ရန်ကုန်တိုင်းဒေသကြီး၊ ကျောက်တံခါးမြို့နယ်၊ မရမ်းကုန်းမြို့နယ်တို့ရှိ ကုန်တိုက် ကြီးများနှင့် မန္တလေးတိုင်းဒေသကြီး၊ ပြည်ကြီးတံခွန်မြို့နယ်၊ တံခွန်တိုင်ရပ်ကွက်တို့၌ မီးလောင်မှုများ ဖြစ်ပွား

နေပြည်တော်၊ ဧပြီ - ၁   

ရန်ကုန်တိုင်းဒေသကြီး၊ ကျောက်တံတားမြို့နယ်၊ ပန်းဆိုးတန်းလမ်းနှင့် ဗိုလ်ချုပ် အောင်ဆန်းလမ်းထောင့်ရှိ Ruby  Mart ကုန်တိုက်(၅-ထပ်)၌ ယနေ့နံနက် ၂ နာရီခန့် တွင် မီးလောင်နေမှုဖြစ်ပွားခဲ့သဖြင့် လုံခြုံရေးတပ်ဖွဲ့ဝင်များ၊ မီးသတ်တပ်ဖွဲ့ဝင်များက မီးသတ်ယာဉ် ၁၆ စီး၊ ရေသယ်ယာဉ် ၆ စီးတို့ဖြင့် မီးငြှိမ်းသတ်ခဲ့ရာ နံနက် ၂ နာရီ ၄၀ မိနစ်ခန့်တွင် မီးငြိမ်းသွားခဲ့သည်။

အလားတူ ယနေ့နံနက် ၂ နာရီ ၄၀ မိနစ်ခန့်တွင် မရမ်းကုန်းမြို့နယ်၊ (၈)ရပ်ကွက်၊ ဝေဇယန္တာလမ်းနှင့် ဂန္ဓမာလမ်းထောင့်ရှိ Gandarnar  Wholesale ကုန်တိုက်၌ မီးလောင်မှုထပ်မံဖြစ်ပွားခဲ့သဖြင့် လုံခြုံရေးတပ်ဖွဲ့ဝင်များ၊ မီးသတ်တပ်ဖွဲ့ဝင်များက မီးသတ်ယာဉ် ၁၁ စီး၊ ရေသယ်ယာဉ် ၃ စီးတို့ဖြင့် မီးငြှိမ်းသတ်ခဲ့ရာ နံနက် ၃ နာရီ ၅၀ မိနစ်ခန့်တွင် မီးငြိမ်းသွားခဲ့သည်။

အဆိုပါမီးလောင်မှုများဖြစ်ပွားရသည့် အကြောင်းအရင်းနှင့်ပတ်သက်၍ သက် ဆိုင်ရာမှ အမြန်ဆုံးစုံစမ်းဖော်ထုတ် လျက်ရှိကြောင်း သိရှိရသည်။

ထို့ပြင် မန္တလေးတိုင်းဒေသကြီး၊ ပြည်ကြီးတံခွန်မြို့နယ်၊ တံခွန်တိုင်ရပ်ကွက်၊ နံ့သာကွက်စိပ်ရပ်နေ ဦးအောင်မျိုးဌေး(ဘ)ဦးကျော်ဝင်း၏ နေအိမ်၌ ယနေ့နံနက် ၅ နာရီခန့်တွင် လျှပ်စစ်ဝါယာကြိုး အပူလွန်ကဲရာမှတစ်ဆင့် မီးစတင်လောင်ကျွမ်းမှု ဖြစ်ပွားခဲ့သည်။

အဆိုပါမီးလောင်မှုဖြစ်ပွားရာနေရာသို့ လုံခြုံရေးတပ်ဖွဲ့ဝင်များ၊ မီးသတ်တပ်ဖွဲ့ ဝင်များနှင့် ပြည်သူလူထုတို့က မီးသတ်ယာဉ် ၃၁ စီး၊ ရေသယ်ယာဉ် ၂၁ စီး၊ အုပ်ချုပ်မှု ယာဉ် ၃ စီးတို့ဖြင် ဝိုင်းဝန်းငြှိမ်းသတ်ခဲ့ရာ နံနက် ၆ နာရီ ၂၀ မိနစ်ခန့်တွင် မီးငြိမ်းသွား ခဲ့သည်။ အဆိုပါမီးလောင်မှုကြောင့် နေအိမ် ၈၀ လုံး မီးလောင်ပျက်စီးဆုံးရှုံးခဲ့ပြီး မီးဘေးသင့်အိမ်ထောင်စု ၁၇၅ စုအား နံ့သာကွက်စိပ်ရပ်ရှိ မြဘယက်ဘုန်းကြီးကျောင်း ဝန်းအတွင်း၌ ကယ်ဆယ်ရေးစခန်းဖွင့်လှစ်ထားရှိပြီး နေထိုင်စေလျက်ရှိကြောင်း သိရှိရသည်။

အထက်ပါမီးလောင်မှုကြောင့် လူ၊ တိရစ္ဆာန်ထိခိုက်သေဆုံးမှုမရှိကြောင်းနှင့် မီးပေါ့ဆစွာသုံးစွဲသူများအား သက်ဆိုင်ရာမှ အမှုဖွင့်အရေးယူနိုင်ရေး ဆောင်ရွက် လျက်ရှိကြောင်း သတင်းရရှိသည်။

သတင်းစဉ်