အရင်းအနှီးဈေးကွက်ဖွံ့ဖြိုးတိုးတက်ရေးအတွက်“ဒုတိယအကြိမ်စားပွဲဝိုင်းဆွေးနွေးပွဲ” ကျင်းပ

ရန်ကုန် ဇွန် ၃၀

မြန်မာနိုင်ငံ၏ အရင်းအနှီးဈေးကွက် ဖွံ့ဖြိုးတိုးတက်ရေးအတွက် “ဒုတိယအကြိမ် စားပွဲဝိုင်းဆွေးနွေးပွဲ”ကို ယမန်နေ့ မွန်းလွဲ(၁)နာရီတွင် ငွေချေးသက်သေခံ လက်မှတ် လုပ်ငန်းကြီးကြပ်ရေးကော်မရှင်ရုံး၌ ကျင်းပသည်။

ဆွေးနွေးပွဲသို့စီမံကိန်းနှင့်ဘဏ္ဍာရေးဝန်ကြီးဌာနဒုတိယဝန်ကြီး၊ ငွေချေးသက်သေခံ လက်မှတ်လုပ်ငန်း ကြီးကြပ်ရေး ကော်မရှင် ဥက္ကဋ္ဌ ၊ဦးမောင်မောင်ဝင်းနှင့် ကော်မရှင်အဖွဲ့ဝင်များ၊ မြန်မာနိုင်ငံတော်ဗဟိုဘဏ် ဒုတိယဥက္ကဋ္ဌ၊ပြည်တွင်း အခွန်များ ဦးစီးဌာန၊ပြည်ထောင်စုမြန်မာနိုင်ငံ ကုန်သည်များနှင့်စက်မှုလက်မှုလုပ်ငန်းရှင်များ အသင်းချုပ်၊ မြန်မာနိုင်ငံ လက်မှတ်ရ ပြည်သူ့စာရင်းကိုင်များအသင်း၊ ရန်ကုန်စတော့ အိပ်ချိန်း၊ စာရင်းဝင် ကုမ္ပဏီများ ၊ငွေချေးသက်သေခံ လက်မှတ်ကုမ္ပဏီများနှင့်JPX, JICA, Daiwa Securities, Asia Frontier Capital တို့မှ တာဝန်ရှိပုဂ္ဂိုလ်များ တက်ရောက်ခဲ့ကြသည်။

ဆွေးနွေးပွဲတွင်သဘာပတိအဖြစ် စီမံကိန်းနှင့်ဘဏ္ဍာရေးဝန်ကြီးဌာန ဒုတိယဝန်ကြီး ဉီးမောင်မောင်ဝင်းက ဆောင်ရွက်ပြီး အမှာစကားပြောကြားရာတွင် စကားဝိုင်းဆွေးနွးပွဲ ဒုတိယအကြိမ်တွင် ဈေးကွက်ပြန်လည်ဖွံ့ဖြိုး တိုးတက်စေရန် အတွက် ကာလတို-ကာလလတ် အစီအစဉ်များ၊ ဈေးကွက်တွင် ပါဝင်သူတစ်ဦးချင်းစီ၏ ကြိုးပမ်းအားထုတ်မှုများနှင့် အစိုးရဌာန အချင်းချင်း ပူးပေါင်းဆောင်ရွက်ရန် လိုအပ်သည့် ကိစ္စရပ်များကို ဆွေးနွေးသွားကြ မည် ဖြစ်ကြောင်း၊ နိုင်ငံခြားသား များဈေးကွက်အတွင်းပါဝင် ရင်းနှီးမြှုပ်နှံခွင့်ပြုမည့် အမိန့်ကြော်ငြာစာ မကြာမီ ထုတ်ပြန်နိုင် တော့မည်ဖြစ်သည့် အတွက် နိုင်ငံခြားသားအဖွဲ့ အစည်းအလိုက် ရင်းနှီးမြှုပ်နှံသူများ (Foreign Institutional Investors (FIIs)၊ Private Equity Fund များ၊ JPX နှင့် Daiwa Securities တို့မှ လက်တွေ့လုပ်ငန်းဆောင်ရွက် နေသူ များကိုလည်းရှင်းလင်းဆွေးနွေး သွားမည်ဖြစ်ကြောင်း၊ မြန်မာ နိုင်ငံ၏ ရေရှည်တည်တံ့ခိုင်မြဲပြီး ဟန်ချက်ညီသောဖွံ့ဖြိုးတိုးတက်မှုစီမံကိန်း (MSDP)တွင် ဖော်ပြ ထားသော မဟာဗျူဟာလုပ်ငန်းစဉ်များတွင်လည်း အရင်းအနှီးဈေးကွက်ဖွံ့ဖြိုးတိုးတက်စေရန် ထည့်သွင်းထား ကြောင်း၊ အများပြည်သူများအနေဖြင့် ရေတိုရင်းနှီးမြှုပ်နှံမှုအပေါ်သာ အလေးထား လေ့ရှိကြသည့်အတွက် ရေရှည်ရင်းနှီး မြှုပ်နှံမှု များအားဆွဲဆောင်နိုင်ရန်အတွက် အသိပညာပေးခြင်း၊ ဆွေးနွေးပွဲများကျင်းပရန် လိုအပ်မည်ဖြစ်ကြောင်း။

Securities Company များအနေဖြင့်ငွေချေး သက်သေခံလက်မှတ် လုပ်ငန်းလိုင်စင် အမျိုးအစား (၄)မျိုးလုပ် ကိုင်နိုင်ရန် ခွင့်ပြုထားသော်လည်း ကနဦးအစုရှယ်ယာ ထုတ်ဝေရောင်းချလာစေရေး အတွက် Underwriting လုပ်ငန်းနှင့် အကြံဉာဏ်ပေးခြင်း လုပ်ငန်းများဆောင်ရွက်မှု အားနည်း နေပါကြောင်း၊ ဈေးကွက်ပိုမိုဖွံ့ဖြိုးတိုး တက်လာစေရန်အတွက် SECM နှင့် ငွေချေးသက်သေခံ လက်မှတ် ကုမ္ပဏီများအနေဖြင့် လစဉ်ပုံမှန် အစည်းအဝေး များလည်းကျင်းပ လျက်ရှိပါကြောင်း၊ ယခုစားပွဲဝိုင်း ဆွေးနွေးပွဲမှတစ်ဆင့် လက်ရှိဈေးကွက် အခြေအနေ နှင့်စပ်လျဉ်း၍ ဈေးကွက်တွင် ပါဝင်ဆောင်ရွက်လျက်ရှိသည့် အဖွဲ့အစည်းများ အားလုံးသည် မြန်မာ နိုင်ငံ၏ အရင်းအနှီးဈေးကွက် ဖွံ့ဖြိုးတိုးတက်ရေး အတွက် ပူးပေါင်းအဖြေရှာသွားနိုင် မည်ဖြစ်ကြောင်း ပြောကြားသည်။

ဆက်လက်၍ စားပွဲဝိုင်းဆွေးနွေးပွဲအားကျင်းပရာ တက်ရောက်လာကြသူများက မြန်မာနိုင်ငံ အရင်းအနှီး ဈေးကွက်ဖွံ့ဖြိုးတိုးတက်စေရန်အတွက် ဈေးကွက်တွင် ပါဝင်သူများထံမှ ကောက်ယူရရှိသည့် အရင်းအနှီး ဈေးကွက်ရေရှည် တည်တံ့ပြီးစဉ် ဆက်မပြတ်ဖွံ့ဖြိုးတိုးတက်စေရန် အတွက်ရှေ့ဆက်ဆောင် ရွက်သင့်သည့် အကြံပြုတိုက်တွန်းချက်များကို တက်ကြွစွာပါဝင်ဆွေးနွေးခဲ့ကြောင်း သိရသည်။

(သတင်းစဉ်)