နေပြည်တော် ဇူလိုင်
၂၉
ပြည်သူ့လွှတ်တော်၊
ကျန်းမာရေးနှင့် အားကစား ဖွံ့ဖြိုး တိုးတက်ရေးကော်မတီဥက္ကဋ္ဌ ဒေါက်တာစံရွှေဝင်းသည် ADB
မှ Mr. Newin Sinsiri နှင့်အဖွဲ့အား ယနေ့ မွန်းလွဲ ၂ နာရီတွင် နေပြည်တော်ရှိ လွှတ်တော်ရေးရာဆောင်
အဆောင်အမှတ် (I-13) အစည်းအဝေးခန်းမ၌ လက်ခံတွေ့ဆုံသည်။
တွေ့ဆုံစဉ် ကူးစက်ရောဂါမဟုတ်သည့်
ရောဂါများတားဆီး ကာကွယ်ခြင်းနှင့် ကုသခြင်းတိုးတက်မှုဆိုင်ရာ ကိစ္စရပ်နှင့် စပ်လျဉ်း၍
ADB ၏ ချေးငွေအထောက်အပံ့ဖြင့် မကူးစက်တတ်သော ရောဂါများ တွင်ပါဝင်သည့် ကင်ဆာရောဂါအမျိုးမျိုး
အတွက် ကျန်းမာရေး အသိပညာပေးလုပ်ငန်းများ၊ ကာကွယ်ရေးလုပ်ငန်းများ၊ ကျန်းမာရေး ဝန်ထမ်းများ၏
အရည်အသွေး မြှင့်တင်ခြင်းလုပ်ငန်းများ၊ လိုအပ်သည့် ကုသရေးဆိုင်ရာ စက်ကိရိယာများဝယ်ယူခြင်းများနှင့်
အဆင့်မြှင့်တင် ဆောင်ရွက် မည့် ကိစ္စရပ်များနှင့်စပ်လျဉ်း၍ ရင်းနှီးပွင့်လင်းစွာ အမြင်ချင်းဖလှယ်ဆွေးနွေးကြသည်။
သတင်းစဉ်
No comments:
Post a Comment