ပင်လယ်ပြင် လက်တွေ့ လေ့ကျင့်ခန်း ဆောင်ရွက်ရန်အတွက် သတိပေးချက် ထုတ်ပြန်

နေပြည်တော် မတ် ၂၁

တပ်မတော်(ရေ) စစ်ရေယာဉ်များသည် မတ် ၂၇ ရက်မှဧပြီ ၆ ရက်အတွင်း ပင်လယ်ပြင် လက်တွေ့ လေ့ကျင့်ခန်းနှင့် လက်နက်များ လေ့ကျင့် ပစ်ခတ်ခြင်းများအား မာန်အောင်ကျွန်း အနောက်ဘက် ရေပြင်တွင် လေ့ကျင့် ဆောင်ရွက်သွားမည် ဖြစ်ကြောင်း သိရသည်။

လေ့ကျင့်ခန်း ဧရိယာအဖြစ် Point AA မြောက် လတ္တီတွဒ် ၁၉ ဒီဂရီ ဝဝ မိနစ်၊ အရှေ့လောင်ဂျီတွဒ် ၉၂ ဒီဂရီ ၁၅ မိနစ်၊ Point BB မြောက်လတ္တီတွဒ် ၁၉ ဒီဂရီ ဝဝ မိနစ်၊ အရှေ့လောင်ဂျီတွဒ် ၉၃ ဒီဂရီ ၁၅ မိနစ်၊ Point CC မြောက်လတ္တီတွဒ် ၁၈ ဒီဂရီ ၂၅ မိနစ် ၊ အရှေ့လောင်ဂျီတွဒ် ၉၃ ဒီဂရီ ၁၅မိနစ်၊ Point DD မြောက်လတ္တီတွဒ် ၁၈ ဒီဂရီ ၂၅မိနစ်၊ အရှေ့လောင် ဂျီတွဒ် ၉၂ ဒီဂရီ ၁၅မိနစ်စသည့် Coordinates အမှတ်များအား ဆက်ဆွဲထားသည့် ဧရိယာအား သတ်မှတ် ထားရှိပြီး ရေကြောင်း သတိပေးချက်နှင့် လေကြောင်း သတိပေးချက်တို့အား ထုတ်ပြန် ကြေညာထားရှိပြီး ဖြစ်သည်။

သို့ဖြစ်ရာ လေ့ကျင့်ခန်း ဆောင်ရွက်စဉ် ကာလ အတွင်း ဘေးအန္တရာယ် ကင်းရှင်းစေရေး အတွက် အဆိုပါ ဧရိယာမှ ၅ မိုင် ပတ်လည်အား သင်္ဘောကြီး။ ငယ်များ၊ ကုန်တင် စက်လှေများ၊ ငါးဖမ်း သင်္ဘောများ ၊ စက်တပ်သမ္ဗန်များ ဖြတ်သန်း သွားလာခြင်း၊ ကျောက်ချ ရပ်နားခြင်း၊ ငါးဖမ်းခြင်း၊ ငါးဖမ်း ကိရိယာများ ချထားခြင်း မရှိစေရန်နှင့် လေယာဉ်၊ ရဟတ်ယာဉ်များ အမြင့်ပေ ၁၅ဝဝဝ (တစ်သောင်းငါးထောင်)အောက် ဖြတ်ကျော် ပျံသန်းခြင်း မပြုကြရန် အသိပေး ကြေညာထားကြောင်း သိရှိရသည်။