ကျိုင်းတုံ ဩဂုတ် ၂၄
တာချီလိတ်ပြည်သူ့ဆေးရုံကြီးတွင် ကိုဗစ် - ၁၉ ရောဂါ ကုသရေးလုပ်ငန်းအတွက် စေတနာ့ဝန်ထမ်းအဖြစ် သွားရောက်တာဝန်ထမ်းဆောင်မည့် ကျန်းမာရေးဝန်ထမ်းများအား ချီးမြှင့်ထောက်ပံ့ငွေ ပေးအပ်ပွဲကို ယမန်နေ့နံနက် ၁၁ နာရီခွဲက ပြည်နယ်ကုသရေးနှင့် ပြည်သူ့ကျန်းမာရေးဦးစီးဌာနရုံး (ကျိုင်းတုံ)၌ ကိုဗစ် - ၁၉ ရောဂါ ကာကွယ်ရေး နည်းလမ်းများနှင့်အညီ ပြုလုပ်ခဲ့သည်။
ရှေးဦးစွာ ရှမ်းပြည်နယ်(အရှေ့ပိုင်း)၊ ကိုဗစ်-၁၉ ရောဂါ ကာကွယ်ထိန်းချုပ်ကုသရေး
ကော်မတီဥက္ကဋ္ဌ ဦးရဲနိုင်က ဂုဏ်ပြုဝမ်းမြောက်စကားပြောကြားပြီး
ရှမ်းပြည်နယ်(အရှေ့ပိုင်း)၊ ပြည်နယ်ကုသရေးနှင့်ပြည်သူ့ကျန်းမာရေးဦးစီးဌာနမှူး ဒေါက်တာမြင့်ကျော်က
ကိုဗစ်-၁၉ ရောဂါ ကာကွယ်ထိန်းချုပ်ကုသရေးလုပ်ငန်းများ ဆောင်ရွက်ရေးနှင့် ပတ်သက်၍ လိုအပ်သည်များ
မှာကြားသည်။ ထို့နောက် ရှမ်းပြည်နယ်(အရှေ့ပိုင်း)၊ ကိုဗစ်-၁၉ ရောဂါ ကာကွယ်ထိန်းချုပ်ကုသရေး
ကော်မတီဥက္ကဋ္ဌနှင့် အဖွဲ့ဝင်များက တာချီလိတ်
ပြည်သူ့ဆေးရုံကြီးတွင် ကိုဗစ် - ၁၉ ရောဂါ ကုသရေးလုပ်ငန်းအတွက် စေတနာ့ဝန်ထမ်းအဖြစ် သွားရောက်တာဝန်ထမ်းဆောင်မည့် မိုင်းလား၊ မိုင်းယန်း၊
မိုင်းခတ်မြို့နယ်ဆေးရုံများမှ ကျန်းမာရေးဝန်ထမ်း ၇ ဦးအား တစ်ဦးလျှင် ငွေကျပ်တစ်သိန်းနှုန်းဖြင့်
ချီးမြှင့် ထောက်ပံ့ပေးခဲ့ကြောင်း သိရသည်။
အဆိုပါ
ကျန်းမာရေးဝန်းထမ်းများသည် တာချီလိတ်ပြည်သူ့ဆေးရုံကြီးတွင် ကိုဗစ်- ၁၉ ရောဂါ ကုသရေးလုပ်ငန်းများကို
ဩဂုတ် ၂၄ ရက်မှ စတင်၍ စေတနာ့ဝန်ထမ်းအဖြစ် ရက်သတ္တပတ် ၈ ပတ်ကြာ သွားရောက်အားဖြည့်ကူညီ ထမ်းဆောင်မည်ဖြစ်ကြောင်း
သိရသည်။
No comments:
Post a Comment