နေပြည်တော်
မတ် ၂၁
တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး
မင်းအောင်လှိုင်သည် မြန်မာနိုင်ငံဆိုင်ရာ တရုတ်သံအမတ်ကြီး မစ္စတာ ဟုန်လျန်အား ယနေ့ နံနက်
၉ နာရီ တွင် နေပြည်တော်ရှိ ဇေယျာသီရိဗိမာန် ဧည့်ခန်းမဆောင်၌ လက်ခံတွေ့ဆုံသည်။
ထိုသို့တွေ့ဆုံရာတွင် တပ်မတော်ကာကွယ်ရေးဦးစီးချုပ်က
လောက်ကိုင်ဒေသ၏ နောက်ခံသမိုင်း ကြောင်းနှင့် ၂၀၁၅ ခုနှစ်၊ ၂၀၁၆ ခုနှစ်၊ ၂၀၁၇ ခုနှစ်များအတွင်း
လက်နက်ကိုင်များက အရှေ့မြောက်နယ်မြေအတွင်း စစ်ရေး လှုပ်ရှားမှုများကို စတင် လုပ်ဆောင်ခဲ့သည့်အခြေအနေများ၊
နိုင်ငံတော်အစိုးရနှင့် တပ်မတော်တို့၏ ငြိမ်းချမ်းရေး ကမ်းလှမ်းမှုများကို ငြင်းပယ်၍
စစ်ရေးနည်းလမ်းကိုသာ ရွေးချယ်လုပ်ဆောင်ခဲ့မှုများ၊ တိုက်ပွဲများကြောင့် တပ်မတော် သားများ
စွန့်လွှတ်ပေးဆပ်ရမှုများရှိပြီး ၎င်းတို့လည်း ထိခိုက်ကျဆုံးမှုများစွာရှိကြောင်း၊ ဒေသခံပြည်
သူများလည်း နစ်နာမှုရှိပြီး နှစ်နိုင်ငံ ကုန်သွယ်ရေးနှင့် ဆက်ဆံရေးကိုပါ ထိခိုက်စေခြင်းကြောင့်
မည်သည့် အကျိုးမျှမရှိ သည့် အခြေအနေများနှင့် နှစ်နိုင်ငံနယ်စပ်ဒေသတည်ငြိမ်အေးချမ်းရေးအတွက်
၎င်းတို့ စစ်ရေးအရ အခြေအနေဖန်တီးနိုင်ခွင့်မရှိစေရေးဆိုင်ရာ ကိစ္စရပ်များကို ဆွေးနွေးပြော
ကြားသည်။
တရုတ်နိုင်ငံ သံအမတ်ကြီးက မြန်မာ-တရုတ်
နယ်စပ်ကိစ္စရပ်များကြောင့် နှစ်နိုင်ငံနယ်စပ်ဒေသလုံခြုံရေးနှင့် တည်ငြိမ်အေးချမ်းမှုကို
ထိခိုက်စေမှုအခြေအနေများ၊ မြန်မာနိုင်ငံ၏ ငြိမ်းချမ်းရေးဖော်ဆောင်မှုလုပ်ငန်းစဉ်တွင်
ပါဝင်ညှိနှိုင်းဆောင်ရွက်ပေးမှု အခြေအနေများကို ရှင်းလင်းပြောကြားပြီး လက်ရှိလောက်ကိုင်ဒေသဖြစ်စဉ်များနှင့်
ပတ်သက်၍ မြေပြင်တွင် အမှန်တကယ်ဖြစ်ပျက်နေမှု၊ နှစ်ဦးနှစ်ဖက် လုပ်ဆောင်နေမှု၊ နယ်စပ်ဒေသလုံခြုံရေးနှင့်
တည်ငြိမ်အေးချမ်းရေးအတွက် ဆက်လက်ပူးပေါင်းဆောင် ရွက်သွားမည့် ကိစ္စရပ်များကို ဆွေးနွေးပြောကြား
ခဲ့ကြောင်း သတင်းရရှိသည်။
(သတင်းစဉ်)
No comments:
Post a Comment