ပန်းတနော် အောက်တိုဘာ ၃
ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့နယ်တွင် ဧရာဝတီမြစ်ရေပြန်ကျပြီး မြစ်ကမ်းပါး ပြိုကျမှုကြောင့် မြစ်ကမ်းနှင့်နီးသော လူနေဝါးအိမ်( ၅)လုံး ယမန်နေ့ နံနက်ပိုင်းက ကမ်းလွတ်ရာသို့ ကြိုတင်ပြောင်းရွှေ့ ခဲ့ရကြောင်း သိရသည်။
မြစ်ကမ်းပါးပြိုကျမှုကြောင့်
မြစ်ကမ်းနှင့်နီးသည့် တောကျောင်းကျေးရွာအုပ်စု နံဂါတ်ကျေးရွာရှိ လူနေဝါးအိမ်(၃) လုံး၊
အိမ်ထောင်စု ( ၃)စု၊ လူဦးရေ ( ၁၃)ဦး၊ ကျောင်းတော်ကလေးကျေးရွာရှိ လူနေဝါးအိမ်( ၂)လုံး၊
အိမ်ထောင်စု (၂)စု၊လူဦးရေ( ၈)ဦးတို့အား နယ်မြေခံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ကျေးရွာ
အုပ်ချုပ်ရေးမှူးနှင့် ရွာသားများက နီးစပ်ရာရွှေမျိုးသားချင်းများ၏ နေအိမ်များတွင်
လည်းကောင်း၊ကမ်းလွတ်ရာ မြေကွက်လပ်များပေါ်တွင် လည်းကောင်း ကြိုတင်ပြောင်းရွှေ့ပေးခဲ့ပြီး
နေအိမ်များပြန်လည်ဆောက်လုပ် နေထိုင်လျက်ရှိကြောင်း သိရသည်။
အဆိုပါ ကြိုတင်ပြောင်းရွှေ့ခဲ့ရသည့် နေအိမ်များအတွက် ပြောင်းရွှေ့စရိတ် ဝါးအိမ်(၁)လုံးလျှင် ငွေကျပ် ၄၀၀၀၀ နှုန်းဖြင့် ဝါးအိမ်(၅)လုံး စုစုပေါင်းငွေကျပ် ၂၀၀၀၀၀ ကုန်ကျခဲ့ကြောင်း သိရသည်။
No comments:
Post a Comment