မြန်မာဂန္ထဝင် အတွဲ ၁ဝဝ စာစဉ် ဝတ္ထုရှည်တွဲများ စတင်ထုတ်ဝေ

နေပြည်တော် နိုဝင်ဘာ ၂၉

မြန်မာစာပေသမိုင်းတွင် ပုဂံခေတ်မှစ၍ ခေတ်အဆက်ဆက် ပေါ်ထွန်းခဲ့သော ဂန္ထဝင်မြောက်သုတ၊ ရသစာကောင်း ပေမွန်များကို စာဖတ်ပရိသတ်လက်သို့ တစ်စုတစ်စည်းတည်း ပေးအပ်လိုသော ရည်ရွယ်ချက်၊ မြန်မာစာပေလက်ရာ ကောင်းများ အဓွန့်ရှည်စွာ မပျောက်ပျက် အောင် ထိန်းသိမ်းရေးရည်ရွယ်ချက်၊ အများပြည်သူ ဉာဏ်ပညာမြင့်မားလာ စေရန်နှင့် လူငယ်များမြန်မာစာပေကို ချစ်မြတ်နိုးလျက် စာပေဖတ်ရှုသော အလေ့အထတိုးပွားလာစေရန် ရည်ရွယ်ချက်တို့ဖြင့် ပြန်ကြားရေးဝန်ကြီးဌာန၊ ပုံနှိပ်ရေးနှင့် ထုတ်ဝေရေးဦးစီးဌာန၊ စာပေဗိမာန်သည် မြန်မာဂန္ထ၀င်အတွဲ ၁ဝဝ စာစဉ်များကို ထုတ်ဝေရန် ဆောင် ရွက်လျက်ရှိပါသည်။

မြန်မာဂန္ထဝင်အတွဲ ၁ဝဝ စာစဉ်များတွင် ၂ဝ ရာစု မြန်မာစာပေအတွင်းမှ ဝတ္ထုရှည်၊ ဝတ္ထုတို၊ ကဗျာ၊ ပြဇာတ်၊ ရသ စာတမ်း၊ သုတပဒေသာ (ဝိဇ္ဇာ၊ သိပ္ပံ)၊ ယဉ်ကျေးမှုနှင့် အနုပညာ၊ နိုင်ငံရေး၊ သမိုင်း၊ တိုင်းရင်းသားဆိုင်ရာ ဘာသာရပ် များအပါအဝင် သုတရသအကောင်းဆုံး စာအုပ်များကို ရွေးချယ်စုစည်း ထုတ်ဝေ သွားမည်ဖြစ်သည်။ ထို့ပြင် မြန်မာစာပေ စတင်ထွန်းကားခဲ့သည့် ပုဂံခေတ်မှ ကုန်းဘောင်ခေတ်အချိန်ခန့်အထိ ထွက် ပေါ်ခဲ့သော ရှေးဟောင်းစာပေများ အတွင်းက ခေတ်လူငယ်များအတွက် အကျိုးပြုမည့် စာပေများကိုလည်း ထုတ်ဝေမည်ဖြစ်သည်။

ဖြန့်ကြက်ရှုမြင်နိုင်
ယင်းစာအုပ်တွဲများကို စာပေပညာရှင်များ၊ စာရေးဆရာများ၊ စာပေ သုတေသီများ၊ စာကြည့်တိုက်ပညာရှင် များပါဝင်သော စိစစ်ရွေးချယ်ရေးအဖွဲ့ များက မိမိကျွမ်းကျင်ရာ ဘာသာရပ်ကဏ္ဍအလိုက် စုဖွဲ့လျက် အချိန်ယူလေ့လာဖတ်ရှု ခဲ့ကြသည်။ မြန်မာစာပေသမိုင်း တစ်လျှောက် ပေါ်ထွန်းခဲ့သော စာပေအမျိုးမျိုးထဲမှ ရည်ရွယ်ချက်နှင့် အကြောင်းအရာအရ သော်လည်း ကောင်း၊ အရေးအဖွဲ့အရ သော်လည်း ကောင်း စာဖတ်ပရိသတ်များ၊ စာပေ လေ့လာသူများက စာပေလက်ရာမွန် အဖြစ် မှတ်တမ်းတင်အသိအမှတ်ပြု ခဲ့ကြရသော သုတ၊ ရသစာပေများကို ရွေးချယ်လျက် စုစည်းထုတ်ဝေမည်ဖြစ်ပြီး ဤစာစဉ်တွဲများမှတစ်ဆင့် မြန်မာစာပေ မြင်ကွင်းတစ်ခုလုံးကို ဖြန့်ကြက်ရှုမြင်နိုင် မည်ဖြစ်သည်။

ယခုအခါ စာဖတ်သူတို့ကို ဘဝအသနအမြင် မြင့်မားစေရေးအတွက် ခံစား နှစ်သက်မှု ''ရသ'' ကို ဖော်ကျူးပေးစွမ်းမည့် မြန်မာဂန္ထဝင်အတွဲ ၁ဝဝ စာစဉ်ဝတ္ထု ရှည်အတွဲ (၁)၊ အတွဲ (၂)နှင့် အတွဲ(၃)တို့ကို စတင်ထုတ်ဝေလိုက်ပြီဖြစ်သည်။ ဝတ္ထုရှည် စာစဉ်အတွဲ(၁)တွင် ဂျိမ်းစ်လှ ကျော်ရေးသားသည့် မောင်ရင်မောင် မမယ်မဝတ္ထု (၁၉ဝ၄)၊ ဝန်စာရေး ဦးကြီး ရေးသားသည့် ချဉ်ပေါင်ရွက်သည် မောင်မှိုင်း (၁၉ဝ၄)၊ မအေးခင် ရေးသား သည့် ချစ်ရိုးအမှန် (၁၉ဝ၇) စာအုပ်တို့ ပါဝင်ပါသည်။ အတွဲ (၂)တွင် ဦးလတ် ရေးသားသည့် ရွှေပြည်စိုး(၁၉၁၄)၊ ရွှေဥဒေါင်းရေးသားသည့် ရတနာပုံ(၁၉၁၇)၊ ဘီအေမောင်ဘသန်း ရေးသားသည့် ထာဝရမေတ္တာ သို့မဟုတ် ဘီအေ မောင်ဘလွင် (၁၉၂ဝ) စာအုပ်တို့ ပါဝင်ပါသည်။ စာစဉ်အတွဲ (၃)တွင် ဦးလတ်ရေးသားသည့် တနန်းပျော်ရင်သွေးတော်(၁၉၂ဝ)၊ ပီမိုးနင်းရေးသားသည့် နေရီရီ (၁၉၂ဝ)၊ သခင်ကိုယ်တော်မှိုင်း ရေးသားသည့် မှာတော်ပုံ (၁၉၂၁) စာအုပ်တို့  ပါဝင်သည်။

ဝတ္ထုရှည် အတွဲများအတွက် မောင်ခင်မင် (ဓနုဖြူ)က စာစဉ်မိတ်ဆက် ပြီး ဆရာဇော်ဂျီ၊ ဦးအေးချို(မဟာဝိဇ­္ဇာ)၊ ရာပြည့် ဦးစိုးညွန့်၊ ဦးမြင့်ဆွေ(မြင့်ဆွေဦး)တို့က အတွဲနိဒါန်းများကို သေသပ်လှပစွာ ရေးသားထားသည်။ ယင်းဝတ္ထုများသည် မြန်မာ့ပုံရိပ်၊ မြန်မာ့စိတ်ထား၊ မြန်မာတို့၏ ဘဝအတွေ့အကြုံများကို ဖော်ကျူးထားသည့် ရသစာပေကောင်းစာအုပ်များ ဖြစ်သည်။

ဝတ္ထုရှည် ဘာသာရပ်ပြီးနောက် ဝတ္ထုတို၊ ကဗျာ၊ ပြဇာတ် စသည်ဖြင့် ရသ စာပေစာအုပ် တွဲများကို ဆက်လက် ထုတ်ဝေသွားမည်ဖြစ်သည်။ မိသားစုများ၊ စာကြည့်တိုက်များ၊ အဖွဲ့အစည်း များ၊ ကုမ္ပဏီများ၏ စာအုပ်စင်များတွင် ခံ့ညားတင့်တယ်စွာ ထားရှိဖတ်ရှုနိုင်ရန် အတွက် စာမျက်နှာ ၇ဝဝ ခန့်ပါ ခန့်ချုပ် ဖြင့် အဆင်အပြင် လှပသပ်ရပ်စွာ စီစဉ် ထုတ်ဝေထားပြီး တစ်တွဲလျှင် ငွေကျပ် ၁၂ဝဝဝ ဖြင့် ဖြန့်ချိမည်ဖြစ်သည်။

ဖြန့်ချိရောင်းချသွားမည်
မြန်မာဂ္ထဝင်အတွဲ ၁ဝဝ ဝတ္ထုရှည် စာအုပ်များကို ၂ဝ၁၈ ခုနှစ် ဒီဇင်ဘာလအတွင်း စာပေဗိမာန်စာ အုပ်ဆိုင်မှ တစ်ဆင့် မြန်မာတစ်နိုင်ငံလုံးသို့ ဖြန့်ချိရောင်းချသွားမည် ဖြစ်ကြောင်း သိရသည်။

သတင်းစဉ်