''မြန်မာနိုင်ငံမှာ စီးပွားရေးလုပ်ရတာ လွယ်ကူရဲ့လား''ခေါင်းစဉ်ဖြင့် စီးပွားရေးစကားဝိုင်း အပိုင်း(၂) ကျင်းပ

''မြန်မာနိုင်ငံမှာ စီးပွားရေးလုပ်ရတာ လွယ်ကူရဲ့လား'' ခေါင်းစဉ်ဖြင့် စီးပွားရေး စကား ဝိုင်း အပိုင်း(၂)ကို မြန်မာ့ ကုန်သွယ်မှုမြှင့်တင်ရေးအဖွဲ့ ညွှန်ကြားရေးမှူးချုပ် ဦးအောင် စိုး၊ ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာန ညွှန်ကြားရေးမှူးချုပ် ဦးအောင်နိုင်ဦး၊ ပြည်တွင်း အခွန်များဦးစီးဌာန ညွှန်ကြားရေးမှူး ဒေါ်သီတာမြင့်နှင့် မြန်မာနိုင်ငံ အထည်ချုပ်လုပ်ငန်းရှင်များအသင်း အတွင်းရေးမှူး ဒေါ်ခိုင်ခိုင်နွယ် တို့က ပါဝင်ဆွေးနွေးခဲ့ကြသည်များကို မြန်မာ့အသံနှင့် ရုပ်မြင် သံကြားမှ ရိုက်ကူးထုတ် လွှင့်ခဲ့ပါသည်။ အဆိုပါ စကားဝိုင်းတွင် ဆွေးနွေးခဲ့ကြသည်များကို ဖော်ပြ အပ်ပါ သည်-

ယမန်နေ့မှအဆက်

အစီအစဉ်မှူး ။ ။ ကျွန်တော်တို့ ဆက်လက်ပြီး တော့ ပုဂ္ဂလိက ကဏ္ဍအနေနဲ့ ဖြစ်ဖြစ်၊ ဝန်ကြီးဌာနတွေအနေနဲ့ဖြစ်ဖြစ် ဆောင်ရွက်မယ့် အစီအစဉ်တွေ၊ ပြည်သူတွေ၊ ကုမ္ပဏီ လုပ်ငန်းရှင်တွေ၊ အစိုးရဘက်က ၁၆ ခု လောက် ခွဲထား တဲ့ဌာနတွေကို အကြံပြုချင် တာရှိရင် ဒီနေရာ ကနေ တစ်ဦးချင်းစီက ပရိသတ်ကို အကြံပြုတာ တွေ၊ ဖိတ်ခေါ် တာတွေ လုပ်ပေးပါဦး ခင်ဗျာ။

ဦးအောင်စိုး ။ ။ ကျွန်တော်က communi-cation အကြောင်းကို ဆက်ပြော ချင်ပါ တယ်။ အစိုးရဌာနအချင်းချင်း ကြားမှာ၊ အစိုးရနဲ့ ပုဂ္ဂလိကကြားမှာ communi-cationက အင်မတန် အရေးကြီး ပါတယ်။ ကျွန်တော်တို့လည်း Doing Business Rank-ing တိုးတက်ရေးလုပ်ငန်းအဖွဲ့ကလည်း ဒါကို စဉ်းစားတယ်။ ကျွန်တော် တို့မှာ အမြဲတမ်းတွဲထား တဲ့ World Bank က consultant နှစ်ယောက် ရှိပါတယ်။ နိုင်ငံခြားသားတစ်ယောက်local တစ်ယောက် ပါ။ သူတို့နဲ့ တိုင်ပင်ပြီးတော့ comm-unication strategy expert တစ်ယောက်လည်း World Bank က ကျွန်တော် တို့ကို ပေးပါ တယ်။ ဒီ Communication တိုးတက်လာစေဖို့အတွက် ဖြစ်ပါတယ်။ Doing Business Website လည်း ကျွန်တော်တို့ စဆွဲနေပြီ။ Website အပေါ် မှာ Doing Businessချည်းပဲ တင်ထား ရင် ပိုပြီး လွယ်ကူလာပါတယ်။ ဒါ့အပြင် မီဒီယာ ပေါင်းစုံနဲ့ Public-Private ၊Public-Public မှာ Comm- unication တွေ ကောင်း လာအောင် လုပ်သွားဖို့ ကျွန်တော်တို့ ရေးဆွဲနေပါပြီ။

ရေရှည် လုပ်မယ့် အဖွဲ့အစည်းတွေလိုတယ်

ဒါတွေပြီးသွားရင် ဒီထက် တိုးတက်တဲ့ အခြေအနေတွေဖြစ် လာမှာဖြစ်ပါတယ်။ နောက် တစ်ခုက Implementation yg/ Doing Business က တစ်ကြိမ်တစ်ခါ တည်းနဲ့ ပြီးသွားမှာ မဟုတ်ဘူး။ နံပါတ် ၁ ရတောင် ဆက်လုပ်ရမှာ ဖြစ်တယ်။ ရေရှည်လုပ်ဖို့အတွက် ရေရှည်လုပ်မယ့် အဖွဲ့အစည်းတွေလိုတယ်။ ကျွန်တော်တို့က ဒီ subject ကို ကျွန်တော့်ဌာနက တာဝန်ယူ လုပ်ပါ ဆိုလို့ လောလောဆယ် ယာယီ သဘောနဲ့ အရာရှိ တွေစုဖွဲ့ပြီးတော့ ကိုယ့်ဌာနမှာအရာရှိ မလုံလောက်လို့ တခြားဌာန က အရာရှိတွေပါ ခေါ်ပြီးတော့ လုပ်နေ ရတယ်။ ဒီ subject တွေက ရှုပ်ထွေးတဲ့ အတွက် လေ့ကျင့်မှုတွေ လုပ်ရသေးတယ်။ တာဝန် ယူမယ့် အရာရှိတွေ ကလည်း နားလည်မှု Lan-guage Skillရော လိုအပ်တဲ့အဆင့်ရှိမှ နားလည် တာဖြစ်ပါတယ်။

ကျွန်တော် မလေးရှားနိုင်ငံကို သွားလေ့လာ တဲ့အချိန်မှ အဲဒီနိုင်ငံမှာ ပီမူဒါဆိုတဲ့ အဖွဲ့အစည်းက ဒီ Doing Business အတွက်ကို သီးခြားဖွဲ့စည်း ပြီးတော့ ဝန်ကြီးချုပ်ရဲ့အောက်မှာ တိုက်ရိုက်ထား ပြီး လုပ်နေတယ်။ Private တစ်ဖွဲ့ ကိုလည်း ထား ပေးတယ်။ သူတို့က အမြဲတွဲလုပ်နေတဲ့အတွက် ရေရှည်မှာ တိုးတက်လာတယ်။ သူတို့တောင် တစ်ခါတစ်ခါ ပြန်ကျသွားတယ်။ လုပ်ရင်းလုပ်ရင်းနဲ့ သူတို့ရဲ့ပြိုင်ဘက်ေ တွက သာသွားတာရှိတယ်။ ရှေ့သွားရင်းနဲ့ နောက်ပြန်ဆုတ်သွားတာတွေလည်း ရှိတယ်။

ကျွန်တော် တို့က ဒီကိစ္စတွေကို အစဉ်တစိုက် ရေရှည်လုပ်ရမှာဖြစ်တဲ့ အတွက် ရေရှည်မှာ လိုအပ်တဲ့စည်းမျဉ်းတွေ၊ လုပ်ပိုင် ခွင့်တွေ၊ လုပ်ထုံး လုပ်နည်းတွေနဲ့အညီ ဖွဲ့ စည်းမှုမျိုးလည်း သီးခြား လိုအပ်မယ်လို့ မြင်ပါတယ်။ ကျွန်တော် တို့ဌာနက Focal ဆိုတော့ Focal ဌာနရဲ့ ပင်မလိုသလိုပဲ သက်ဆိုင်ရာ ပူးပေါင်းဆောင်ရွက်ရ မယ့်ဌာ နတွေ မှာလည်း ဒီလို Unit တွေလုပ်ပြီး ပူးပေါင်းဆောင် ရွက်မှ ပိုမိုထိရောက် မယ်လို့မြင်တယ်။ အခုလက်ရှိ လည်း ကျွန်တော် တို့ လုပ်နေသလို နောင်ကျရင် လည်း ဒီထက်ပိုပြီး လုပ်နိုင်အောင် အဲဒါတွေကို ဆောင်ရွက်ထားဖို့လိုတယ်လို့ ဖြည့်စွက် ဆွေးနွေး လိုပါတယ်။

ဦးအောင်နိုင်ဦး ။ ။ ကျွန်တော်ဆွေးနွေးချင်တာ က Doing Business က ပြုပြင်ပြောင်းလဲမှု အမြဲလုပ်နေရတဲ့ လုပ်ငန်းစဉ် ဖြစ်တော့ ကျွန်တော် တို့က ရေရှည်လုပ်ရမယ့် လုပ်ငန်းတွေရှိတယ်။ ချက်ချင်းပြီး သွားတဲ့ လုပ်ငန်း တွေရှိတယ်။ ရေရှည်လုပ်ရတဲ့ လုပ်ငန်းတွေမှာ ဘာတွေပါသလဲဆိုတော့ ဥပဒေတွေပြန်ပြီး ပြင်ဆင်ရမယ့်ကိစ္စတွေရှိတယ်။ ဥပမာ အားဖြင့် ကျွန်တော်တို့ဆီမှာ Resolving Insolvency လူမွဲခံရမှု ဖြစ်စဉ်တွေကို ဖြေရှင်းတဲ့ Indicator ပေါ့။ ဒါနဲ့ ပတ်သက်ပြီး ဘယ်တော့မှမကောင်းနိုင် သေးဘူး။ ဘာကြောင့်မကောင်းနိုင်သလဲဆိုရင် ကျွန်တော်တို့မှာ Insolvency နဲ့ ပတ်သက်တဲ့ ဥပဒေ၊ လူမွဲခံယူခြင်းဥပဒေဆိုတာ ကျွန်တော်တို့ တိုင်းပြည်မှာ မရှိသေးဘူး။ အဲဒီဥပဒေပေါ်လာမှ ဒီ Score က တက်လာမှာဖြစ်တယ်။

ရေရှည်လုပ်ရမယ့်ကိစ္စတွေက ရှိနေသေးတယ်။ ကျွန်တော်တို့က လွှတ်တော်ရဲ့ အခန်းကဏ္ဍကိုမေ့လို့မရဘူး။ လွှတ်တော်က ဥပဒေတွေပြုပေး နေရတာဆိုတော့ ကျွန်တော်တို့က Doing Business Reform နဲ့ပတ်သက်ပြီး လွှတ်တော်ဘက် ကလည်း ဥပဒေပြုတဲ့အပိုင်းက တိုင်းပြည်ရဲ့ Doing Business ပတ်သက်ပြီးတော့ အဆင့် တက်လာ ဖို့အတွက် လိုအပ်တဲ့ ဥပဒေတွေ ပြင်ဆင် ရေးဆွဲတဲ့အပိုင်း၊ အသစ်ရေးဆွဲတဲ့အပိုင်းမှာ လွှတ်တော်ဘက်က ပူးပေါင်း ပါဝင်မှုလည်း လိုအပ် ပါတယ်။

ဒါကြောင့် ဒီစီးပွားရေးစကားဝိုင်းက တစ်ဆင့် လွှတ်တော်ကိုယ်စား လှယ်ကြီးများကိုလည်း ပူးပေါင်းပါဝင်ပြီး လိုအပ်တဲ့ ဥပဒေတွေ တိုင်းပြည် မှာပေါ်လာအောင် ဆောင်ရွက်ပေးဖို့အတွက် လိုအပ်တယ်ဆိုတာကို မေတ္တာ ရပ်ခံလိုပါတယ်။ အရေးကြီးဆုံးက User ဖြစ်တဲ့ Private Sector ရဲ့ ပါဝင်မှုက အဓိကဖြစ်ပါတယ်။ လွှတ်တော်ရဲ့ ပါဝင်မှု၊ ပုဂ္ဂလိက ကဏ္ဍရဲ့ပါဝင်မှု၊ ဝန်ကြီးဌာနတွေ အားလုံးရဲ့ စည်းဝါးညီမှုဆိုတဲ့ ဒီသုံးခုပေါင်းမှ ကျွန်တော်တို့ လိုချင်တဲ့အဆင့်ကို သတ်မှတ်တဲ့ ကာလအတွင်းမှာရောက် သွားမယ်ဆိုတာ ယုံကြည် ပါတယ်လို့ ဖြည့်စွက်ပြောချင်ပါတယ်။

ဒေါ်ခိုင်ခိုင်နွယ် ။ ။ Doing Business က ကျွန်မတို့ နိုင်ငံမှာ ၂ဝ၁၃ ခုနှစ်ကစပြီး မိတ်ဆက်တာပါ။ Report က ၂ဝ၁၄ ခုနှစ်မှာ ထွက်တာဖြစ်ပါတယ်။ ငါးနှစ်သက်တမ်း ဖြစ်ပါတယ်။ ဒီနှစ်ပါမှ ခြောက်နှစ်က အောက်တို ဘာမှ ထွက်လာ မှာ ဆိုတော့ အမှန်တိုင်း ပြောရင် ကာလက တိုတိုလေးရှိပါသေးတယ်။ အဲဒီတော့ ကျွန်မတို့ ပုဂ္ဂလိကဘက်မှာလည်း ဒါကို အများကြီး သိဖို့အတွက် လုပ်ရဦးမှာပါ။ ပူးပေါင်းဖို့အတွက် ဖြစ်ပါတယ်။ ဒါကိုလည်း ယုံကြည်ပါတယ်။ အဓိက အနေနဲ့ လုပ်ငန်းရှင်တွေအတွက် လုပ်ငန်းတွေကို ချောချောမွေ့မွေ့နဲ့ ရှင်သန်နိုင်ဖို့အတွက်ကို လုပ်ကြ တာပါ။ ဒါနဲ့ပြီး မလားဆိုတော့ မဟုတ်ပါဘူး။ လုပ်ငန်းတွေချောမွေ့လာမယ်၊ ရှင်သန်လာမယ် ဆိုရင် အလုပ်အကိုင်အခွင့်အလမ်းတွေ ပါလာ မယ်။ နောက်ဆုံးမှာတော့ ဒီကိစ္စတွေက တိုင်းပြည် ရဲ့ သိက္ခာနဲ့ အများကြီးဆိုင်တယ်။

သူ့ကဏ္ဍနဲ့သူ ပူးပေါင်းဆောင်ရွက်

ကိုယ့်ရဲ့ တိုင်းပြည် သိက္ခာ တက်ဖို့ဆိုရင် အစိုးရ ဌာနကလည်း ဌာနအလျောက်၊ ပုဂ္ဂလိက ကဏ္ဍလည်း ပုဂ္ဂလိကအလျောက်အားလုံးက သူ့ကဏ္ဍနဲ့သူ ဝိုင်းဝန်း ပူးပေါင်းဆောင်ရွက်မယ်ဆိုရင် ဒီခရီး က နည်းနည်းကြမ်းကောင်း ကြမ်းလိမ့်မယ်။ ဒါပေမယ့် ခရီးတွင်မယ်လို့ ထင်ပါတယ်။ ကျွန်မတို့ ဘက်ကလည်း မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ်အနေနဲ့ လုပ်ငန်းရှင်တွေကို ဒါထက်ပိုပြီး ပညာပေးဖို့ လုပ် မယ်။ နောက်ထပ်ကို ဒီလိုအခွင့်အရေးရရင်လည်း ပညာပေးတာမျိုးတွေ လုပ်ချင်တယ်။ ကုန်သည် စက်မှု အသင်းချုပ် ဘက်မှာလည်း Public Talk တွေလုပ်လေ့ရှိတယ်။ ဒီမှာလည်း ဖိတ်ခေါ်ပြီးတော့ အခုလို စကားဝိုင်းတွေလုပ်ပြီး အများကြီး ပညာ ပေးမယ်ဆိုရင်တော့ အားလုံးပူးပေါင်းပါဝင် လာကြမယ်လို့ ထင်ပါတယ်။

ဒေါ်သီတာမြင့် ။ ။Ease of Doing Business အဖွဲ့အနေနဲ့ပြောရ မယ်ဆိုရင် တော့ အောင်မြင်ချင်တယ်။ ကျွန်မတို့မြန်မာနိုင်ငံ အနေနဲ့ ကမ္ဘာပေါ်မှာ တကယ်ကို အဆင့်ကောင်း ကောင်းနဲ့ အောင်မြင်ချင် ပါတယ်။ ဒါကြောင့် အများပြည်သူကလည်း ဝိုင်းပြီးပူးပေါင်းပေးကြပါ။ ဆောင်ရွက်ပေးကြပါ။ နောက်ပြီး ဌာနဆိုင်ရာတွေ အားလုံးကလည်း ပူးပေါင်းပေးကြပါလို့ ပြောချင် ပါတယ်။

အစီအစဉ်မှူး ။ ။ ဒီနေ့ကျင်းပတဲ့ စီးပွားရေး စကားဝိုင်းအတွက် နိဂုံးချုပ် ပေးပါဦး ခင်ဗျာ။

ဦးအောင်စိုး ။ ။ ကျွန်တော်တို့နိုင်ငံက စီးပွားရေး ဖွံ့ဖြိုးတိုးတက်ဖို့ အခွင့်အလမ်း တွေ အများကြီးရှိပါတယ်။ အများကြီး ရှိတဲ့အတွက် တိုးတက်သင့်တယ်။ တိုးတက်သင့်လျက် မတိုး တက်သေးတာကို အားမ ရကြဘူး။ အခုဆို လည်း စီးပွားရေးနဲ့ပတ်သက်လို့ ဝေဖန် မှုတွေ တော်တော် များတယ်။ စီးပွားရေးမတိုးတက်တာ ဘာကြောင့် လဲ၊ အခွင့် အလမ်းတွေ၊ သယံဇာတတွေ ရှိလျက်နဲ့ မတိုးတက်တာ ဘာကြောင့်လဲဆိုတော့ တစ်နည်း ပြောရရင် စီးပွားရေး လုပ်ရတာ မလွယ်လို့ဆိုတဲ့ အဓိပ္ပာယ်လည်း ပေါက်နေပါတယ်။Rank အရ ပြောရင်လည်း အာဆီယံမှာ နောက်ဆုံး အဆင့် ရောက်နေတယ်။ အဆင့် ၁၇၁ ဖြစ်နေတယ်။ ကျွန်တော်တို့က သိပ်ပြီးတော့ မြှောက်ပြောနေလို့ မဖြစ်ဘူး။ အရှိ တရားအရ လက်ရှိအားနည်းချက် တွေကိုလည်း ပွင့်ပွင့်လင်းလင်း ဝန်ခံရမယ်။ နောက် တစ်ခုက တစ်ချိန်က စီးပွားရေး ပိတ်ဆို့တာ ခံခဲ့ရတယ်။ စီးပွားရေး ပိတ်ဆို့ တုန်း ကတော့ စီးပွားရေး ပိတ်ဆို့ လို့ဆိုပြီး မတိုးတက်ဘူး လို့ လက်ညှိုး ထိုးလို့ရတယ်။ အခုချိန်မှာ စီးပွားရေး ပိတ်ဆို့မှုကလည်း မရှိသလောက်ဖြစ်နေပြီ။ ဒီအချိန် မှာကြိုးစားရင်ရလျက်သားနဲ့ ဘာလို့မရလဲ ဆိုရင် ကိုယ့်ဌာနတွေ ကိုယ့်ပြည်တွင်းကပဲ ပြန်ပြီး တော့ ပိတ်ဆို့ သလို မဖြစ်ဖို့လိုပါတယ်။ နောက် တစ်ခုက ဈေးကွက် စီးပွားရေးမှာ ပုဂ္ဂလိကကဏ္ဍက အဓိကဖြစ်ပါတယ်။ ပုဂ္ဂလိက ကဏ္ဍက အဓိက ပေမယ့် ဈေးကွက်စီးပွားရေးဖြစ်တဲ့အတွက် အစိုးရ ဝင်မပါနဲ့လို့ တချို့က ပြောကြတယ်။ Doing Business ရှင်းပြတာကို ကြည့်လိုက်ရင် အစိုးရက ပါဝင်ရမယ်ဆိုတဲ့ အခန်းကဏ္ဍတွေကို အများကြီး ရှင်းရှင်းလင်းလင်း သိရပါတယ်။ ပါသင့်ပါထိုက်တဲ့ နေရာမှာ အစိုးရက ပါဝင်ရမယ်။ ပါဝင်ပြီးတော့ ကူညီရမယ်၊ ဖြည့်ဆည်းပေးရမယ်။ ဒါမှ ပုဂ္ဂလိက ကဏ္ဍကလုပ်နိုင်မယ်။ ကူညီရမယ့် အစား ဌာန ကြောင့် အခက်အခဲ အတားအဆီး ပိတ်ဆို့နေ တယ် ဆိုရင် ဘယ်လိုမှ စီးပွားရေး မအောင်မြင်နိုင်ဘူး။ ပုဂ္ဂလိက ကဏ္ဍကလည်း စိတ်ထင်တိုင်းမလုပ်နိုင်ဘူး။ သူ့မှာ အရင်း အနှီး ဘယ်လောက်ပဲရှိရှိ သူလည်းရင်းရဲမှာမဟုတ်ဘူး။ ပုဂ္ဂလိက ကဏ္ဍနဲ့ အစိုးရဟန်ချက်ညီဖို့ လိုသလို၊ အစိုးရဌာန အချင်း ချင်းက လည်း ညီဖို့လိုတယ်။ တစ်ယောက်က လွယ်အောင်လုပ်ပြီး တစ်ယောက်ကထစ်နေတယ် ဆိုလည်း မအောင်မြင် နိုင်ဘူး။ ဒါကြောင့် ကိုယ့် နိုင်ငံရဲ့အခြေအနေတွေကို အစွမ်းကုန် ဖွင့်ပြီးတော့ တိုးတက်အောင် လုပ်နိုင်ဖို့ အတွက် ဟန်ချက်ညီညီ ကြိုးစားဖို့ လိုတယ် ဆိုတာကို ဒီ Indicator တွေက သက်သေပြနေတာ ဖြစ်ပါတယ်။Indicator နဲ့ပဲ လုံလောက်တယ် မဟုတ်ပါဘူး။ ဒါသည် စနစ်တကAnalyse လုပ်ပြီးတော့ ဖော်ထုတ်ထားတဲ့အတွက် ထင်ရှား တဲ့ သက်သေဖြစ်ပါတယ်။ ကိုယ့်ဌာန အလိုက် ကိုယ့်ရဲ့Indicator ကို တိုးတက်အောင် လုပ်မယ်ဆိုရင် အများကြီး သိသာတဲ့ တိုးတက် မှုတွေ ဖြစ်မှာပါ။

ကိုယ့်ဦးတည်ချက်နဲ့ကိုယ်ကြိုးစား

အခုလက်ရှိအခြေအနေမှာတော့ ကျွန်တော် တို့ရဲ့ အဆင့်ဟာ ၁၇၁ ဖြစ်နေတယ်။ Scoreက တော့ ၄၄ ဒသမ ၂၁ ဖြစ်နေတယ်။ မနှစ်ကအဆင့်က ၁၇ဝ ဖြစ်ပြီး ဒီနှစ်က ၁၇၁ ဖြစ်နေတော့ တစ်ဆင့် ကျသ လိုဖြစ်ပေမယ့် မနှစ်က အမှတ်က ၄၃ ဒသမ ၉၁ ရတယ်။ ဒီနှစ်ကတော့ ၄၄ ဒသမ ၂၁ ရတယ် ဆိုတော့ အမှတ် ကအဲဒီလို တက်လာ တယ်။ ဒီအခြေအနေမှာ ရမှတ်ရော၊ အဆင့်ရော ဒီထက် တိုးတက်အောင် ကြိုးစား ရပါမယ်။ အဓိက ကတော့ ရမှတ်တိုးတက်ဖို့လိုပါတယ်။ တိုးတက်ဖို့အတွက်ကို သက်ဆိုင်ရာIndicator အလိုက် သေသေ ချာချာ ကိုယ့်ရဲ့ဦးတည် ချက်နဲ့ကိုယ် ကြိုးစားကြဖို့ တိုက်တွန်းချင်ပါတယ်။

ကျွန်တော်တို့ကလည်း တာဝန်ရှိတဲ့ ဌာန အနေနဲ့ ကမ္ဘာ့ဘဏ်နဲ့ ပူးပေါင်း ပြီးတော့ ဒါတွေအားလုံးတိုးတက်ဖို့ ဘယ်ဟာကို အရင်လုပ်သင့်တယ်။ ဘယ်ဟာ ကို ဦးစားပေး လုပ်လိုက်ရင် ထိရောက်မယ် ဆိုတာကိုAction Plan ဆွဲနေပါတယ်။

Action Plan ဆွဲပြီး သက်ဆိုင်ရာဌာနတွေ ကို အကြံ ဉာဏ်ပေးပြီးတော့ မြန်မြန် အကျိုးရှိမယ့် အရာတွေကို အရင် လုပ်ဖို့နဲ့ ရေရှည်အကျိုးရှိမယ့် အရာတွေ လည်းလုပ် ဖို့ Action Plan ဆွဲပြီး လုပ်ဖို့ရှိပါတယ်။ ဒီလိုဆောင်ရွက် နေတာ တွေကို သက်ဆိုင်ရာ ဌာနတွေ၊ အများပြည်သူတွေသိ အောင်ပြောကြားခွင့်ရတဲ့အတွက် အထူးကျေးဇူး တင်ကြောင်း ပြောရင်းနဲ့ နိဂုံးချုပ်ပါတယ်။

ကျေးဇူးတင်ပါတယ်။ ။

ကျော်သူထက်၊ မျိုးသူဟိန်း

ဓာတ်ပုံ-အေးသန်း