နေပြည်တော်
မေ ၉
ပို့ဆောင်ရေးနှင့်ဆက်သွယ်ရေးဝန်ကြီးဌာန
ပြည်ထောင်စုဝန်ကြီး ဦးသန့်စင်မောင် သည် ယနေ့နံနက်ပိုင်းတွင် တာဝန်ပြီးဆုံး၍ ပြန်လည်ထွက်ခွာတော့မည့် မြန်မာနိုင်ငံ ဆိုင်ရာ တရုတ်ပြည်သူ့သမ္မတနိုင်ငံ
သံအမတ်ကြီး မစ္စတာ ဟုန်လျန် အား နေပြည်တော်ရှိ
ပို့ဆောင်ရေးနှင့်ဆက်သွယ်ရေးဝန်ကြီးဌာန၌ တွေ့ဆုံသည်။
တွေ့ဆုံစဉ်
မြန်မာ-တရုတ် နှစ်နိုင်ငံအကြား ဂျီအမ်အက်စ်ဒေသတွင်း ပူးပေါင်း ဆောင်ရွက်မှုအစီအစဉ်အရ
ကနဦး နယ်စပ်ဖြတ်ကျော်ပို့ဆောင်ရေး နားလည်မှုစာချွန်လွှာ လက်မှတ်ရေးထိုးရေးနှင့် နှစ်နိုင်ငံနယ်စပ်တွင်
နယ်စပ်ဖြတ်ကျော် စစ်ဆေးရေးစခန်း တည်ဆောက်ရေးကိစ္စ၊ မူဆယ် - မန္တလေးရထားလမ်းသစ် တည်ဆောက်ရေးအတွက်
ဖြစ်မြောက်နိုင်စွမ်းလေ့လာမှု၊ နှစ်နိုင်ငံအကြား ပို့ဆောင်ရေးနှင့် ဆက်သွယ်ရေးဆိုင်ရာ
ပူးပေါင်းဆောင်ရွက်မှုနှင့် ဆက်လက်ပူးပေါင်းဆောင်ရွက်သွားမည့် လုပ်ငန်းစဉ်များနှင့်
စပ်လျဉ်း၍ ဆွေးနွေးညှိနှိုင်းအမြင်ချင်း ဖလှယ်ခဲ့ကြသည်။
(သတင်းစဉ်)
No comments:
Post a Comment