နေပြည်တော် မေ ၁
စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန
ပြည်ထောင်စုဝန်ကြီး ဒေါက်တာအောင်သူသည် ကမ္ဘာ့စားနပ်ရိက္ခာ အစီအစဉ် WFP ၏ Resident
Representative နှင့် Country Director , Mr. Dom Scalpelli နှင့် ယမန်နေ့ ညနေ ၃ နာရီတွင်
ပြည်ထောင်စုဝန်ကြီး၏ ဧည့်ခန်းမ၌ တွေ့ဆုံသည်။
တွေ့ဆုံစဉ် ကဏ္ဍပေါင်းစုံပါဝင်သော
အမျိုးသားအာဟာရဆိုင်ရာ စီမံကိန်း အကောင်အထည်ဖော်ဆောင်ရွက်ရေး၊ အိမ်ထောင်စုအဆင့် အမယ်စုံ
စိုက်ပျိုးမွေးမြူ ထုတ်လုပ်စားသုံးမှုနှင့် ဆန်းသစ်တီထွင်မှုများ တိုးမြင့်လာရေး၊ ရခိုင်
ပြည်နယ်ရှိ မြို့နယ်(၁၄) မြို့နယ်တို့တွင် စားနပ်ရိက္ခာ ဖူလုံမှုနှင့် စိုက်ပျိုးရေးဆိုင်ရာ
ဆန်းစစ်ချက် အထူးအစီရင်ခံစာ၏ ဦးစားပေးအလိုက် ဆောင်ရွက်သွားရေး၊ အခြေခံပညာကျောင်းများတွင်
ကျောင်းသားကျောင်းသူများ၏ ဉာဏ်ရည် ထက်မြက်မှုအထောက်အကူပြု နို့တိုက်ကျွေးခြင်းဆောင်ရွက်နေမှုများ၊
WFP ၏ ၅ နှစ်တာ အစီအစဉ်အရ အစားအစာ ဖူလုံမှုမရှိသည့် ဒေသများနှင့် ပဋိပက္ခဒဏ် ခံစားနေရသော
ပြည်သူများ အပါအဝင် တိုင်းဒေသကြီးနှင့် ပြည်နယ်များရှိ ပြည်သူများ၏ အစားအစာ ဖူလုံမှုနှင့်
အာဟာရပြည့်ဝရေး ဆိုင်ရာများကို ပူးပေါင်းဆောင်ရွက်ရန်နှင့် ၂၀၂၂ ခုနှစ်တွင် အာဟာရ ပြည့်မီရမည့်
အမျိုးသားအဆင့် ရည်မှန်းချက်များနှင့်အညီ မြန်မာနိုင်ငံရှိ အသက်(၅)နှစ် အောက် ကလေးများ
အာဟာရ ပြည့်ဝရေးဆိုင်ရာ ကိစ္စရပ်များကို ဆွေးနွေးကြသည်။
(သတင်းစဉ်)
No comments:
Post a Comment