ညောင်ရွှေ ဧပြီ
၃၀
၂၀၁၉ ခုနှစ် အင်းလေးခေါင်တိုင်လူရည်ချွန်အပန်းဖြေစခန်း၌
၁၉၆၇ ခုနှစ် လူရည် ချွန်ဟောင်း ပို့ဆောင်ရေးနှင့် ဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးသန့်စင်မောင်နှင့်ဇနီးတို့ ပါဝင်သော လူရည် ချွန်ကြီးများနှင့်
လူရည်ချွန်မောင်မယ်များ တွေ့ဆုံပွဲနှင့် ပညာရေးဆိုင်ရာဟောပြောပွဲများကို ယနေ့ နံနက်ပိုင်းတွင်
ကျင်းပသည်။
ပညာရေးဆိုင်ရာဟောပြောပွဲတွင်
ညောင်ရွှေမြို့နယ် သယံဇာတနှင့် သဘာဝပတ်ဝန်း ကျင် ထိန်းသိမ်းရေး ဦးစီးဌာနမှ သဘာဝပတ်ဝန်းကျင်
ထိန်းသိမ်းရေးနှင့် ရာသီဥတုပြောင်း လဲမှုဆိုင်ရာအကြောင်း သိကောင်း စရာများ၊ မြို့နယ်
စိုက်ပျိုးရေးဦးစီးဌာနမှ လှေကား ထစ်စိုက်ပျိုးနည်း၊ မြေဆီလွှာနှင့် သဘာဝပတ်ဝန်းကျင်
ထိန်းသိမ်းရေးအတွက် သစ်ပင် စိုက်ပျိုးနည်းတို့ကို ဟောပြောဆွေးနွေးကြပြီး လူရည်ချွန်
ကျောင်းသား ကျောင်းသူများက သိရှိလိုသည်များကို မေးမြန်းရာ တာဝန်ရှိသူများက ပြန်လည်ဖြေကြားကြသည်။
ထို့နောက် လူရည်ချွန်လူငယ်
မောင်မယ်များသည် အထွေထွေဗဟုသုတဆိုင်ရာ ဥာဏ်စမ်းပဟေဠိများကို မေးမြန်းဖြေကြားကြသည်။
မွန်းလွဲပိုင်းတွင် ပြည်ထောင်စုဝန်ကြီး
ဦးသန့်စင်မောင်နှင့်ဇနီး ၁၉၆၇၊ ၁၉၆၈၊ ၁၉၇၀ သုံးထပ်ကွမ်း လူရည် ချွန်ဟောင်း ဒေါက်တာ
ဒေါ်ခင်သန်းအေးတို့ပါဝင်သော ၁၉၆၄- ၈၈ လူရည်ချွန်ကြီးများက လူရည်ချွန် လူငယ်မောင်မယ်များအား
တွေ့ဆုံ၍ မိတ်ဆက်အားပေး စကားပြောကြားကြကာ အမှတ်တရ လက်ဆောင် ပစ္စည်းများပေးအပ်သည်။
ထို့နောက် လူရည်ချွန်ကြီးများက
လူရည်ချွန်တေးသီချင်းများ သင်ကြားပေးပြီး ဥာဏ်စမ်း ပဟေဠိများ မေးမြန်း ဖြေကြားကြကာ
ဆုရရှိသူလူရည်ချွန်များအား ဆုများ ပေးအပ်ကြသည်။
ညနေပိုင်းတွင် မေ ၁ ရက် နံနက်ပိုင်းတွင်ကျင်းပမည့်
အင်းလေးခေါင်တိုင်လူရည်ချွန် အပန်းဖြေစခန်းဖွင့်ပွဲ အခမ်း အနားအတွက် အစမ်းလေ့ကျင့်ကြသည်။
မေ ၂ ရက်တွင် လူရည်ချွန်များသည် အင်းလေးကန် အတွင်းရှိ စိုက်ပျိုးရေးလုပ်ငန်းများ၊ တိုင်းရင်းသားရိုးရာ
လက်မှုလုပ်ငန်းများလေ့လာခြင်း၊ ရှေးဟောင်း သမိုင်းဝင် ဖောင်တော်ဦးဘုရား၊ အလိုတော် ပေါက်ဘုရား၊
ရွှေဗောဓိမြို့ဦးစေတီ ဖူးမြော်လေ့လာခြင်း၊ ညောင်ရွှေဟော်နှင့် ညောင်ရွှေ စံပြစိုက်ခင်းများ
လေ့လာခြင်းတို့ ဆောင်ရွက်သွားမည်ဖြစ်ကြောင်း သိရသည်။
ဇင်ဦး(မြန်မာ့အလင်း)၊
ဓာတ်ပုံ - သီဟစည်သူ
No comments:
Post a Comment