နေပြည်တော်၊ ဖေဖော်ဝါရီ၊ ၁၉
ပြည်ထောင်စုသမ္မတ မြန်မာနိုင်ငံတော်အစိုးရနှင့်
ကုလသမဂ္ဂစားနပ်ရိက္ခာနှင့် စိုက်ပျိုး ရေးအဖွဲ့ (FAO) တို့ ပူးပေါင်းဆောင် ရွက်မည့် နိုင်ငံဆိုင်ရာအစီအစဉ်မူဘောင်(Country
Programming Framework-CPF) လက်မှတ်ရေးထိုးပွဲကို ယနေ့နံနက် ၉ နာရီတွင် နေပြည်တော်ရှိ
Kempinski Hotel ၌ကျင်းပ သည်။
အစီအစဉ်အရ နိုင်ငံဆိုင်ရာအစီအစဉ်မူဘောင်ကို
ရင်းနှီးမြှုပ်နှံမှုနှင့် နိုင်ငံခြားစီးပွား ဆက်သွယ်ရေး ဝန်ကြီးဌာန နိုင်ငံခြား စီးပွားဆက်သွယ်ရေးဦးစီးဌာန
ညွှန်ကြားရေးမှူးချုပ် ဦးသန်းအောင်ကျော်နှင့် မြန်မာနိုင်ငံဆိုင်ရာ FAO ကိုယ်စားလှယ်
Ms. Xiaojie Fan တို့က စီမံကိန်းနှင့် ဘဏ္ဍာရေးဝန်ကြီးဌာန ဒုတိယဝန်ကြီး ဦးဆက်အောင်နှင့်
FAO လက်ထောက် ညွှန်ကြားရေးမှူးချုပ်နှင့် အာရှနှင့် ပစိဖိတ် ဒေသဆိုင်ရာ ညွှန်ကြားရေးမှူးဖြစ်သူ
Ms. Kundhavi Kadiresan တို့ရှေ့မှောက် ၌ လက်မှတ်ရေး ထိုးကြသည်။
အဆိုပါ နိုင်ငံဆိုင်ရာအစီအစဉ်မူဘောင်ကို
ခန့်မှန်းရန်ပုံငွေ အမေရိကန်ဒေါ်လာ ၇၁ ဒသမ ၇၅ သန်းဖြင့် စားနပ်ရိက္ခာ ဖူလုံရေး၊ အာဟာရပြည့်ဝရေး၊
အစားအသောက် ဘေးအန္တရာယ်ကင်းရှင်းရေး၊ မြေယာ၊ သစ်တော၊ ရေအရင်းအမြစ်နှင့် ဂေဟစနစ်ဆိုင်ရာ
အုပ်ချုပ်မှုအားကောင်းရေးနှင့် ရေရှည်စီမံခန့်ခွဲရေး၊ ဒေသခံလူထုနှင့် လယ်ယာလုပ်ငန်းလုပ်ကိုင်သူ
အိမ်ထောင်စုများအတွက် သဘာဝဘေး၊ ရာသီဥတု ပြောင်းလဲမှု၊ အပင်နှင့် တိရစ္ဆာန် ကူးစက် ရောဂါကျရောက်မှုများအပေါ်
ကြံ့ကြံ့ခံနိုင်မှု တိုးမြှင့်ရေး ဆိုင်ရာ လုပ်ငန်းစီမံချက်များတွင် သက်ဆိုင်ရာဝန်ကြီးဌာနများနှင့်
ပူးပေါင်းအကောင်အထည်ဖော် ဆောင်ရွက်သွားမည်ဖြစ်ကြောင်း သိရှိရသည်။
(သတင်းစဉ်)
No comments:
Post a Comment