နေပြည်တော်
ဇွန် ၃၀
ပြည်ထောင်စုနယ်မြေ၊
နေပြည်တော်ကောင်စီအတွင်းရှိ ရှေးဦးအရွယ် ကလေးသူ ငယ်ပြုစု ပျိုးထောင်ရေး
နှင့်ဖွံ့ဖြိုးရေး ဆိုင်ရာ အသိပညာပေး ဆောင်ရွက်ခြင်း အခမ်းအနားကို ယနေ့
နံနက်ပိုင်းတွင် နေပြည်တော် ကောင်စီ၊ ဇမ္ဗူသီရိခန်းမ၌ ကျင်းပသည်။
အခမ်းအနားသို့
လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာ ချထားရေး ဝန်ကြီးဌာန၊ ပြည်ထောင်စုဝန်ကြီး
ဒေါက်တာဝင်းမြတ်အေး၊ ဒုတိယဝန်ကြီး ဦးစိုးအောင်၊ နေပြည်တော်ကောင်စီဝင်
ဦးအောင်မြင်ထွန်း ၊ နေပြည်တော်အတွင်း ရှိ ကလေးမိဘများ၊
ကလေးပြုစုစောင့်ရှောက်သူများ နှင့်သက်ဆိုင်ရာ တာဝန်ရှိသူ များတက်ရောက်ကြသည်။
အခမ်းအနားတွင်
ပြည်ထောင်စုဝန်ကြီးက အစိုးရအနေဖြင့် လတ်တလော ပြည်သူ များ၏ လိုအပ်ချက်ဖြစ်သော လမ်းပန်းဆက်သွယ်ရေး၊
လျှပ်စစ်ဓါတ်အားရရှိရေး၊ ကျန်းမာရေး၊ ပညာရေးနှင့် အလုပ်အကိုင် အခွင့်အလမ်း
များရရှိအောင် ဖြည့် ဆည်းဆောင်ရွက် ပေးလျက်ရှိပါကြောင်း၊ ရေရှည်တွင်စွမ်းရည်ပြည့်ဝပြီး
အရည်အချင်းရှိသော လူသားအရင်း အမြစ်ဖြစ်ပေါ် လာအောင် ရှေးဦးအရွယ် ကလေး သူငယ်ဘဝမှ
စတင်ပြုစု ဆောင်ရွက်ရန်လိုအပ်ပါကြောင်း၊ လူတစ်ယောက်၏ ဦးနှောက်ဖွံ့ဖြိုးမှုသည် ကလေးငယ်၏
ရက်ပေါင်း တစ်ထောင်အတွင်း သာဖြစ်သည့်အတွက် ထိုအချိန်အတွင်း စနစ်တကျပြုစု
စောင့်ရှောက် ရန်မိဘများ၏ တာဝန်ပင်ဖြစ်ပါကြောင်း၊ ရှေးဦး အရွယ်
ကလေးသူငယ်ဘဝဖွံ့ဖြိုးတိုး တက်အောင် တာဝန်ယူဆောင်ရွက်နေသော မိမိတို့ဝန်ကြီးဌာနအနေဖြင့်
မိဘများကို ပညာပေးရန်ဝန်ထမ်းများ ကိုယ်တိုင်စွမ်းဆောင်ရည်မြင့် အောင် ဆောင်ရွက်ပေး
လျက်ရှိပါကြောင်း။
အစိုးရကဆောင်ရွက်လျက်ရှိသော
နေ့ကလေးထိန်း ဂေဟာများ၊ အစိုးရမူကြို ကျောင်းများသည် တစ်နိုင်ငံလုံး
အတိုင်းအတာဖြင့် အရေအတွက် အလွန်နည်းပါးပြီးလိုအပ်ချက်များရှိပါကြောင်း၊
အစိုးရအနေဖြင့် ကိုယ်ထူ ကိုယ်ထမူကြိုကျောင်းများ၊ မိခင်ဝိုင်းများကို ငွေကြေးထောက်
ပံ့ပေးခြင်းများဆောင်ရွက်ပါကြောင်း၊ ယခုဖြန့်ဝေထားသော သုံးနှစ် အောက်ရှေးဦးအရွယ်
ကလေးသူငယ်များ ပြုစုစောင့်ရှောက်မှု လမ်းညွှန် လက်ကမ်း စာစောင်သည်
ဦးနှောက်ဖွံ့ဖြိုးတိုးတက်မှု အတွက်လိုအပ်သည့် အချက်များ ထည့်သွင်းထားသည့် အတွက်
ကလေးမိဘများအတွက်များစွာ ဗဟုသုတရရှိမည်ဖြစ်ပါကြောင်း၊ မိဘများ နှင့်
မိသားစုဝင်များသည် သုံးနှစ်အောက်ကလေးငယ်များကို ပုံမှန်ဖွံ့ဖြိုးမှုရှိမရှိ
ဆန်းစစ်နိုင်ပြီး ပုံမှန်မဟုတ်ပါကဆောလျင်စွာ သိရှိပြု
ပြင်စောင့်ရှောက်ကုသခြင်းဖြင့် မသန်စွမ်းမှုဖြစ် ခြင်းကို လျော့ ချနိုင်ပါကြောင်း
ပြောကြားသည်။
ထို့နောက်
တက်ရောက်လာသည့် မိဘများကသိရှိလိုသည် များကို မေးမြန်းရာ ရှေးဦး အရွယ်ကလေးသူငယ်
စောင့်ရှောက်ရေး၊ မသန်စွမ်းကလေးများ ပညာသင်ကြားရမှု၊ အကြား အာရုံချို့တဲ့
မသန်စွမ်းများ အတွက် ပိုမိုအလေးထား ပူးပေါင်းဆောင်ရွက်ပေးနိုင်မည့် ကိစ္စ ၊
အိမ်အခြေပြုနေ့ ကလေးထိန်းမိခင်ဝိုင်းထူထောင်ရန်လိုအပ်မည့် သင်တန်းနှင့်နည်းစနစ်များ
သင်ကြားပေးနိုင်ရန်ကိစ္စရပ် များနှင့်စပ်လျဉ်း၍ ပြည်ထောင်စုဝန်ကြီးနှင့် လူမှုဝန်ထမ်းဦးစီးဌာနမှ
ဒုတိယ ညွှန်ကြားရေးမှူးချုပ် ကပြန်လည်ရှင်း လင်းဖြေကြားသည်။
ထို့နောက်
ပြည်ထောင်စုဝန်ကြီးသည် ဒုတိယဝန်ကြီး ဦးစိုးအောင်၊ နေပြည်တော် ကောင်စီဝင် ဦးအောင်မြင်ထွန်း၊
ပြည်ထောင်စု နယ်မြေ၊ နေပြည်တော်ကောင်စီရှိ ရှေးဦးအရွယ်ကလေး သူငယ်ပြုစုပျိုးထောင် ရေးနှင့်
ဖွံ့ဖြိုး ရေးလုပ်ငန်းကြီးကြပ်ရေးအဖွဲ့ဝင်များ နှင့် သက်ဆိုင်ရာ တာဝန်ရှိသူများနှင့်
တွေ့ဆုံညှိနှိုင်းဆွေးနွေးသည်။
အစည်းဝေးတွင် ပြည်ထောင်စုဝန်ကြီးက
နေပြည်တော်ကောင်စီ နယ်မြေအတွင်း ဖြစ်ပေါ်လျက်ရှိသော ကလေး သူငယ်အကြမ်းဖက်ခံရမှု
ဖြစ်စဉ်နှ င့်ပတ်သက်၍ မိမိတို့ ဝန်ကြီးဌာနအနေဖြင့် ဖြစ်စဉ်ဖြစ်ပွားသည့် နေ့မှစ၍
ယနေ့အချိန်ထိအထူးအလေးထား၍ ဝန်ကြီးဌာန၏ တာဝန်၊ လုပ်ထုံးလုပ်နည်းများနှင့် အညီ
ဆောင်ရွက်ပေး လျက်ရှိပါကြောင်း၊ ဖြစ်စဉ်နှင့် ပတ်သက်၍ ပြည်ထောင်စုနယ်မြေ၊ နေပြည်တော်ကောင်စီ
လူမှုဝန်ထမ်းဦးစီး ဌာနက စိစစ်ပူပေါင်းဆောင်ရွက်လျက်ရှိကြောင်း၊
မူလတန်းကြိုကျောင်းများတွင် အသက်(၃) နှစ်မှ (၅) နှစ်အထိကိုသာ လက်ခံဆောင်ရွက်ရန်
ထုတ်ပြန်ထားကြောင်း၊ ကျောင်းဖွင့်ခွင့်ပြု မိန့်မရရှိမီကာလအတွင်း ဖွင့်လှစ်ခြင်းမပြုရန်
ထုတ်ပြန်ထားကြောင်း၊ ဖြစ်ရပ်မှန်ပေါ်ပေါက်ရေး ကူညီဆောင်ရွက်သွားမည်ဖြစ်ကြောင်း
ပြောကြားခဲ့ပြီး ဒုတိယ ဝန်ကြီး၊ နေပြည်တော်ကောင်စီဝင်နှင့် တာဝန်ရှိသူများက
ပေါင်းစပ် ညှိနှိုင်းဆွေးနွေးခဲ့ကြ ကြောင်းသိရသည်။
(သတင်းစဉ်)
No comments:
Post a Comment