တောင်ကုတ် မေ ၅
ရခိုင်ပြည်နယ်ဝန်ကြီးချုပ် ဦးညီပုနှင့် ပြည်နယ်ဝန်ကြီးများသည် မေ ၄ ရက်နံနက်ပိုင်းက သံတွဲမြို့နယ် ကွေ့ချောင်းကျေးရွာ ဘုန်းတော်ကြီးကျောင်း၌ ကျေးရွာအုပ်စုအတွင်းရှိ ဒေသခံများနှင့် တွေ့ဆုံသည်။
တွေ့ဆုံစဉ် သံတွဲမြို့နယ် အုပ်ချုပ်ရေးမှူး ဦးအောင်ကျော်သန်းက ဒေသဖွံ့ဖြိုးရေးဆောင်ရွက်နေမှုများကို အသေးစိတ် ရှင်းလင်းပြောကြားပြီး ဒေသခံပြည်သူများ လိုအပ်သည့်ဖွံ့ဖြိုးရေး စီမံကိန်းများကို ဆွေးနွေးတင်ပြကြရာ ဌာနဆိုင်ရာ တာဝန်ရှိသူများ က ကဏ္ဍအလိုက် ရေတိုနှင့် ရေရှည်ဖြည့်ဆည်း ဆောင်ရွက်ပေးနိုင် မည့် အခြေအနေများကို ပေါင်းစပ်ညှိနှိုင်း စီစဉ်ပေးကြသည်။
ထို့နောက် ရခိုင်ပြည်နယ် အစိုးရအဖွဲ့က လတ်တလောလိုအပ်သည့် ကွေ့ချောင်းဆည်အတွက် ငွေကျပ်ကျပ်သိန်း ၅၀ နှင့် ကျေးရွာ စာကြည့်တိုက်အတွက် ငွေကျပ်ကျပ် ၁၀ သိန်းတို့အား ကျေးရွာ တာဝန်ရှိသူများထံ ပေးအပ်သည်။
ညနေပိုင်းတွင် ပြည်နယ်ဝန်ကြီးချုပ်သည် ဂျပန်နိုင်ငံအစိုးရ၏ ထောက်ပံ့ကူညီမှုဖြင့် ရခိုင်ပြည်နယ်အစိုးရနှင့် ကုလသမဂ္ဂ ဖွံ့ဖြိုးမှုအစီအစဉ် (UNDP-Myanmar) တို့ ပူးပေါင်းအကောင် အထည်ဖော် ဆောင်ရွက်ခဲ့သည့် အကျယ် ပေ ၂၀၊ အရှည် သုံးမိုင်ခွဲကျော် ရှည်လျားသည့် တောင်ကုတ်မြို့နယ် မောင်းကန်-မိုးတိမ်ပြင်ကျေးရွာချင်းဆက် မြေသားလမ်းဖွင့်ပွဲ အခမ်းအနားကို တက်ရောက်ဖွင့်လှစ်ပေးပြီး ဒေသခံများနှင့် တွေ့ဆုံသည်။
အခမ်းအနားတွင် ပြည်နယ်ဝန်ကြီးချုပ်၊ မြန်မာနိုင်ငံဆိုင်ရာ ဂျပန်နိုင်ငံသံရုံး၏ သံမှူးနှင့် စီးပွားရေးဖွံ့ဖြိုးတိုးတက်ရေး ဌာနမှူး မစ္စတာကာဇူယူ ကီတာကီမီ၊ ကုလသမဂ္ဂဖွံ့ဖြိုးမှုအစီအစဉ် (UNDP-Myanmar) ၏ ဌာနေကိုယ်စားလှယ် မစ္စတာပီတာဘတ်ချလာတို့က အမှာစကားပြောကြားကြသည်။
ယင်းနောက် ခိုင်ရာဇာထွန်းကုမ္ပဏီက ယင်းမြေသားလမ်းအား ကျေးလက်လမ်း ဖွံ့ဖြိုးရေးဦးစီးဌာနသို့ လွှဲပြောင်းပေးအပ်ပြီး လမ်းသစ်ကို မော်တော်ယာဉ်များဖြင့် ဖြတ်သန်းကြည့်ရှုကြသည်။
ပြည်နယ်ဝန်ကြီးချုပ်သည် ယနေ့နံနက်ပိုင်းတွင် ဂွမြို့နယ် ကမ်းသာယာကျေးရွာ မင်္ဂလာခန်းမ၌ ကျင်းပသည့် ဂျပန်နိုင်ငံ အစိုးရ၏ ထောက်ပံ့ကူညီမှုဖြင့် ရခိုင်ပြည်နယ်အစိုးရနှင့် ကုလသမဂ္ဂ ဖွံ့ဖြိုးမှုအစီအစဉ် (UNDP-Myanmar) တို့ ပူးပေါင်းအကောင် အထည်ဖော် ဆောင်ရွက်ခဲ့သည့် ကမ်းသာယာဆည်မှ ပိုက်လိုင်းသွယ်တန်း ရေပေးဝေခြင်းလုပ်ငန်း ဖွင့်ပွဲအခမ်းအနားသို့ တက်ရောက်အမှာစကား ပြောကြားသည်။
ယင်းနောက် မြန်မာနိုင်ငံဆိုင်ရာ ဂျပန်နိုင်ငံသံရုံး၏သံမှူးနှင့် စီးပွားရေးဖွံ့ဖြိုးတိုးတက်ရေးဌာနမှူး မစ္စတာ ကာဇူယူကီတာကီမီက ကုလသမဂ္ဂ ဖွံ့ဖြိုးမှု အစီအစဉ် (UNDP-Myanmar) ၏ ဌာနေ ကိုယ်စားလှယ် မစ္စတာပီတာဘတ်ချလာက လှူဒါန်းရခြင်း အကြောင်းနှင့် စပ်လျဉ်း၍ရှင်းလင်း ပြောကြားကြသည်။
ယင်းနောက် နည်းပညာရောင်ခြည်များကုမ္ပဏီက ကျေးလက်ဒေသ ဖွံ့ဖြိုး တိုးတက်ရေးဦးစီးဌာနသို့ ရေသွယ်ယူရေး လုပ်ငန်းသစ်အား လွှဲပြောင်းပေးအပ်သည်။
ထို့နောက် ပြည်နယ်ဝန်ကြီးချုပ်နှင့် ဝန်ကြီးများ၊ အလှူရှင်များက ကမ်းသာယာဆည်မှ ဆပ်သွားတိုက်နယ် ဆေးရုံနှင့် ပတ်ဝန်းကျင်ရှိ ကျေးရွာ လေးရွာဖြစ်သည့် ကမ်းသာယာ၊ သံခဲချိုင်၊ ဇီးကုန်း၊ ဂျိုင်ကောက်ရွာများသို့ ရေပိုက်လိုင်း သွယ်တန်းပေးဝေခြင်းလုပ်ငန်း မုခ်ဦး၊ ကမ္ပည်းနှင့်ရေဘားတို့ကို ဖွင့်လှစ်ပေးပြီး ရေရရှိမှု အခြေအနေများကို ကြည့်ရှုကြသည်။
သတင်းစဉ်
No comments:
Post a Comment