နေပြည်တော် ဒီဇင်ဘာ ၇
မြန်မာနိုင်ငံကြက်ခြေနီအသင်း
နာယက၊ နိုင်ငံတော်သမ္မတဦးထင်ကျော်သည် ယနေ့နံနက်ပိုင်းတွင် မြန်မာနိုင်ငံ ကြက်ခြေနီအသင်း
ဥက္ကဋ္ဌ ပါမောက္ခဒေါက်တာမြသူနှင့် အလုပ်အမှုဆောင်အဖွဲ့ဝင်များအား နိုင်ငံတော်သမ္မတအိမ်တော်
ဧည့်ခန်းမ၌ လက်ခံတွေ့ဆုံသည်။
တွေ့ဆုံစဉ် မြန်မာနိုင်ငံကြက်ခြေနီအသင်းမှ
အသင်း၏ လုပ်ငန်းဆောင်ရွက်မှု အခြေအနေများကို ရှင်းလင်းတင်ပြပြီး နိုင်ငံတော်သမ္မတက လိုအပ်သည်များ
ညှိနှိုင်းဆောင်ရွက်ပေးသည်။
ယင်းနောက် နိုင်ငံတော်သမ္မတသည်
မြန်မာနိုင်ငံကြက်ခြေနီအသင်း၏ ရာသက် ပန်အသင်းဝင်အဖြစ်ဝင်ရောက်ပြီး အလှူငွေ ကျပ် ၁
သိန်း ပေးအပ်လှူဒါန်းသည်။
တွေ့ဆုံပွဲသို့ ကျန်းမာရေးနှင့်အားကစားဝန်ကြီးဌာန
ပြည်ထောင်စုဝန်ကြီး ဒေါက်တာမြင့်ထွေး တက်ရောက်သည်။ ၂၀၁၅ ခုနှစ် မြန်မာနိုင်ငံကြက်ခြေနီအသင်းဥပဒေ ပုဒ်မ ၄ အရ နိုင်ငံတော်သမ္မတသည် မြန်မာနိုင်ငံ ကြက်ခြေနီအသင်း၏
နာယကဖြစ်ကြောင်း သိရသည်။
(သတင်းစဉ်)
No comments:
Post a Comment