မြန်မာ-ထိုင်း ဗဟိုဘဏ်တို့အကြား ငွေရေးကြေးရေး ပူးပေါင်းဆောင်ရွက်ရေးဆိုင်ရာ အစည်းအဝေး ကျင်းပ
မြန်မာနိုင်ငံတော်ဗဟိုဘဏ်နှင့် ထိုင်းနိုင်ငံဗဟိုဘဏ်တို့ အကြား ငွေရေးကြေးရေး ပူးပေါင်းဆောင်ရွက်ရေး ဆိုင်ရာ အစည်းအဝေးကို ယနေ့နံနက် ၉ နာရီတွင် မြန်မာနိုင်ငံတော်ဗဟိုဘဏ် (နေပြည်တော်)၌ ကျင်းပသည်။
အဆိုပါအစည်းအဝေးသို့ မြန်မာနိုင်ငံတော်ဗဟိုဘဏ်ဥက္ကဋ္ဌ
ဦးကျော်ကျော်မောင်နှင့် တာဝန်ရှိပုဂ္ဂိုလ်များ၊ ထိုင်းနိုင်ငံ ဗဟိုဘဏ်ဥက္ကဋ္ဌ
Mr. Veerathai Santiprabhob နှင့် ထိုင်းကိုယ်စားလှယ်အဖွဲ့တို့ တက်ရောက်ကြ သည်။
အစည်းအဝေးတွင် ကုန်သွယ်ရေးနှင့် ရင်းနှီးမြှုပ်နှံမှု တိုးတက်ရေး အတွက်
ပံ့ပိုးပေးမည့် ငွေရေးကြေးရေး ပူးပေါင်း ဆောင်ရွက်မှု ဆိုင်ရာကိစ္စ၊
ယင်းကိစ္စရပ်များတွင် နယ်စပ်ကုန်သွယ်ရေးနှင့် ငွေပေးချေရေးတွင်
မြန်မာကျပ်နှင့် ထိုင်းဘတ်ငွေ များ တိုးမြှင့်သုံးစွဲရန်
မူဘောင်တစ်ခုချမှတ်ဆောင်ရွက်နိုင်ရေးအတွက်
နားလည်မှု စာချွန်လွှာနှင့် ငွေရေး ကြေးရေး ကဏ္ဍနှင့်ပတ်သက်သော တီထွင်ကြံ
ဆမှုများ၊ ငွေပေးချေမှု စနစ်များတွင် နှစ်နိုင်ငံ ဗဟိုဘဏ် အကြား
ပူးပေါင်းဆောင် ရွက်ရေးဆိုင်ရာ နားလည်မှုစာချွန်လွှာများ လက်မှတ်ရေး
ထိုးနိုင်ရေး ကိစ္စရပ်များနှင့် ယင်း ကိစ္စရပ်များကို ဆောင်ရွက် ခြင်းဖြင့်
နှစ်နိုင်ငံရရှိနိုင်မည့် အကျိုးအမြတ်များနှင့် တွေ့ကြုံရမည့် စိန်ခေါ်မှုများနှင့် စပ်လျဉ်း၍ အမြင်ချင်းဖလှယ်ခဲ့ကြသည်။
သတင်းစဉ်
No comments:
Post a Comment