နေပြည်တော် ဇွန် ၂၇
ပြည်ထောင်စုသမ္မတမြန်မာနိုင်ငံတော်အစိုးရသို့
ဂျပန်နိုင်ငံအစိုးရမှ အကူအညီပေးရေးဆိုင်ရာ စာချွန် လွှာ
လက်မှတ်ရေးထိုးလဲလှယ်ခြင်းအခမ်းအနားကို ယနေ့နံနက် ၉ နာရီခွဲတွင် ရင်းနှီးမြှုပ်နှံမှုနှင့်
နိုင်ငံခြားစီးပွား ဆက်သွယ်ရေး ဝန်ကြီးဌာန၊ ရုံးအမှတ်(၁)
အစည်း အဝေးခန်းမ၌ ကျင်းပသည်။
အခမ်းအနားတွင်
အောင်ဆန်းမြို့၌ ဂျပန်-မြန်မာ သက်မွေးပညာသင်တန်းကျောင်း တည်ထောင်ရေး စီမံချက်အတွက်
ဂျပန်ယန်း ၂ ဒသမ ၇၂၆ ဘီလီယံ အကူအညီပေးရေးဆိုင်ရာ စာချွန်လွှာကို စီမံကိန်း
နှင့်ဘဏ္ဍာရေး ၀န်ကြီးဌာန၊ ဒုတိယဝန်ကြီး ဦးဆက်အောင် နှင့် မြန်မာနိုင်ငံဆိုင်ရာ
ဂျပန်နိုင်ငံ သံအမတ်ကြီး Mr. Ichiro
Maruyama တို့က
လက်မှတ်ရေးထိုးလဲလှယ်ကြသည်။
အခမ်းအနားသို့
ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန ပြည်ထောင်စုဝန်ကြီး
ဦးသောင်းထွန်း၊ ပညာရေးဝန်ကြီးဌာန ဒုတိယဝန်ကြီး
ဦးဝင်းမော်ထွန်း၊ နိုင်ငံခြားရေးဝန်ကြီးဌာန အမြဲ တမ်းအတွင်းဝန် ဦးမြင့်သူ၊ ဂျပန်သံရုံးမှ
တာဝန်ရှိသူများ တက်ရောက်ကြသည်။
(သတင်းစဉ်)
No comments:
Post a Comment