ယခုအချိန်တွင်
မုံရွာမြို့နယ်အတွင်းဆောင်းသီးနှံအဖြစ် ကုလားပဲ၊ ပဲမျိုးစုံ၊ ဂျုံသီနှံများနှင့် အဓိကသီးနှံ
အဖြစ် အပင်စိုက် ကြက်သွန်များစိုက်ပျိုးလျက်ရှိရာ ဆောင်းရာသီစိုက်ကြက်သွန်များ အချိန်မီစိုက်ပျိုးနိုင်ရေး
အတွက် အလုပ်သမားများ ငှားရမ်း အသုံးပြုရသဖြင့် လက်လုပ်လက်စား လုပ်သားများ အလုပ်အကိုင်များ
ရရှိလျက်ရှိကြောင်း သိရသည်။
ဆောင်းကြက်သွန်စိုက်တောင်သူများအနေဖြင့်
မိမိတို့သီးနှံများကို အချိန်မီစိုက်ပျိုးနိုင်ရေးအတွက် မိမိတို့ ကျေးရွာများနှင့်
အနီးဝန်းကျင်မြို့နယ်များမှ အလုပ်သမားများ ရှာဖွေငှားရမ်းလျက် နေ့စားလုပ်အားခဖြင့်
လည်းကောင်း၊ ပုတ်ပြတ်ငွေချေစနစ်ဖြင့်လည်းကောင်း စိုက်ပျိုးလျက်ရှိရာ နေ့စားအလုပ်သမားများ
အလုပ်အကိုင်များ ရရှိခြင်းဖြစ်ကြောင်း သိရသည်။
''
ဒီနှစ်ကကြက်သွန်ပျိုးတဲ့ရာသီမှာမိုးရွာတော့ ပုံမှန်ပျိုးထောင်တဲ့သူတွေဆို ပျိုးပင်တွေ
ပျက်စီးကုန်တယ်၊ ပျိုးထောင်ရက်စောတဲ့သူတွေ၊ နောက်ကျတဲ့သူတွေကအခုစိုက်ကြတာ၊ ပျိုးပင်ပျက်စီးသွားတဲ့
တောင်သူကတော့ မစိုက်နိုင်သေးဘူး၊ ဒီနှစ်မှာနေ့စားလာလုပ်ကြတဲ့သူတွေရှားတယ်၊ တစ်ဧကစိုက်ပျိုးခ
(၁၄ဝဝဝဝ)ကျပ်နဲ့ ပုတ်ပြတ်စိုက်ကြတယ်၊ ကြက်သွန်စိုက်ဖို့ပေါင်ဆွဲတဲ့အမျိုးသားတွေကိုတော့
တစ်ရက်ကို တစ်ယောက်ငွေကျပ် (၅ဝဝဝ) ပေးရတယ်၊ မနှစ်ကတော့ တစ်ဧကိုပုတ်ပြတ်ဈေးက (၁၂ဝဝဝဝ)ကျပ်ပဲ
ရှိတာ တစ်နှစ်ထက်တစ်နှစ်ကအလုပ်သမားရှားပါးပြီးကြက်သွန်စိုက်ပျိုးချိန်ဆို အလုအယက်ရှာရတယ်၊ကြက်သွန်စိုက်
ရာသီက တစ်လခွဲလောက်ကြာတယ်၊ တောင်သူတွေက ကြက်သွန်ပျိုးတဲ့ တော်သလင်းလလောက်ကနေ တန်ဆောင်မုန်းလလောက်အထိ ငွေစိုက်ထုတ်ရတဲ့လတွေပဲ၊ ဒီလတွေမှာ နေ့စားအလုပ်သမားတွေက
ငွေရွှင်တဲ့လတွေ၊ အခုစိုက်ပြီးတဲ့အချိန်ကနေ (၄)လလောက်ကြာမှ ကြက်သွန်စပေါ်တယ်၊ မုံရွာမြို့နယ်
မြောက်ပိုင်းဘက်ခြမ်းမှာက ကုန်းကြက်သွန်နဲ့ အင်းကြက်သွန်နှစ်မျိုးစိုက်ကြတယ်၊ ကုန်းကြက်သွန်ကတစ်ဧကကို
(၅ဝဝဝ)ပိသာကနေ (၆ဝဝဝ)ပိသာအထိထွက်တယ်၊ အင်းကြက်သွန်ကတော့ တစ်ဧကကို ပိသာချိန်(၈ဝဝဝ) လောက်အထိထွက်တယ်၊
ကြက်သွန်တစ်ဧက စိုက်ကို ကြက်သွန်စပျိုးတဲ့အချိန်ကနေ ထွက်တဲ့အချိန်အထိ ကုန်ကျစရိတ်က
ငွေကျပ်(၄၅ဝဝဝဝ) (ကျပ်လေးသိန်းငါးသောင်း) ကနေကျပ် (၅ဝဝဝဝဝ) (ကျပ်ငါးသိန်းဝန်းကျင်)
အထိကုန်ကျတယ်၊ ကျွန်တော်ဒီနှစ်ဆောင်းကြက်သွန် (၂) ဧကစိုက်နေတာပါ ''ဟု ကျောက်စစ်ပုံ(တောင်)
ကျေးရွာမှ ကြက်သွန်စိုက်တောင်သူ ဦးသန်းစိုးအောင်က ပြောသည်။
မုံရွာမြို့နယ်
မြောက်ဘက်ခြမ်းရှိ တောင်ပလူ၊ ကျောက်စစ်ပုံ၊ ကျွဲရဲ၊ သမန်တာ၊ ကော်ရဗျ၊ ညောင်ခြေထောက်၊
ကျီကုန်း၊ အလုံ ဖန်ခါးကျင်းကျေးရွာတို့တွင် ကုန်း၊ အင်းကြက်သွန်များကို အများဆုံး စိုက်ပျိုးလျက်ရှိရာ
နေ့စားအလုပ်သများအနေဖြင့် အလုပ်အကိုင်များရရှိကြသဖြင့် အဆင်ပြေလျှက် ရှိကြောင်း သိရသည်။
မုံရွာ
(ပြန်/ဆက်)
No comments:
Post a Comment