နိုင်ငံသားများ၏ ပုဂ္ဂိုလ်ဆိုင်ရာလွတ်လပ်မှု၊ လုံခြုံမှုနှင့် ဥပဒေ

မောင်စာဂ

၂၀၀၈ ခုနှစ် ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေ အခန်း ၈ တွင် ပုဒ်မ ၃၄၅ မှ ၃၉၀ အထိ နိုင်ငံသား၊ နိုင်ငံသားများ၏မူလအခွင့် အရေးနှင့် တာဝန်များကို ပြဋ္ဌာန်းထားသည်။ ယင်း ပြဋ္ဌာန်းချက်များထဲမှ ပုဒ်မ ၃၅၃ တွင် မည်သူ့ကိုမျှ တည်ဆဲ ဥပဒေနှင့်အညီမှတစ်ပါး အသက်ကိုဖြစ်စေ၊ ပုဂ္ဂိုလ်ဆိုင်ရာလွတ်လပ်မှုကိုဖြစ်စေ နစ်နာဆုံးရှုံးမှု မရှိစေရဟူ၍လည်းကောင်း၊ ပုဒ်မ ၃၅၇ တွင် ဤဖွဲ့ စည်းပုံ အခြေခံဥပဒေပါ ပြဋ္ဌာန်းချက်များနှင့် မဆန့်ကျင်လျှင် နိုင်ငံတော်သည် နိုင်ငံသားများ၏ နေအိမ်ဥပစာ လုံခြုံမှု၊ ပစ္စည်းလုံခြုံမှု၊ စာပေးစာယူနှင့် အခြားဆက် သွယ်ရေးဆိုင်ရာ လုံခြုံမှုများ အတွက်ဥပဒေအရ ကာကွယ်ပေးရမည်ဟူ၍လည်ကောင်း ပြဋ္ဌာန်းထား ရှိရာ ယင်းအခွင့်အရေး များနှင့် ပတ်သက်၍ မည်သည့် ဥပဒေက မည်သို့အကာအကွယ်ပေးထားသနည်း။ မျှဝေပါရစေ။

▲ ဥပဒေပြဋ္ဌာန်းခြင်း ▲
ပြည်ထောင်စုလွှတ်တော်သည် ၂၀၁၇ ခုနှစ် မတ်လ ၈ ရက်နေ့စွဲဖြင့် နိုင်ငံသားများ၏ ပုဂ္ဂိုလ်ဆိုင်ရာ လွတ်လပ်မှုနှင့် ပုဂ္ဂိုလ်ဆိုင်ရာလုံခြုံမှုကို အကာအကွယ် ပေးရေး ဥပဒေပြဋ္ဌာန်းခဲ့သည်။ ဥပဒေ၏ နိဒါန်းတွင် ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံ ဥပဒေပါ နိုင်ငံသားများ၏ ပုဂ္ဂိုလ် ဆိုင်ရာလွတ်လပ်မှုနှင့် ပုဂ္ဂိုလ်ဆိုင်ရာလုံခြုံမှုများကို ကာကွယ်ပေးနိုင်ရန်အလို့ငှာ ပြည်ထောင်စုလွှတ် တော် သည် ဤဥပဒေကို ပြဋ္ဌာန်း လိုက်ခြင်းဖြစ်ကြောင်းဖော်ပြထားသည်။
▲ ပုဂ္ဂိုလ်ဆိုင်ရာလွတ်လပ်မှု ▲
ပုဂ္ဂိုလ်ဆိုင်ရာလွတ်လပ်မှုဆိုသည်မှာ နိုင်ငံသား တစ်ဦး၏ ဥပဒေနှင့်အညီ လွတ်လပ်စွာသွားလာ ဆောင်ရွက်ခွင့်၊ လွတ်လပ်စွာနေထိုင်နိုင်ခွင့်နှင့် လွတ်လပ် စွာပြောဆိုခွင့်ကို ဆိုသည်။ [ပုဒ်မ ၂ (ဂ) ]
▲ ပုဂ္ဂိုလ်ဆိုင်ရာလုံခြုံမှု ▲
ပုဂ္ဂိုလ်ဆိုင်ရာလုံခြုံမှုဆိုသည်မှာ နိုင်ငံသားတစ်ဦး၏ ပုဂ္ဂိုလ်ရေးဆိုင်ရာ လုံခြုံမှုကိုဆိုသည်။ ယင်းစကား ရပ် တွင် နိုင်ငံသားတစ်ဦး၏ နေအိမ်အဆောက်အအုံ သို့မဟုတ် ပရဝဏ်နှင့် ပရဝဏ်အတွင်းရှိ အဆောက် အအုံလုံခြုံမှု၊ ပစ္စည်းလုံခြုံမှု၊ စာပေးစာယူနှင့် အခြား ဆက်သွယ်ရေးဆိုင်ရာလုံခြုံမှုတို့ ပါဝင်သည်။ [ ပုဒ်မ ၂ (ဃ) ]
▲ အကာအကွယ်ပေးခြင်း ▲
နိုင်ငံသားတိုင်းသည် ဖွဲ့စည်းပုံအခြေခံဥပဒေပါ နိုင်ငံသားများ၏ ပုဂ္ဂိုလ်ဆိုင်ရာ လွတ်လပ်မှုနှင့် ပုဂ္ဂိုလ် ဆိုင်ရာလုံခြုံမှု အပြည့်အဝရရှိခံစားခွင့်ရှိသည်။ [ ပုဒ်မ ၃ ]
ပြည်ထဲရေးဝန်ကြီးဌာနနှင့် သက်ဆိုင်ရာအစိုးရဌာန၊ အစိုးရအဖွဲ့အစည်းနှင့် အုပ်ချုပ်ရေးဆိုင်ရာ တာဝန်ရှိသူများသည် နိုင်ငံသားများ၏ ပုဂ္ဂိုလ်ဆိုင်ရာလွတ်လပ်မှုနှင့် ပုဂ္ဂိုလ်ဆိုင်ရာလုံခြုံမှု နစ်နာဆုံးရှုံး ခြင်းမရှိစေရန် ကာကွယ်ပေးရမည်။ [ပုဒ်မ ၄ ]
သက်ဆိုင်သူများတွင် တာဝန်ရှိခြင်း [ပုဒ်မ ၅]
ပြည်ထဲရေးဝန်ကြီးဌာနနှင့် သက်ဆိုင်ရာအစိုးရဌာန၊ အစိုးရအဖွဲ့အစည်းနှင့် အုပ်ချုပ်ရေးဆိုင်ရာ တာ ဝန်ရှိ သူများသည် -
(က) တည်ဆဲဥပဒေနှင့်အညီမှတစ်ပါး ပုဂ္ဂိုလ်ဆိုင်ရာ လွတ်လပ်မှုကိုဖြစ်စေ၊ ပုဂ္ဂိုလ်ဆိုင်ရာ လုံခြုံမှု ကိုဖြစ်စေ နစ်နာဆုံးရှုံးမှုမရှိစေရန် မည်သူ့ကိုမဆို ကာကွယ်ပေးရမည်။
(ခ) ပုဂ္ဂိုလ်တစ်ဦးဦး၏ နေအိမ်နှင့် နေအိမ်အဖြစ် အသုံးပြုသော အခန်း၊ အဆောက်အအုံ သို့မဟုတ် ပရဝဏ်နှင့် ပရဝဏ်အတွင်းရှိ အဆောက်အအုံများ အတွင်းသို့ တည်ဆဲဥပဒေတစ်ရပ်ရပ်အရ ဝင်ရောက် ရှာဖွေခြင်း၊ သိမ်းဆည်းခြင်း သို့မဟုတ် သူတစ်ဦးဦးအား ရှာဖွေခြင်း၊ ဖမ်းဆီးခြင်းပြုလုပ်လိုလျှင် သက်ဆိုင်ရာ ရပ်ကွက် သို့မဟုတ် ကျေးရွာအုပ်စုရှိ အုပ်ချုပ်ရေးမှူး ဖြစ်စေ၊ ကျေးရွာတာဝန်ခံ သို့မဟုတ် ရာအိမ်မှူးဖြစ်စေ၊ ဆယ်အိမ်မှူးဖြစ်စေ တစ်ဦးဦးအပါအဝင် အနည်းဆုံး သက်သေနှစ်ဦးနှင့်အတူ ဆောင်ရွက်ရမည်။
▲ တာဝန်ရှိသူများက အရေးယူဆောင်ရွက်ခြင်း ▲
သက်ဆိုင်ရာဝန်ကြီးဌာနနှင့် တာဝန်ရှိသူများသည် ဤဥပဒေအရ အရေးယူဆောင်ရွက်ပေးရန် တိုင်ကြားချက်ကို လက်ခံရရှိပါက ဥပဒေနှင့်အညီ အရေးယူ ဆောင်ရွက်ရမည်။ မိမိဌာနက အရေးယူ ဆောင်ရွက် ရမည့်ကိစ္စမဟုတ်ကြောင်း ပေါ်ပေါက်ပါက အကျိုး အကြောင်းဖော်ပြ၍ တိုင်ကြားသူထံ ရက်ပေါင်း ၃၀ အတွင်း ပြန်ကြားရမည့်အပြင် ယင်းပြန်ကြားစာတွင် မည်သည့်ဌာနအဖွဲ့အစည်းသို့ တိုင်ကြားသင့်ကြောင်း အကြံပြုချက်ပါရှိရမည်။ [ပုဒ်မ ၆]
▲ တားမြစ်ချက်များနှင့် ကျခံနိုင်သည့်ပြစ်ဒဏ်များ ▲
မည်သူ့ကိုမျှ တည်ဆဲဥပဒေတစ်ရပ်ရပ်အရ ခွင့်ပြု သည့်ကိစ္စမှတစ်ပါး တရားရုံး၏ ခွင့်ပြုချက်မရှိဘဲ ၂၄ နာရီထက်ကျော်လွန်၍ ချုပ်နှောင်ထားခြင်း မပြုရပါ။ ပြုလျှင် ထောင်ဒဏ်အများဆုံး ၃ နှစ်အထိနှင့် ငွေဒဏ် အများဆုံး ကျပ် ၁၅ သိန်းအထိ ပြစ်ဒဏ်ကျခံနိုင်သည်။ [ ပုဒ်မ ၇ နှင့် ၁၀ ]
မည်သူမျှ တည်ဆဲဥပဒေနှင့်အညီ ခွင့်ပြုမိန့်၊ ခွင့်ပြု ချက် သို့မဟုတ် ၀ရမ်းတစ်စုံတစ်ရာမရှိဘဲဖြစ်စေ၊ နိုင်ငံတော်သမ္မတ သို့မဟုတ် ပြည်ထောင်စုအစိုးရအဖွဲ့၏ ခွင့်ပြုချက်မရှိဘဲဖြစ်စေ အောက်ပါတို့ကို မပြုရပါ။ ပြုလျှင် ထောင်ဒဏ်အများဆုံး ၃ နှစ်အထိနှင့် ငွေဒဏ် အများဆုံး ကျပ် ၁၅ သိန်းအထိ ပြစ်ဒဏ်ကျခံနိုင်သည်။ [ ပုဒ်မ ၈ နှင့် ၁၀ ]
(က) နိုင်ငံသားတစ်ဦး၏ နေအိမ်၊ နေအိမ်အဖြစ် အသုံးပြုသောအခန်း၊ အဆောက်အအုံ သို့မဟုတ် ပရဝဏ်နှင့် ပရဝဏ်အတွင်းရှိ အဆောက်အအုံအတွင်း ဝင်ရောက်ရှာဖွေခြင်း၊ သိမ်းဆည်းခြင်း သို့မဟုတ် သူတစ်ဦးဦးအား ဖမ်းဆီးခြင်းမပြုရပါ။
(ခ) နိုင်ငံသားတစ်ဦး၏ ပုဂ္ဂိုလ်ဆိုင်ရာလွတ်လပ်မှုနှင့် ပုဂ္ဂိုလ်ဆိုင်ရာလုံခြုံမှုကို အနှောင့်အယှက် ဖြစ်စေသော သို့မဟုတ် လူ့ဂုဏ်သိက္ခာကို ထိခိုက်စေနိုင်သော နောက်ယောင်ခံစောင့်ကြည့်ခြင်း၊ စုံထောက်ခြင်းနှင့် စုံစမ်းခြင်းမပြုရပါ။
(ဂ) ပုဂ္ဂိုလ်တစ်ဦးနှင့်တစ်ဦးအကြား ဆက်သွယ်ရေး ပစ္စည်းကိရိယာတစ်မျိုးမျိုးဖြင့် ဆက်သွယ်ပြော ကြားခြင်းကို ကြားဖြတ်ဖမ်းယူနားထောင်ခြင်း သို့မဟုတ် တစ်နည်းနည်းဖြင့် အနှောင့်အယှက် ပေးခြင်း မပြုရပါ။
(ဃ) ဆက်သွယ်ရေးအော်ပရေတာများထံမှ ပုဂ္ဂိုလ်ဆိုင်ရာ တယ်လီဖုန်းနှင့် အီလက်ထရောနစ် ဆက် သွယ်ရေး သတင်းအချက်အလက်များအား တောင်းယူခြင်း၊ ထုတ်ပေးခြင်းမပြုရပါ။
(င) အခြားသူ၏ ပုဂ္ဂိုလ်ဆိုင်ရာ ကိစ္စအလို့ငှာ ဆက်သွယ် ပေးပို့သည့် စာပေးစာယူ၊ စာအိတ်၊ ချောထုပ်၊ ပါဆယ် ထုပ် တစ်ခုခုကို ဖွင့်ဖောက်ခြင်း၊ ရှာဖွေခြင်း၊ သိမ်းဆည်း ခြင်း၊ ဖျောက်ဖျက်ခြင်း သို့မဟုတ် ဖျက်ဆီးခြင်းမပြုရပါ။
(စ) နိုင်ငံသားတစ်ဦး၏ ပုဂ္ဂိုလ်ဆိုင်ရာ၊ မိသားစု ရေးရာကိစ္စများတွင် အဓမ္မဝင်ရောက်စွက်ဖက်ခြင်း သို့မဟုတ် လူတစ်ဦး၏ ဂုဏ်သိက္ခာနှင့် ထင်ပေါ်ကျော် ကြားမှုကို ပုတ်ခတ်ခြင်း သို့မဟုတ် ထိခိုက်စေရန် တစ်နည်းနည်းဖြင့် ဆောင်ရွက်ခြင်းမပြုရပါ။
(ဆ) နိုင်ငံသားတစ်ဦး၏ တရားဝင်ရရှိပိုင်ဆိုင်ထား သော ပြောင်းရွှေ့နိုင်သောပစ္စည်းကိုသော်လည်း ကောင်း၊ မပြောင်းရွှေ့နိုင်သော ပစ္စည်းကိုသော်လည်း ကောင်း မတရားသိမ်းယူခြင်း သို့မဟုတ် တိုက်ရိုက် ဖြစ်စေ၊ သွယ်ဝိုက်၍ဖြစ်စေ တမင်ပျက်စီးစေခြင်း သို့မဟုတ် ဖျက်ဆီးစေခြင်း မပြုရပါ။
▲ ရဲတပ်ဖွဲ့မှအရေးယူဆောင်ရွက်ခြင်း ▲
မည်သည့် ရဲတပ်ဖွဲ့စခန်းမှူးမဆို ဤဥပဒေအရ အရေးယူဆောင်ရွက်ပေးရန် တိုင်တန်းချက်ကို လက်ခံ ရရှိလျှင်ဖြစ်စေ၊ သတင်းပေးချက်ကို လက်ခံရရှိလျှင် ဖြစ်စေ ရာဇဝတ်ကျင့်ထုံးဥပဒေပုဒ်မ ၁၅၄ နှင့်အညီ အရေးယူဆောင်ရွက်ရမည်။ ဆောင်ရွက်ရန် အကြောင်းမဲ့ ပျက်ကွက်လျှင် အများဆုံး ထောင်ဒဏ် ၅ နှစ်အထိ နှင့် အများဆုံးငွေဒဏ် ကျပ် ၂၅ သိန်းအထိ ပြစ်ဒဏ် ကျခံနိုင်သည်။ [ ပုဒ်မ ၉ နှင့် ၁၀ ]
▲ ဒီမိုကရေစီကျင့်စဉ်နှင့် ပြည်သူ့နီတိ ▲
ဒီမိုကရေစီအစ ပြည်သူ့နီတိက၊ ပြည်သူ့နီတိအစ ဒီမိုကရေစီကဟု ဆိုကြပြောကြ ကင်ပွန်းတပ်ကြ သည်။ ဒီမိုကရေစီကျင့်စဉ်နှင့် ပြည်သူ့နီတိတို့၏ တရားကိုယ် သဘောအနှစ်သည် အတူတူပင် ဖြစ်သည်။ လူမျိုးမရွေး၊ ဘာသာမရွေး၊ ကျားမမရွေး၊ ကြီးငယ်မရွေး လူသားအား လုံးတို့သည် တစ်ဦးနှင့် တစ်ဦး အပြန်အလှန် နားလည်မှု၊ အပြန်အလှန်လေးစားမှု၊ ရိုသေကိုင်းရှိုင်းမှု၊ တန်ဖိုး ထားမှု၊ အလေး ထားမှု၊ ယဉ်ကျေးလိမ္မာမှု၊ စာနာထောက် ထားမှု၊ ရိုင်းပင်းကူညီမှု၊ ချစ်ခင်ကြင်နာမှု၊ စည်းလုံး ညီညွတ်မှု၊ ပေါင်းစည်းနေထိုင်မှု၊ ဖွံ့ ဖြိုးတိုးတက်မှု၊ သာယာဝပြောမှု၊ တည်ငြိမ်အေးချမ်းမှု စသည့်စသည့် ကောင်း မြတ်သည့် ကိုယ်ကျင့်တရားများပေါ်အခြေခံ၍ ဒီမိုကရေစီကျင့်စဉ်များ၊ ပြည်သူ့နီတိများ ပေါ်ပေါက် လာရသည်။
ဒီမိုကရေစီဟုဆိုလျှင် နိုင်ငံသားများသည် ဥပဒေ နှင့်အညီ လွတ်လပ်စွာပြောဆို၊ ဟောပြော၊ စည်းရုံး၊ ရေးသားထုတ်ဝေပိုင်ခွင့်၊ ဥပဒေနှင့်အညီ လွတ်လပ်စွာ သွားလာလုပ်ကိုင် ပရိယေသနဝမ်းစာ ရှာမှီး ပိုင်ခွင့်၊ လွတ်လပ်စွာ ကိုးကွယ်ဝတ်ပြုပိုင်ခွင့်များရှိကြသည်။ နိုင်ငံတော်ကလည်း နိုင်ငံသားတစ်ဦးစီ၏ ပုဂ္ဂိုလ် ဆိုင်ရာလွတ်လပ်မှုနှင့် ပုဂ္ဂိုလ်ဆိုင်ရာလုံခြုံမှုတို့ကို ဥပဒေပြဋ္ဌာန်း၍ အကာအကွယ်ပေး ထား သည်။ ဤသို့ဆိုလျှင် နိုင်ငံတော်သည် နိုင်ငံသားများ၏ ပုဂ္ဂိုလ် ဆိုင်ရာလွတ်လပ်မှုနှင့် ပုဂ္ဂိုလ်ဆိုင်ရာ လုံခြုံမှုတို့ကို ဥပဒေပြဋ္ဌာန်း၍ အကာအကွယ်ပေးထားသကဲ့သို့ နိုင်ငံသားများဘက်ကလည်း ဒီမိုကရေစီ ကျင့်စဉ်နှင့် ပြည်သူ့နီတိများနှင့်အညီ ပြောဆို၊ ဟောပြော၊ စည်းရုံး၊ ရေးသားထုတ်ဝေ၊ နေထိုင်သွား လာ၊ ပြုမူဆောင်ရွက်၊ ကျင့်ကြံကြဖို့လည်း လိုအပ်ကြောင်းပါဗျာ။
- နိုင်ငံသားတိုင်းပုဂ္ဂိုလ်ဆိုင်ရာ လွတ်လပ်မှုနှင့် ပုဂ္ဂိုလ်ဆိုင်ရာလုံခြုံမှု အပြည့်အဝရရှိနိုင်ကြပါစေ၊
- သက်ဆိုင်ရာတာဝန်ရှိသူများက ဥပဒေနှင့်အညီ အကောင်အထည်ဖော်စွမ်းဆောာင် ပေးနိုင်ကြပါစေ၊
-နိုင်ငံသားများအားလုံးအကြား ဒီမိုကရေစီကျင့် စဉ်နှင့် ပြည်သူ့နီတိ ထာဝစဉ်စိမ့်ဝင် လွှမ်းခြုံထားနိုင် ကြပါစေ။
(နိုင်ငံတော်တည်ဆောက်ရာတွင် နိုင်ငံတော်အချုပ်အခြာအာဏာ၏ ခက်မသုံးဖြာဖြစ်သည့် ဥပဒေ ပြုရေး၊ အုပ်ချုပ်ရေး၊ တရားစီရင်ရေးဟူသည့် မဏ္ဍိုင်ကြီးသုံးရပ်ဖြင့် အချင်းချင်း အပြန်အလှန် ထိန်း ကျောင်း ဆောင်ရွက်ဟု ဆိုထားရာ ဥပဒေဆိုင်ရာ အကြောင်းအရာ များကို ပြည်သူများ သိရှိလေ့လာ နိုင်ရန် စာရေးသူ မောင်စာဂ၏ ဥပဒေနှင့်စပ်ဆိုင်သော ဆောင်းပါးများကို ဖော်ပြပေးသွားပါမည်။ ဆောင်းပါးတွင်ပါရှိသည့် အကြောင်းအရာများသည် စာရေးသူ၏ အာဘော်သာဖြစ်ပါသည်။ (စာတည်းအဖွဲ့))