မင်းလှ ဇူလိုင် ၂၁
ပဲခူးတိုင်းဒေသကြီး၊ သာယာဝတီခရိုင်၊ မင်းလှမြို့နယ်၊ထောက်ကြံကွင်းကျေးရွာအုပ်စု၊ ဦးတိုကျေးရွာတွင် ဦးတို အခြေခံပညာမူလတန်းကျောင်း တိုးချဲ့ကျောင်းဆောင်သစ် ဖွင့်ပွဲအခမ်းအနားကို ယမန်နေ့ကပြုလုပ်ခဲ့သည်။
အခမ်းအနားတွင် မြို့နယ်အုပ်ချုပ်ရေးမှူးဦးမျိုးတင့်ထူးက
အဖွင့်အမှာစကားပြောကြားပြီး၊ မြို့နယ်ပညာရေးမှူး ဒေါ်ကြည်ကြည်ချိုက
တိုးချဲ့ကျောင်းဆောင်သစ်ဆောက်လုပ်ရေးကိစ္စရပ်များနှင့်ပတ်သက်၍ ရှင်းလင်းပြောကြားခဲ့ရာ ကျောင်းအုပ်ဆရာကြီးဦးတင့်လွင်က ကျောင်းသားမိဘများကိုယ်စား ကျေးဇူးတင်စကားပြန်လည်ပြောကြား သည်။
ထို့နောက် မြို့နယ်အုပ်ချုပ်ရေးမှူး
ဦးမျိုးတင့်ထူး၊ မြို့နယ်ပညာရေးမှူး ဒေါ်ကြည်ကြည်ချို၊
ကျောင်းအုပ် ဆရာ ကြီးဦးတင့်လွင်တို့က ဦးတိုအခြေခံပညာမူလတန်းကျောင်း တိုးချဲ့ကျောင်းဆောင်သစ်အား ဖဲကြိုးဖြတ်ဖွင့်လှစ်ပေးခဲ့၍ အမွေးနံသာရည်များဖြင့် ပတ်ဖျန်းပေးခဲ့ကြသည်။
အဆိုပါ ကျောင်းဆောင်သစ်ကို ပညာရေးဝန်ကြီးဌာန၏
၂၀၂၄-၂၀၂၅ ဘဏ္ဍာရေးနှစ် (အထွေထွေပိုလျံ)ရန်ပုံငွေမှ ကျပ်(၁၅၂.၆၅၀)သန်းဖြင့်(၆၀"×၃၀") RCC(၁)ထပ်ဆောင်သစ်အား ဓူဝံလင်းလက်ကုမ္မဏီမှ တာဝန်ယူတည် ဆောက်ခဲ့ကြောင်း သိရသည်။
ပေါက်စ(မင်းလှ)
No comments:
Post a Comment