တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် Burya Tiya ပြည်နယ်ဝန်ကြီးချုပ်က တည်ခင်းဧည့်ခံသည့် အလုပ်သဘော ညစာစားပွဲ တက်ရောက်၊ ရဟတ်ယာဉ်များ တပ်ဆင်ထုတ်လုပ်နေမှု ကြည့်ရှုလေ့လာ

နေပြည်တော် ဧပြီ ၂၁

ရုရှားဖက်ဒရေးရှင်းနိုင်ငံ ကာကွယ်ရေးဝန်ကြီး Army General Sergey Kuzhugetovich Shouigu နှင့် ရုရှား-မြန်မာစစ် ဘက်နည်းပညာ ပူးပေါင်းဆောင်ရွက်ရေး ကော်မတီ၏ ဖိတ်ကြားချက်အရ ရုရှားဖက်ဒရေးရှင်းနိုင်ငံ အူလန်အူဒယ်မြို့၌ ချစ်ကြည်ရေးခရီးရောက်ရှိနေသည့် တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့်အဖွဲ့သည် ဧပြီ ၂၀ ရက် ညနေပိုင်းတွင် ULAN-UDE Aviation Plant ၌ ရဟတ်ယာဉ်များ ထုတ်လုပ်နေမှုအခြေ အနေအား သွားရောက်ကြည့်ရှုလေ့ လာကြသည်။

တပ်မတော်ကာကွယ်ရေးဦးစီးချုပ်နှင့်အဖွဲ့သည် စက်ရုံ အတွင်း ရဟတ်ယာဉ်များ တပ်ဆင် ထုတ်လုပ်နေမှု အခြေအနေ များကို လှည့်လည်ကြည့်ရှုပြီး စက်ရုံမှထုတ်လုပ်သည့် Mi 171 ရဟတ် ယာဉ်ဖြင့် လိုက်ပါစီးနင်း၍ အူလန်အူဒယ်မြို့ ရှုခင်း များအား ကြည့်ရှုကြသည်။

ထို့နောက် တပ်မတော်ကာကွယ်ရေးဦးစီးချုပ်နှင့်အဖွဲ့ သည် စုပေါင်းဓာတ်ပုံရိုက်ကြပြီး ULAN-UDE Aviation Plantအတွင်းရှိ သင်တန်းခန်းမများအတွင်း လှည့်လည်ကြည့် ရှုလေ့လာကြသည်။

ယင်းနောက် တပ်မတော်ကာကွယ်ရေးဦးစီးချုပ်နှင့် အဖွဲ့ဝင်များ သည်Burya Tiya ပြည်နယ်ဝန်ကြီးချုပ် Mr.Aleksey Sambuevich Tsidenov က တည်ခင်း ဧည့်ခံသည့် အလုပ်သဘော ညစာစားပွဲ အခမ်းအနားသို့ တက်ရောက်ကြသည်။

Burya Tiya ပြည်နယ်သည် စက်မှုလက်မှုလုပ်ငန်း များ ထွန်းကားပြီး လေယာဉ်၊ ရဟတ်ယာဉ်များအား အစအဆုံး ထုတ်လုပ်နိုင်သည့် စက်ရုံအလုပ်ရုံများတည်ရှိသည့် စက်မှု လုပ်ငန်းထွန်းကားသည့် ပြည်နယ်တစ်ခုဖြစ်သည်။ ရုရှားနိုင်ငံတွင် ဗုဒ္ဓဘာသာ ကိုးကွယ်မှု ငါးရာခိုင်နှုန်းခန့်ရှိပြီး အဆိုပါ ပြည်နယ် အတွင်း လူဦးရေ ကိုးသိန်းရှစ်သောင်းကျော် နေထိုင်ကာ ဗုဒ္ဓဘာသာကိုးကွယ်မှု ၃၀ ရာခိုင်နှုန်းခန့်ရှိ သဖြင့် ရုရှားနိုင်ငံတွင် ဗုဒ္ဓဘာသာကိုးကွယ်မှု အများဆုံးပြည်နယ်တစ်ခု ဖြစ်ကြောင်း သိရှိရသည်။

တပ်မတော်ကာကွယ်ရေးဦးစီးချုပ်နှင့်အဖွဲ့သည် ယနေ့ နံနက်ပိုင်းတွင် အူလန်အူဒယ်ဘူတာမှနေ၍ အီကုခ်မြို့သို့ အမြန်ရထားဖြင့် လိုက်ပါစီးနင်းကြပြီး ကမ္ဘာ့ အနက်ဆုံးနှင့် အကြီးဆုံးရေချိုရေကန် Baikal ၏ သဘာဝပတ်ဝန်းကျင် နှင့် နယ်မြေဒေသအခြေအနေများအား ကြည့်ရှုလေ့လာ သည်။

အဆိုပါ Baikal ရေကန်သည် ရုရှားနိုင်ငံ အရှေ့ဆိုက်ဘေးရီးယား၏ အရှေ့ဘက်Burya Tiya ပြည်နယ် နှင့် Irkutsk ဒေသနှစ်ခု အကြားတွင် တည်ရှိပြီး ကမ္ဘာ့ အနက်ဆုံးနှင့်အကြီးဆုံး ရေချိုရေကန်တစ်ခုဖြစ်ကာ အလျား ၆၃၆ ကီလိုမီတာ၊ အနံ ၇၉ ဒသမ ၅ ကီလိုမီတာ စုစုပေါင်းအကျယ် ၃၁၇၂၂ စတုရန်း ကီလိုမီတာကျယ်ဝန်းပြီး အနက်ဆုံးနေရာမှာ ၁၆၄၂ မီတာထိ ရှိသည်။ ဆောင်းရာသီ ကာလတွင် အပေါ်ယံရေမျက်နှာပြင်ထု ၃ မီတာခန့်အထိ ရေခဲများဖြစ်ပေါ် လျက်ရှိပြီး ကန်၏ပတ်လည်ရှိ သဘာဝသစ်တောများအား သဘာဝပတ်ဝန်းကျင် ထိန်းသိမ်း ရေးအတွက် ထိန်းသိမ်းထားရှိကြောင်း တပ်မတော်ကာကွယ်ရေး ဦးစီးချုပ်ရုံး၏ သတင်း ထုတ်ပြန်ချက် အရသိရသည်။

သတင်းစဉ်
ဓာတ်ပုံ- တပ်မတော်ကာကွယ်ရေးဦးစီးချုပ်ရုံး