နေပြည်တော် ဇွန် ၂၇
အခြေခံပညာကျောင်းများ
၌ နို့တိုက်ကျွေးခြင်းအစီအစဉ်သည် တစ်ဦး တစ်ယောက်ချင်းအတွက် သာမက လူ့ဘောင် အဖွဲ့အစည်းတစ်ခုလုံးကိုပါ
တစ်ဘက်တစ်လမ်းမှ အကျိုးပြုလျက်ရှိကြောင်း ပြည်ထောင်စုဝန်ကြီး ဒေါက်တာအောင်သူ က
ပြောကြားသည်။
ယင်းနောက်
ကလေးများ၏ ကျန်းမာကြံ့ခိုင်မှုပိုမိုကောင်းလာ
သည်နှင့်အမျှ ကျန်းမာရေးစောင့်ရှောက်
ရမှုကုန်ကျစရိတ်များလည်း လျော့ကျလာမည် ဖြစ်သည့်အတွက် အစိုးရ၊
မိဘ၊ ဆရာနှင့် စေတနာရှင်များ ပူးပေါင်းပြီး
ကလေးသူငယ်များ၏ အာဟာရ ပြည့်ဝရေးကို စဉ်ဆက်မပြတ်
ကြိုးပမ်းသွားကြရမှာ ဖြစ်ကြောင်း ယနေ့ နံနက် ၉ နာရီ က နေပြည်တော်
ဇေယျာသီရိမြို့နယ် ၊ နန်းသြကျေးရွာ အခြေခံ ပညာမူလတန်းလွန်ကျောင်း ၌ ကျင်းပသည့်
၂၀၁၉-၂၀၂၀ ပညာသင်နှစ် အခြေခံပညာ ကျောင်းများ နို့တိုက်ကျွေးရေး ဖွင့်ပွဲအခမ်းအနား
တွင် စိုက်ပျိုးရေး၊မွေးမြူရေးနှင့်ဆည်မြောင်းဝန်ကြီးဌာန
ပြည်ထောင်စုဝန်ကြီးက ထိုကဲ့သို့ ပြောကြားခြင်းဖြစ်သည်။
ဆက်လက်၍
ပြည်ထောင်စုဝန်ကြီး က နိုင်ငံတော်အနေဖြင့်လည်း ဝန်ကြီး
ဌာနများ ပူးပေါင်းပါဝင်သည့် နိုင်ငံသားအားလုံး ကျန်းမာကြံ့ခိုင်ရေးအတွက်
ကဏ္ဍပေါင်းစုံ ပါဝင်သော ဘက်စုံ အာဟာရ
ဖွံ့ဖြိုးရေးစီမံကိန်းကို ချမှတ်အကောင်အထည် ဖော်လျက်ရှိကြောင်း၊ အနာဂတ်လူငယ်များ၏ ဉာဏ
စွမ်းရည် မြင့်မားတိုးတက်စေရေး ၊ကျန်းမာကြံ့ခိုင် သန်စွမ်းသော
ကာယစွမ်းရည်များပိုင်ဆိုင်နိုင်ကြ စေရေးအတွက်
ကျန်းမာရေးနှင့် ညီညွတ်သည့်
အစားအစာအာဟာရများပြည့်ဝစွာ စားသုံးလာစေရန် အခြေခံပညာ
ကျောင်းများ၌ နို့တိုက်ကျွေးခြင်းအစီအစဉ်များကိုနှစ်စဉ် ဆောင်ရွက်ပေးလျက်ရှိနေ သော်လည်း
ဆက်လက်၍ ဝေးလံခေါင်းဖျားဒေသများမကျန် တစ်နိုင်ငံလုံးကို
လွှမ်းခြုံသည့် နို့နှင့် အာဟာရတိုက်ကျွေးမှုလုပ်ငန်းများ
ပိုမိုကျယ်ပြန့်ထိရောက်စေရေးကြိုးပမ်း
သွားကြရမည်ဖြစ်ပါကြောင်း ပြောကြားသည်။
ထို့နောက်
ပြည်ထောင်စုဝန်ကြီးနှင့် စေတနာရှင်အလှူရှင်များက နန်းသြ အခြေခံ
ပညာမူလတန်းလွန်ကျောင်းတွင် ပညာသင်ကြားနေကြသောကျောင်းသား ကျောင်းသူလေး များအားနို့နှင့်
အာဟာရ များ တိုက်ကျွေးကြသည်။
အခမ်းအနားသို့
အမြဲတမ်းအတွင်းဝန် ဒေါက်တာခင်ဇော် ၊ မွေးမြူရေးနှင့် ကုသရေးဦးစီးဌာန ညွှန်ကြား ရေးမှူးချုပ်
ဒေါက်တာရဲထွန်းဝင်းနှင့် ညွှန်ကြားရေးမှူးချုပ်များ၊
နေပြည်တော်ကောင်စီမှ တာဝန်ရှိသူများ၊ ဌာနဆိုင်ရာတာဝန်ရှိသူများ၊ နို့စားနွား
မွေးမြူရေးနှင့် နို့နှင့်နို့ထွက်ပစ္စည်း ထုတ်လုပ်မှုအသင်း ဥက္ကဋ္ဌနှင့် လုပ်ငန်းရှင်များ၊
နို့နှင့် အာဟာရအလှူရှင်များ၊ နန်းသြ
အခြေခံပညာမူလတန်းလွန်ကျောင်းမှ ကျောင်းအုပ်ကြီးနှင့် ဆရာဆရာမများ၊
ကျောင်းသားကျောင်းသူများတက်ရောက်ကြသည်။
အခြေခံပညာကျောင်းများတွင်နို့တိုက်ကျွေးခြင်းကို၂၀၁၂-၂၀၁၃ပညာသင်နှစ်မှ
စတင်ဆောင်ရွက်ခဲ့ရာ ၂၀၁၈-၂၀၁၉ ပညာသင်နှစ်အထိ
(၈)နှစ်တာကာလအတွင်း ကျောင်းပေါင်း ၁၂၅၉၇ ကျောင်းရှိ ကျောင်းသား ကျောင်းသူ ၂,၆၄၆,၁၆၂ ဦး တို့အား နို့နှင့်အာဟာရများ တိုက်ကျွေးခဲ့ပြီး ဖြစ်ကြောင်း
သိရှိရသည်။
(သတင်းစဉ်)
No comments:
Post a Comment