ပြည်သူ့လွှတ်တော်၊ အစိုးရ၏ အာမခံချက်များ၊ ကတိများနှင့် တာဝန်ခံချက်များ စိစစ်ရေး ကော်မတီ နှင့် ပြည်ထောင်စုအဆင့် အဖွဲ့အစည်းများ၊ ဝန်ကြီးဌာန(၂၉) ဌာန၊ တိုင်းဒေသကြီး/ပြည်နယ် အစိုးရအဖွဲ့ရုံး(၁၃)ခုတို့မှ ရုံးအဖွဲ့မှူးများနှင့်လုပ်ငန်းညှိနှိုင်း အစည်းအဝေးကျင်းပ

နေပြည်တော် ဒီဇင်ဘာ ၁၈

ပြည်သူ့လွှတ်တော်၊ အစိုးရ၏အာမခံချက်များ၊ ကတိများနှင့် တာဝန်ခံချက်များ စိစစ်ရေး ကော်မတီနှင့် ပြည်ထောင်စုအဆင့် အဖွဲ့အစည်းများ၊ ဝန်ကြီးဌာန(၂၉) ဌာန၊ တိုင်းဒေသကြီး/ ပြည်နယ်အစိုးရအဖွဲ့ရုံး(၁၃)ခုတို့မှ ရုံးအဖွဲ့မှူးများနှင့် လုပ်ငန်းညှိနှိုင်း အစည်းအဝေးအား ယနေ့ မွန်းတည့် ၁၂ နာရီတွင် နေပြည်တော်ရှိ လွှတ်တော်ရေးရာဆောင်၊ အဆောင်အမှတ် (I-3) အစည်းအဝေးခန်းမ၌ ကျင်းပသည်။

ရှေးဦးစွာ ကော်မတီဥက္ကဋ္ဌဒေါက်တာမေဝင်းမြင့် က ဒုတိယအကြိမ် ပြည်သူ့လွှတ်တော် ပထမပုံမှန် အစည်းအဝေးမှ (၁၃) ကြိမ်မြောက် ပုံမှန်အစည်းအဝေး ကာလအတွင်း အတည်ပြုခဲ့ သည့် အဆိုများ၊ ကတိဖြစ်ခဲ့သည့် ကြယ်ပွင့်ပြ၊ ကြယ်ပွင့်မပြ မေးခွန်းများနှင့်ပတ်သက်၍ ဝန်ကြီးဌာနများ အနေဖြင့် ဆောင်ရွက်ပြီးစီးသောလုပ်ငန်းများအား ကော်မတီသို့တင်ပြပေးပို့ ရန်နှင့် ဆောင်ရွက် နေမှု အခြေအနေများကို ရှင်းလင်းဆွေးနွေးပေးစေလိုကြောင်း ပြောကြား သည်။

ထို့နောက် ကော်မတီအဖွဲ့ဝင်များက လွှတ်တော် အစည်းအဝေးများအတွင်း အတည်ပြု ခဲ့သည့် အဆိုများ၊ ကတိဖြစ်ခဲ့သည့် ကြယ်ပွင့်ပြ၊ ကြယ်ပွင့်မပြ မေးခွန်းများနှင့်ပတ်သက်၍ ဆောင်ရွက် ပြီးစီးမှုများ၊ ဆောင်ရွက်ဆဲ လုပ်ငန်းအခြေအနေများ၊ ဆောင်ရွက်ရန်ကျန်ရှိနေ သော လုပ်ငန်း များ နှင့်စပ်လျဉ်းပြီး ပေါင်းစပ်ညှိနှိုင်းဆွေးနွေး၍ သက်ဆိုင်ရာဝန်ကြီးဌာနများမှ ရှင်းလင်း တင်ပြမှုများ အပေါ် ကော်မတီဝင်များက ပြန်လည်သုံးသပ် ဆွေးနွေးခဲ့ကြသည်။

အဆိုပါ လုပ်ငန်းညှိနှိုင်း အစည်းအဝေးအား မွန်းလွဲ ၂ နာရီတွင် ရပ်နားပြီး ဒီဇင်ဘာ ၁၉ ရက် မွန်းတည့် ၁၂ နာရီတွင် ဆက်လက် ကျင်းပမည်ဖြစ်ကြောင်း သိရှိရသည်။

ထိုတွေ့ဆုံပွဲသို့ ကော်မတီဥက္ကဋ္ဌနှင့်အတူ အတွင်းရေးမှူး ဦးဇုံးတိန့်နှင့် ကော်မတီအဖွဲ့ ဝင်များ၊ ပြည်ထောင်စုအဆင့် အဖွဲ့အစည်းများ၊ ဝန်ကြီးဌာန (၂၉) ဌာန၊ တိုင်းဒေသကြီး/ ပြည်နယ် အစိုးရ အဖွဲ့ရုံး(၁၃) ခုတို့မှ ရုံးအဖွဲ့မှူးများနှင့် ပြည်သူ့လွှတ်တော်ရုံးမှတာဝန်ရှိသူများ တက်ရောက် ခဲ့သည်။

(သတင်းစဉ်)