ပြည်ထောင်စုဝန်ကြီး ဦးအုန်းဝင်းအား သြစတြေးလျ နိုင်ငံအခြေစိုက် FOUR PAWS International မှ Country Director နှင့်အဖွဲ့လာရောက်တွေ့ဆုံ

နေပြည်တော် ဧပြီ ၁၀

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန ပြည်ထောင်စုဝန်ကြီး ဦးအုန်းဝင်းအား သြစတြေးလျ နိုင်ငံအခြေစိုက် FOUR PAWS International ၏ Country Director , Ms. Marina Ivanova ၊ Senior Project Manager , Mr. Mahdi Quatrameez တို့သည် ယနေ့ နံနက် ၉ နာရီခွဲ တွင်ပြည်ထောင်စုဝန်ကြီးဧည့်ခန်းမ၌ လာရောက်တွေ့ ဆုံဆွေးနွေးသည်။

တွေ့ဆုံစဉ် ဆင်များထိန်းသိမ်းစောင့်ရှောက်နိုင်ရန်အတွက် ပဲခူးတိုင်းဒေသကြီး၊ ရဲနွယ်ကြိုးဝိုင်းတောအတွင်း နိုင်ငံတကာ အဆင့်မီ ဆင်စခန်းတည်ထောင်နိုင်ရေး အဆောက်အဦဆောက်လုပ်မည့် လုပ်ငန်းများနှင့် စတင် ဆောင်ရွက်ရန် အစီအမံ များ၊ ရန်ကုန်မြို့ မင်းဓမ္မကုန်းမြေရှိ ရတနာဆင်ဖြူတော် ဥယျာဉ်အဆင့်မြှင့်တင်ရေးလုပ်ငန်း ဆောင်ရွက်မည့်အခြေအနေ များ၊ အမိမဲ့ဆင်ငယ်လေးများ ထိန်းသိမ်းစောင့်ရှောက်ရေး အတွက် ဆက်လက်ဆောင်ရွက်မည့် လုပ်ငန်းများနှင့် စပ်လျဉ်း၍ ညှိနှိုင်း ဆွေးနွေး ကြကြောင်း သိရသည်။

(သတင်းစဉ်)