ပြည်ထောင်စုဝန်ကြီး ဦးခင်မောင်ချို သာဂရစက်မှုနယ်မြေရှိ စက်ရုံများအား ကြည့်ရှုစစ်ဆေး

နေပြည်တော်၊ ဇွန် ၂၉

စက်မှုဝန်ကြီးဌာန၊ ပြည်ထောင်စုဝန်ကြီး ဦးခင်မောင်ချိုသည် ယနေ့ နံနက်ပိုင်းတွင် ပဲခူးတိုင်း ဒေသကြီး၊ ရေတာရှည်မြို့နယ်၊ သာဂရစက်မှုနယ်မြေရှိ အမှတ်(၁၄) အကြီးစားစက်ရုံသို့ ရောက်ရှိ ပြီး စက်ရုံမှ ထုတ်လုပ်ထားရှိသည့် မြင်းကောင် ရေ ၂၀၀၀ အားရှိ V16 ဒီဇယ်အင်ဂျင်များ ကို Test Bench များ ပေါ်တွင် စွမ်းအားပြည့်မောင်းနှင် စမ်းသပ်နေမှုအား ကြည့်ရှုစစ်ဆေးသည်။

ယင်းနောက် ပြည်ထောင်စုဝန်ကြီးက စက်ရုံမှ V6 နှင့် V8 အင်ဂျင်များအား အတွေ့အကြုံရှိ ပညာရှင်များနှင့် ပူးပေါင်းပြီးLPG/ CNG/ LNG/ Bio Gas နှင့် ဒီဇယ်အသုံးပြု Multi-Fuel Engine များအဖြစ် ပြောင်းလဲပြီး Generator နှင့်တွဲဖက်ကာ ၂၂၀နှင့် ၁၄၀ကီလိုဝပ် Silent Type Gen Set များအဖြစ် ရန်ကုန်မြို့ရှိ အမှတ်(၂၄) အကြီးစားစက်ရုံ(ဒဂုံ)တွင် စမ်းသပ်အောင်မြင်ပြီးဖြစ်၍ ဈေးကွက်အတွင်း စတင်အသုံးပြုရန် အသင့်ဖြစ်နေပြီ ဖြစ်ကြောင်း။

အဆိုပါ အောင်မြင်မှုမှ နည်းပညာများကို ရယူ၍ V16 အင်ဂျင်များအားလည်း Multi-Fuel Engine အဖြစ်ပြောင်းလဲပြီး Generator နှင့်တွဲဖက်၍ 1500 KVA Gen Set များထုတ်လုပ်သွားရန်ဖြစ် ကြောင်း၊ထို့အပြင် အမှတ်(၂၆)အကြီးစား စက်ရုံမှထုတ်လုပ်ပြီး Gen Set များကိုလည်း Silent Type များအဖြစ် အဆင့်မြှင့်တင် ထုတ်လုပ်သွားမည်ဖြစ်ကြောင်း၊ အဆိုပါ Multi-Fuel Engine သုံး Silent Type Gen Set များအားလျှပ်စစ်ဓာတ်အား အဆက်မပြတ်အသုံးပြုမည့် စက်ရုံများနှင့် ဆေးရုံများတွင် Stand By (အရန်)အဖြစ်လည်းကောင်း၊ လျှပ်စစ်ဓာတ်အား မရရှိသေးသည့် ဒေသများတွင်လည်း လောင်စာဆီကုန်ကျစရိတ် သက်သာစွာဖြင့် အသုံးပြုနိုင်မည် ဖြစ်သည့်အပြင် သဘာဝပတ်ဝန်းကျင်ထိခိုက်မှု လျှော့နည်းစေမည်ဖြစ်ကြောင်း။

စမ်းသပ်မှုမှရရှိသည့် အချက်အလက်များကို စနစ်တကျမှတ်တမ်းထားရှိရန် လိုကြောင်း၊ သုတေသနနှင့် ဆန်းသစ်တီထွင်မှုများကို အမြဲမပြတ်ဆောင်ရွက်ကြရန်လိုကြောင်း၊ After Sale Services လုပ်ငန်းများ ဆောင်ရွက်နိုင်ရေးကြိုတင် စီမံထားရန်လိုကြောင်း၊ သုံးစွဲသူ Customer များ၏ အကြံပြုချက်များကိုလည်း သုံးသပ်၍ အဆင့်မြှင့်တင်နိုင်ရေး ဆောင်ရွက်သွားရန်နှင့် လက်တွေ့ကျကျ အသုံးချနိုင်ရေးအတွက် အမြန်ဆုံး ကြိုးစားဆောင်ရွက်ကြရန် လိုအပ်ကြောင်း မှာကြားပြီး လိုအပ်ချက်များကို ညှိနှိုင်းပေါင်းစပ် ဖြေရှင်းဆောင်ရွက် ပေးသည်။

စက်မှုဝန်ကြီးဌာနအနေဖြင့် သာဂရစက်မှုနယ်မြေရှိ စက်ရုံများမှ နိုင်ငံတော်ဖွံ့ဖြိုး တိုးတက်ရေး အတွက် အထောက်အကူပြုမည့် Multi-Fuel Type Engine နှင့် ဓာတ်အားပေး မီးစက်များ၊ လျှပ်စစ်ဘတ်စ်ကားများ၊ Mini Hydro Turbine များ၊ ကောက်ပဲသီးနှံ အခြောက်ခံစက်များနှင့် Silo များကိုဈေးကွက် လိုအပ်ချက်များ၊ နိုင်ငံတကာ စံချိန်စံညွှန်းများအတိုင်း အစိုးရ - ပုဂ္ဂလိက ပူးပေါင်း၍ Private Public Partnership (PPP)စနစ်ဖြင့် မူဝါဒများနှင့်အညီ ပေါင်းစပ်ညှိနှိုင်း ထုတ်လုပ်နိုင်ရေး စီမံဆောင်ရွက်လျက်ရှိကြောင်း သိရသည်။

 

(သတင်းစဉ်)