကြောင်း၊ အလားတူ စီမံကိန်းများ အကောင်အထည်ဖော် ဆောင်ရွက်ရာတွင်လည်း စာရင်းအင်း အချက်အလက်များဖြင့် ပြန်လည်ဆန်းစစ်ရပါကြောင်း၊ ထို့ကြောင့် စာရင်းအင်း အချက်အလက်များ မှန်ကန်စွာ ရရှိရေးသည် နိုင်ငံအတွက် အရေးကြီးသည့် ကိစ္စရပ်ဖြစ်သည့်အတွက် အားလုံးဝိုင်းဝန်းကြိုးပမ်း ဆောင်ရွက်ကြရမည် ဖြစ်ပါကြောင်း။
စာရင်းအင်း အရည်အသွေး ပြည့်ဝရေး လုပ်ငန်းရပ်များသည် ကာလတိုအတွင်း ချက်ချင်းလက်ငင်း ဆောင်ရွက်၍ မရဘဲ ရေရှည်ဆောင်ရွက်သွားကြရမည့် လုပ်ငန်းစဉ် တစ်ရပ်ဖြစ်ပါကြောင်း၊ ပထမအနေဖြင့် စာရင်းအင်း မှန်ကန်ရေးနှင့် အရည်အသွေး ပြည့်ဝရေးဖြစ်ပြီး ဒုတိယမှာ ရရှိပြီးစာရင်းအင်း အချက်အလက်များကို လက်တွေ့အသုံးချနိုင်ရန် တွန်းအားပေး ဆောင်ရွက်စေလို ပါကြောင်း၊ နှစ်လယ်သန်းခေါင်စာရင်းနှင့် စိုက်ပျိုးရေး သန်းခေါင်စာရင်း ကောက်ယူနိုင်ရေး ပြင်ဆင်မှု များတွင်လည်း ၀ိုင်းဝန်းပူးပေါင်း ဆောင်ရွက်ကြစေလိုပါကြောင်း၊ စာရင်းအင်း အချက်အလက်များ မှန်ကန်မှသာ လက်ရှိ ဖြစ်ပေါ်နေသည့် စီးပွားရေး၊ လူမှုရေး အခြေအနေများကို ထင်ဟပ်စေနိုင်မည် ဖြစ်ပါကြောင်း၊ သို့မှသာ မူဝါဒများကို လိုအပ်သလို ပြုပြင်ပြောင်းလဲခြင်း၊ စီမံကိန်းနှင့် ဘတ်ဂျက်ခွဲဝေ ဆောင်ရွက်နိုင်ခြင်း၊ စောင့်ကြပ်ကြည့်ရှုခြင်းနှင့် အကဲဖြတ်ခြင်းများကို ဆောင်ရွက်နိုင်မည်ဖြစ်ပါကြောင်း ပြောကြားသည်။
(သတင်းစဉ်)