လေးမျက်နှာ နိုဝင်ဘာ ၁၀
ဧရာဝတီတိုင်းဒေသကြီး၊ ဟင်္သာတခရိုင်၊ လေးမျက်နှာမြို့နယ် ကျေးလက်ဒေသဖွံ့ဖြိုးတိုးတက် ရေးဦးစီးဌာနမှ ၂၀၂၁-၂၀၂၂ ဘဏ္ဍာနှစ် (၆)လတာကာလအတွင်း ကျေးရွာဖွံ့ဖြိုးတိုးတက်ရေး လုပ်ငန်း စီမံကိန်း (VDP) ဖြင့် ကျေးရွာဖွံ့ဖြိုးရေးလုပ်ငန်းများ ဆောင်ရွက်နိုင်ရေး စီမံကိန်း မိတ်ဆက်ရှင်းလင်း ခြင်းနှင့် ကော်မတီဖွဲ့စည်းခြင်းကို ယနေ့ နံနက်ပိုင်းက လှော်ကထား ကျေးရွာအုပ်စု၊ ကြို့ကုန်းကျေးရွာရှိ အ.မ.က-ကြို့ကုန်းစာသင်ကျောင်းတွင် ကိုဗစ်-၁၉ လမ်းညွှန်ချက် များနှင့်အညီ ပြုလုပ်ခဲ့သည်။
ရှေးဦးစွာ လေးမျက်နှာမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဦးစိုးကျော်သူ (လက်ထောက်ညွှန်ကြားရေးမှူး)မှ အမှာစကားပြောကြားပြီး ကျေးရွာဖွံ့ဖြိုး တိုးတက်ရေးလုပ်ငန်း စီမံကိန်းလုပ်ငန်းစဉ်များနှင့် ပတ်သက်၍ ရှင်းလင်းပြောကြားသည်။ ထို့နောက် ကော်မတီဖွဲ့စည်းရာတွင် လိုက်နာရမည့်စည်းကမ်းများ၊ လုပ်ငန်းစဉ်များနှင့် စပ်လျဉ်း၍ ကဏ္ဍတစ်ခုချင်းစီအလိုက် ရှင်းလင်းပြောကြားပြီး တက်ရောက်လာသူများက ကျေးရွာဖွံ့ဖြိုး တိုးတက်ရေးလုပ်ငန်း စီမံကိန်းကော်မတီဝင်(၁၁)ဦးအား အများသဘောနှင့်အညီ ရွေးချယ်ဖွဲ့စည်း ခဲ့သည်။
၂၀၂၁-၂၀၂၂ ဘဏ္ဍာနှစ် (၆)လတာကာလ ကျေးရွာဖွံ့ဖြိုးတိုးတက်ရေးလုပ်ငန်းစီမံကိန်း ပံ့ပိုး ရန်ပုံငွေ ကျပ်သိန်း(၁၀၀)ဖြင့် ကြို့ကုန်းကျေးရွာတွင် ကျေးရွာနေပြည်သူများကိုယ်တိုင် ကျေးရွာ၏ အဓိကလိုအပ်ချက်များတွင် ပါဝင်သော ကျေးရွာဖွံ့ဖြိုးရေးလုပ်ငန်းစီမံချက်များ ရေးဆွဲပြီး ကျေးလက် ဒေသဖွံ့ဖြိုးတိုးတက်ရေးဦးစီးဌာနမှ နည်းပညာပံ့ပိုးကာ ဆောင်ရွက်ပေးသွားမည်ဖြစ်ကြောင်းသိရ သည်။
ကျော်ဟိန်း
No comments:
Post a Comment