တောင်ငူ ဒီဇင်ဘာ ၁၆
ပဲခူးတိုင်းဒေသကြီး၊ တောင်ငူခရိုင်၊ တောင်ငူမြို့တွင် ယမန်နေ့ ညနေ ၅ နာရီခွဲအချိန်က ဗိုလ်မှူး ဖိုးကွန်းလမ်း၌ ကေတုမတီညဈေးဖွင့်ပွဲ အခမ်းအနားကျင်းပသည်။
ရှေးဦးစွာ ဖွင့်ပွဲ၌
ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးမိုးထက်နှင့်အဖွဲ့ဝင်များ၊
မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးညီညီလွင်စိုးနှင့် အဖွဲ့ဝင်များ၊
မြို့နယ်စည်ပင်သာယာရေးအဖွဲ့ အမှုဆောင်အရာရှိ ဒုတိယညွှန်ကြားရေးမှူး
ဦးအောင်အောင်ဖြိုးတို့က ကေတုမတီညဈေးအား ဖဲကြိုးဖြတ်ဖွင့်လှစ်ပေးသည်။
အဆိုပါ ညဈေးအား ဗိုလ်မှူးဖိုးကွန်းလမ်းနှင့် ဆေးရုံဟောင်းလမ်းတို့တွင် ဈေးဆိုင်ခန်းပေါင်း (၉၃) ခန်းဖြင့် ဖွဲ့စည်း ထားပြီး နေ့စဉ် ညနေ ၄ နာရီမှ ည ၈ နာရီခွဲအထိ ကိုဗစ်-၁၉ ရောဂါ ကာကွယ်ရေး စည်းကမ်းချက်များနှင့် အညီ ဖွင့်လှစ်ရောင်းချမည်ဖြစ်ကြောင်း မြို့နယ်စည်ပင်သာယာရေးအဖွဲ့ထံမှ သိရသည်။
ဇော်ထက် (တောင်ငူ)
No comments:
Post a Comment