ကမ္ဘာလုံးဆိုင်ရာ တရုတ်ရုပ်သံပြသမှု အစီအစဉ်အရ တရုတ်ကာတွန်း ဇာတ်လမ်းတွဲများ လွှဲပြောင်းပေးအပ်

ရန်ကုန် စက်တင်ဘာ ၁၇

ကမ္ဘာလုံးဆိုင်ရာ တရုတ်ရုပ်သံပြသမှု အစီအစဉ်အရ တရုတ်ကာတွန်း ဇာတ်လမ်းတွဲများ လွှဲပြောင်းပေးအပ်ခြင်း အခမ်းအနားကို ယနေ့နံနက် ၉ နာရီခွဲက ရန်ကုန်မြို့ ပြည်လမ်းရှိ မြန်မာ့အသံနှင့် ရုပ်မြင်သံကြား ဧည့်ခန်းမ၌ ကျင်းပခဲ့သည်။

ယနေ့လွှဲပြောင်းပေးအပ်သည့် ကာတွန်းဇာတ်လမ်းတွဲ ၃ တွဲမှာ “Chess Player (ကျားကွက် လူငယ်)”၊ “Monkey King (မျောက်ဘုရင်)” ၊ “Huge Worm Park (ပိုးကောင်ကြီးဥယျာဉ်)” တို့ဖြစ်ပြီး မိတ်ဆွေအချင်းချင်း ချစ်ခင်ရင်းနှီးမှုနှင့် သဘာဝပတ်ဝန်းကျင် ထိန်းသိမ်းမှုကို ရိုက်ကူး ဖော်ပြပြီး မြန်မာ့အသံနှင့် ရုပ်မြင်သံကြား အစီအစဉ်တွင် မြန်မာဘာသာ နောက်ခံစကားပြောဖြင့် ထုတ်လွှင့် ပြသပေးသွားမည်ဖြစ်သည်။

ယနေ့အခမ်းအနားတွင် တရုတ်ပြည်သူ့သမ္မတနိုင်ငံ နိုင်ငံတော်အသံနှင့် ရုပ်မြင်သံကြားဦးစီးဌာနမှ ဒုတိယညွှန်ကြားရေးမှူးချုပ် Mr. Wang Gaofeng က မြန်မာ့အသံနှင့်ရုပ်မြင်သံကြားမှ ခေတ္တညွှန်ကြားရေးမှူး ဦးကြည်ထွန်းထံ တရုတ် ကာတွန်းဇာတ်လမ်းတွဲများကို လွှဲပြောင်း ပေးအပ်ခဲ့ကြောင်း သိရှိရသည်။

(သတင်းစဉ်)