၂၀၁၇ ခုနှစ်အတွက် အမျိုးသားစာပေဆုရှင်များအဖြစ် ရွေးချယ်ခြင်းခံရသည့် စာရေးဆရာ အချို့၏ စကားသံများ

ပြန်ကြားရေးဝန်ကြီးဌာန အမျိုးသားစာပေဆု စိစစ်ရွေးချယ်ရေးကော်မတီက ၂၀၁၇ ခုနှစ် အမျိုးသားစာပေဆုများကို ထုတ်ပြန်ကြေညာခဲ့ပြီးဖြစ်ရာ အမျိုးသားစာပေ ဆုရစာပေ ပညာရှင်များ ဖြစ်သည့် စာရေးဆရာ လင်းထက်ဆွေနှင့် စာရေး ဆရာမ စံပယ်ဖြူနုတို့အား တွေ့ဆုံမေးမြန်းခဲ့ပါသည်-

စာရေးဆရာ လင်းထက်ဆွေ(ဘာသာပြန်-သုတဆု)

ဟိမဝန္တာခရီးသည်၏ ဆေးဘုရားရှာပုံတော်စာအုပ်

စွယ်တော်စာပေတိုက်

ကျွန်တော် ဒီစာအုပ်ကို ဘာသာပြန်ဖြစ်ခဲ့တာကတော့ ကိုယ်ဝါသနာပါတဲ့ အကြောင်းအရာ လည်းဖြစ်တယ်။ စာဖတ် ပရိသတ်တွေ သိသင့်သိထိုက်တဲ့အကြောင်းအရာလည်း ဖြစ်တယ်။ ဘာသာပြန်ရင်တော့ ကောင်းမယ်ဆိုပြီး ရေးဖြစ်ခဲ့ တာပါ။ ၂၀၀၃ ခုနှစ်လောက်ကတည်းက ဒီစာအုပ်ကို ဖတ်ဖူးခဲ့တာပါ။ မူရင်းစာအုပ်ကိုက ဖတ်လို့လည်း ကောင်းတယ်။ စာအုပ်ထဲက အကြောင်းအရာ တွေကလည်း ဗဟုသုတဖြစ်စေတယ်ဆိုတာ တွေ့ရှိရတယ်။ ဆေးကျမ်းကြီးတစ်ကျမ်းလို ရေးထားတာမျိုးမဟုတ်ဘဲ ခရီးသွားစာပေ သဘောမျိုးဆန် တယ်။ စိတ်ဝင်စားသဘောကျမိတာကြောင့် ဘာသာပြန်ဆို ရေးသားဖြစ်ခဲ့တာဖြစ်ပြီး ဆုတွေ ဘာတွေ မှန်းထားတာမျိုးမရှိပါဘူး။ ကိုယ်နှစ်သက်လို့ ရေးဖြစ်ခဲ့တဲ့စာအုပ်တစ်အုပ်ပါ။ အမျိုးသားစာပေဆု စိစစ်ရွေးချယ်ရေး ကော်မတီက အခုလိုစိစစ် ရွေးချယ်ခဲ့တဲ့အတွက် ဝမ်းလည်းဝမ်းသာမိသလို အံ့လည်း အံ့ဩမိပါတယ်။ အသိအမှတ်ပြု ရွေးချယ်တဲ့အတွက် ဝမ်းသာမိသလို မထင်မှတ်ထားဘဲ ရခဲ့တာဆိုတော့အံ့ဩရတာပေါ့။

အခုဆုရတဲ့စာအုပ်အတွက် ပြင်ဆင်ချိန်ကိုပြောရမယ်ဆိုရင် အချိန်ယူလုပ်ဆောင် ခဲ့ရပါတယ်။ မူရင်းစာအုပ်ထဲမှာပါတဲ့ အကြောင်းအရာတွေက ကျွန်တော်နဲ့ရင်းနှီးကျွမ်း ဝင်မှုမရှိဘဲ အတော်ကို စိမ်းနေပါတယ်။ ကျွန်တော်က အတွေးအခေါ်၊ စိတ်ပညာစတာတွေ ကို အားသာတဲ့အတွက်ကြောင့် ဆေးပညာဆိုတော့ အခက်အခဲတွေရှိခဲ့တယ်။ ဒါပေမယ့် ကိုယ်က ဖြစ်အောင်လုပ်ချင်တာဆိုတော့ အတော်ကို ကြိုးစားခဲ့ရပါတယ်။ ဆေးပညာနဲ့ ပတ်သက်တဲ့ စာအုပ်တွေ ဖတ်ရတယ်။ အသုံးအနှုန်းတွေ သိရဖို့အတွက် အွန်လိုင်းကနေ လည်း လေ့လာရပါတယ်။ တိုင်းရင်းဆေး အဘိဓာန်ထဲက စကားလုံး အသုံးအနှုန်းတွေ ကိုလည်း ရှာဖွေလေ့လာခဲ့ရတယ်။ ပြင်ဆင်ချိန်ရော၊ ပြန်ဆိုရေးသား ချိန်ရောဆိုရင် စုစုပေါင်း တစ်နှစ်ခွဲ လောက်ကြာပါတယ်။ အလွယ်တကူပြန်ဆိုလိုက်မယ်ဆိုရင်တော့ အခက်အခဲ သိပ်မရှိနိုင်ဘူး။ ဒါပေမယ့် မူရင်းစာရေး ဆရာရဲ့ အာဘော်လည်း မိအောင်၊ အကြောင်းအရာနဲ့ ပတ်သက်ပြီး အမှားအယွင်းမရှိအောင်၊ စကားလုံးတွေလည်း မကျန် အောင် ဂရုစိုက်ပြီး ကြိုးစား လုပ်ဆောင်ခဲ့ရပါတယ်။

စာပေလမ်းခရီးကိုပြောရရင် ငယ်ငယ်ကတည်းက စာဖတ်တာ ဝါသနာပါခဲ့တယ်။ စာအုပ်ထုတ်ဝေမှု အနေနဲ့က ၂၀၁၄ ခုနှစ် မှာ တစ်အုပ်၊ ၂၀၁၅ ခုနှစ်မှာ တစ်အုပ်၊ အခုဆုရတဲ့ စာအုပ်က ၂၀၁၆ ခုနှစ်မှာ ထုတ်မလို့ရည်ရွယ်ထားတာ။ အချိန်ယူ လုပ် ဆောင် ခဲ့ရတဲ့အတွက်ကြောင့် ၂၀၁၇ ခုနှစ် ဇန်နဝါရီလကျမှ ထုတ်ဖြစ်ခဲ့တာပါ။ လောလောဆယ် ကာလအထိတော့ သုံးအုပ်ထုတ်ပြီးပါပြီ။ လာမယ့် ဒီဇင်ဘာလထဲမှာ တစ်အုပ်ထပ် ထွက်ဖို့ရှိပါတယ်။

လူငယ်တွေအနေနဲ့ ဘာသာပြန်ကို စိတ်ဝင်စားကြတယ်ဆိုရင် လမ်းညွှန်မှုပြုချင်တာက ကိုယ်ဘာသာပြန်မယ့် Source Language (အင်္ဂလိပ်၊ ပြင်သစ်စသည်)ကို သေသေချာချာ နိုင်နင်းကျွမ်းကျင်ဖို့ လိုတယ်။ အီဒီယမ်တွေ၊ ဒေသိယစကားလုံး တွေကအစ သိထားဖို့ လိုအပ်ပါတယ်။ ကျယ်ကျယ်ပြန့်ပြန့်လေ့လာထားဖို့လိုတယ်လို့ ပြောချင်တာပါ။ အဲဒီလိုမှ မဟုတ်ရင် အမှားတွေနဲ့ ရင်ဆိုင်ရတတ်ပါတယ်။ နောက်တစ်ခုက ကိုယ်ပြန်ဆိုမယ့် Target Language (မြန်မာစာ) ဖြစ်ပါတယ်။ မြန်မာဘာသာဆိုတာ မိခင်ဘာသာ စကားဖြစ်သော်ငြားလည်း သိမ်မွေ့နက်နဲပြီး တန်ဖိုးရှိပါတယ်။ စကားလုံး သုံးစွဲတဲ့ အခါမှာ ရှေးရှေးက ဆရာကြီးတွေရဲ့ ရေးသားမှုတွေကို လေ့လာဖို့လိုပါတယ်။ ဒါမှသာ တိတိပပ ဘာသာပြန်ဆို ရေးသား နိုင်မှာပါ။

နောက်ပြီးအကြောင်းအရာကိုလည်း ရင်းနှီးကျွမ်းဝင် ထားဖို့လိုပါတယ်။ ဥပမာ စိတ်ပညာ အကြောင်းကို ဘာသာပြန်မယ် ဆိုရင် စိတ်ပညာဆိုတာ ဘာလဲလို့သိရှိအောင် လုပ်ထားရပါ မယ်။ အဲဒီလိုမှ မဟုတ်ဘူးဆိုရင် အင်္ဂလိပ်စာတတ်တိုင်းလည်း ဘာသာပြန်ဆိုနိုင်ဖို့ မလွယ်ပါဘူး။ နောက်တစ်ခုက မူရင်းစာရေးဆရာရဲ့ အာဘော်မပျောက်ဖို့ အထူးဂရုစိုက် ရပါမယ်။ သူဘာပြောချင်တာလဲ၊ စာဖတ်ပရိသတ်ကို ဘာတွေပေးချင်တာလဲဆိုတာ ပျောက်မသွားအောင် ကြိုးစားပြီး ပြန်ဆိုဖို့လို ပါတယ်။ တခြားသော ဘာသာပြန်ဆရာတွေ ရဲ့အမြင်နဲ့ ကျွန်တော့်ရဲ့အမြင်တို့ ကွဲပြားကောင်းကွဲပြားနိုင်ပါတယ်။ ဒါပေမယ့် စာရေးသူက အီတလီခေါက်ဆွဲကို ထင်ပေါ်စေချင်လို့ ရေးထားတာကိုတော့ နန်းကြီးသုပ်လို့ မရေးသင့်ဘူးလို့ ကျွန်တော်ကတော့ ယူဆပါတယ်။ မူလအဓိပ္ပာယ်ဆိုလိုရင်း ပျောက်သွားစေပါတယ်။ နောက်ပြီး ဘာသာပြန်ဆိုတဲ့နေရာမှာ စေတနာပါဖို့ လိုသလို ကြိုးစားအားထုတ်မှုကလည်း အထူးတလည်လိုအပ်တယ်လို့ လူငယ်တွေကို အကြံပြုလို ပါတယ်။

လူငယ်တွေအနေနဲ့ မျက်စိဖွင့်ထားပါ။ စာများများဖတ်ပါ။ ဘာသာစကားတွေကို ကျွမ်းကျင် တတ်မြောက်အောင်လုပ်ပါ။ ကိုယ့်ရဲ့လုပ်ဆောင်ချက်ပေါ်မှာ စေတနာထားပါ၊ ကြိုးစားပါ၊ ရိုးသားပါ၊ တန်ဖိုးထားပါလို့ အကြံပြုလိုပါတယ်။ တကယ်တော့ ဘာသာပြန်သူ တစ်ယောက်ရဲ့ တာဝန်က အတော်ကိုကြီးလေးပါတယ်။ ကိုယ်ရဲ့ လွဲမှားတဲ့ရေးသားပြန်ဆို မှုကြောင့် စာဖတ်သူတွေ အသိမှား၊ အမြင်မှားတွေဖြစ်စေရင်မကောင်းပါဘူး။ ဘာသာပြန် လုပ်ငန်းဆိုတာက ပြင်ပကမ္ဘာကြီးကို ကြည့်လို့ရတဲ့ ပြတင်းပေါက်ပဲ ဖြစ်ပါတယ်။ ယနေ့ခေတ် ပညာလူ့အဖွဲ့ အစည်းကြီးမှာ ဘာသာပြန် လုပ်ငန်းဟာလည်း တစ်ထောင့် တစ်နေရာက ပါဝင်လျက်ရှိနေပါတယ်။

ကျွန်တော့်ရဲ့စာပေရှေ့ခရီးနဲ့ပတ်သက်ပြီး ပြောရရင် သာသာပြန်သက်သက်ကြီးသာ ရေးသားတာမျိုး မဟုတ်ဘဲ သုတေသနတွေ၊ ကိုယ်တိုင်ရေးတွေ၊ သူများမရေးရသေးတဲ့ အကြောင်းအရာသစ်တွေ၊ သူများရေးပြီးသားတွေကိုလည်း အမြင်သစ်၊ ရှုထောင့်သစ်၊ အတွေးသစ်တွေပေးနိုင်အောင် ရေးသားသွားဖို့ရှိပါတယ်။ အဓိကရေးချင်တာတွေကတော့ အရှေ့တိုင်းယဉ်ကျေးမှုတွေ (တိဗက်၊ မဟာယန၊ ထေရဝါဒ)၊ သမိုင်းကြောင်းတွေကို သုတေသနပြုပြီးရေးပါမယ်။ အနောက်တိုင်းဆိုင်ရာ ဒဿနတွေ၊ လူသိများ ထင်ရှားတဲ့ လေးစားရတဲ့ ပုဂ္ဂိုလ်တွေရဲ့ အတ္ထုပ္ပတ္တိတွေ ရေးသားသွားဖို့ ရှိပါတယ်။

စာရေးဆရာမစံပယ်ဖြူနု(ကလေးစာပေဆု)
ပါလေရာအယ်နီစာအုပ်(ကံ့ကော်ဝတ်ရည်စာပေတိုက်)

ဒီစာအုပ်ကို ရေးဖြစ်တဲ့အကြောင်းကိုပြောရရင် နိုဗယ်စာပေ ပွဲတော်မှာ ကလေးစာပေ အတွက် လုပ်ကြတဲ့အခါ ကျွန်မရဲ့ အစ်မတွေနဲ့အတူ စာရေးဆရာတွေ၊ ထုတ်ဝေသူတွေ လည်း ပါတယ်။ သူတို့က သဝေထိုးဖတ်စာစာအုပ်ထုတ်ကြမယ်ဆိုပြီး လုပ်ကြတယ်။ စုစုပေါင်းငါးယောက်ဆိုတော့ တစ်ယောက်နှစ်ပုဒ်နှုန်းနဲ့ အားလုံး ၁၀ ပုဒ်တစ်အုပ်ထုတ် မယ်ဆိုပြီးတော့၊ အဲဒီမှာ ဝတ္ထုတိုနှစ်ပုဒ်ရေးရ မယ်ဆိုတော့ စဉ်းစားကြည့်တယ်။ ဇာတ်ကောင်တစ်ကောင်တည်းထားပြီးရေးတာ ပိုအဆင် ပြေမယ်ဆိုပြီး တွေးမိတယ်။ အဲဒါနဲ့ရေးပြီး ထုတ်ဝေသူကိုသွားပြတော့ ဒီလိုဇာတ်ကောင်မျိုး ထပ်ပြီးရေးသင့် တယ်လို့ အကြံပြုပါတယ်။ အဲဒီလိုနဲ့ပဲ အယ်နီဆိုတဲ့ဇာတ်ကောင်ကို စပြီးရေးဖြစ်ခဲ့တာပါ။ ပါလေရာ အယ်နီရဲ့ရှေ့ကစာအုပ်ပေါ့။

အဲဒီစာအုပ်ထုတ်တဲ့အချိန်မှာ အများကြီးမျှော်လင့်မထားပါဘူး။ စာဖတ်ပရိသတ် ဘယ်လို တုံ့ပြန်မလဲဆိုတာ စောင့်ကြည့် မယ်ပေါ့။ တကယ်လည်းစာအုပ်ထွက်လာတဲ့ အချိန်ကျတော့ ကိုယ်ရည်ရွယ်ထားတဲ့ (၈၊ ၉)နှစ်အရွယ် ကလေးတွေအပြင် ဆယ်ကျော်သက်တွေရော၊ နှစ်ဆယ်ကျော်တွေရော၊ လူငယ်တွေရော၊ တချို့ဆိုရင် ကလေးတွေရဲ့မိဘတွေကပါ ဖတ်ပြီး တော့ လက်ခံကြတာတွေ့ရတယ်။ သူတို့က အယ်နီဇာတ်ကောင် ဆက်ရေးပါဦးလို့ အကြံပြုလာကြတော့ ဆက်ရေးဖြစ်ခဲ့ တာပါ။

အမျိုးသားစာပေဆုရွေးချယ်ခံရတာနဲ့ပတ်သက်ပြီး ပြောရရင် ဆုရမယ်လို့ လုံးဝကို မထင် ထားဘူး။ ၂၀၁၇ ခုနှစ်မှာက ဒီစာအုပ်တစ်အုပ်ပဲထွက်ဖြစ်ခဲ့တယ်။ ဆုကိုရည်မှန်းပြီး ဖန်တီးခဲ့တာမဟုတ်တော့ တကယ်တမ်းရတဲ့အခါ အံ့ဩဝမ်းသာ ဖြစ်ရပါတယ်။ နောက်ပြီး သမီးလေး မွေးတဲ့နှစ်လည်းဖြစ်၊ ရတဲ့ဆုကလည်း ကလေးစာပေဆုဆိုတော့ အမှတ်တရနှစ်လို့ပဲ ပြောရမှာပါ။

ကလေးစာပေနဲ့ပတ်သက်ပြီးပြောရရင် အခုခေတ်အခြေအနေက ကလေးတွေ လက်လှမ်း မီတဲ့၊ စိတ်ဝင်စားတဲ့ စာပေတွေ လိုအပ်ပါတယ်။ အဓိကကတော့ စာစဖတ်တဲ့အရွယ်မှာ စာချည်းသက်သက်ထက် ရုပ်ပြတွေက အရေးပါတယ်လို့ပြောချင် ပါတယ်။ အဲဒီအပိုင်းမှာ လိုအပ်ချက်တွေ ရှိနေတယ်လို့ မြင်တယ်။ လက်ရှိမှာ အဲဒီလိုမျိုးစာပေတွေ ထွက်ရှိနေတယ် ဆိုပေမယ့် ကလေးတိုင်းနဲ့ လက်လှမ်းမမီ သေးတာ တွေ့ရပါတယ်။ နောက်တစ်ခုက ကျောင်းစနေတဲ့ သူငယ်တန်း၊ တစ်တန်းအရွယ် ကတည်းက ကလေးတွေဟာ ကျောင်း၊ ကျူရှင်စတာတွေနဲ့ လုံးပန်းနေရတယ်။ အဲဒါကြောင့် အပြင်စာဖတ်ချိန် နည်းနေသလားလို့ မြင်မိပါတယ်။ စိတ်လည်းပူမိပါတယ်။

စာပေရှေ့ခရီးကိုပြောရမယ်ဆိုရင် လောလောဆယ်တော့ ဝတ္ထုတိုနဲ့ ဝတ္ထုရှည်ကတော့ ပုံမှန်ရေးနေပါတယ်။ ကလေး စာပေဖြစ်တဲ့ အယ်နီကတော့ ရေးလက်စဖြစ်နေပြီး ကိုယ် ကိုယ်တိုင်ကလည်း အဲဒီဇာတ်ကောင်ကို သံယောဇဉ် ဖြစ်မိပါတယ်။ စာဖတ်သူဘက် ကလည်း အယ်နီဆက်ရေးပါလားဆိုပြီး တောင်းဆိုနေတော့ လောလောဆယ် အယ်နီပါတဲ့ ဝတ္ထုရှည်တစ်ခု စွန့်စားခန်းလိုဟာမျိုး ရေးနေပါတယ်။ နောက်နှစ်ဆိုရင်တော့ လုံးချင်းတွေ ရေးဖို့ရှိပါတယ်။

အယ်နီစထွက်တော့ သိပ်မျှော်လင့်မထားရဲဘူး။ စာကလည်းများတယ်။ ဖြစ်နိုင်ရင်တော့ စာနဲ့ ရုပ်ပုံတွဲပြီး ထုတ်တာမျိုးက ပိုကောင်းတာပေါ့။ အခြေအနေအရပ်ရပ်ကြောင့် မလုပ်ဖြစ် ခဲ့တာပါ။ စာများတော့ ဖတ်မှဖတ်ကြပါ့မလားဆိုပြီး စိတ်ပူ မိတယ်။ ဒါပေမယ့် တချို့တစ်တန်း အရွယ်ကလေး တွေဆို သူတို့အမေတွေက ဖတ်ပြတယ်။ အဲဒီလိုမျိုး လူကြီးက ဖတ်ပြတာ ရှိသလို ကလေးတွေ ကိုယ်တိုင်လည်း ဖတ်ကြတာလည်းရှိတယ်။ အဲဒီလိုကြားရတော့ တော်တော်လေး ဝမ်းသာ ပီတိ ဖြစ်မိတယ်။ ကိုယ့်ရဲ့စာအုပ်ကို ကလေးတွေဖတ်ကြတယ် ဆိုတာ သိရတဲ့ပီတိက ဘာနဲ့မှမတူပါဘူး။ နောက်ထပ် ရေးဖြစ်အောင် တွန်းအားပေးတဲ့ သဘောမျိုးလည်း သက်ရောက်စေပါတယ်။ ကျောင်းစာတွေနဲ့ လုံးပန်းနေရတဲ့ကြား ထဲက ဖတ်ကြတဲ့ကလေးတွေရော ဖတ်ဖြစ်အောင် အထောက် အပံ့ပြုပေးတဲ့မိဘတွေကိုပါ ကျေးဇူးတင်ပါတယ်။ ။

တွေ့ဆုံမေးမြန်း - ရာမည (ကြေးမုံ)