ဒုတိယအကြိမ် ပြည်ထောင်စုလွှတ်တော် (၁၁)ကြိမ်မြောက် ပုံမှန် အစည်းအဝေးအဋ္ဌမနေ့ ကျင်းပ

နေပြည်တော် ဖေဖော်ဝါရီ ၁၉

ဒုတိယအကြိမ် ပြည်ထောင်စုလွှတ်တော် (၁၁)ကြိမ်မြောက်ပုံမှန်အစည်းအဝေး အဋ္ဌမနေ့ကို ယနေ့ နံနက် ၁၀နာရီတွင် နေပြည်တော်ရှိ ပြည်ထောင်စုလွှတ်တော် အစည်းအဝေးခန်းမ ၌ ကျင်းပသည်။

အစည်းအဝေးတွင် ပြည်ထောင်စုလွှတ်တော် ဒုတိယနာယက ဦးထွန်းထွန်းဟိန် က ပြည်ထောင်စု သမ္မတမြန်မာနိုင်ငံတော် ဖွဲ့စည်းပုံအခြေခံဥပဒေ (၂၀၀၈ ခုနှစ်) ပြင် ဆင်ရေးပူးပေါင်းကော်မတီ ဖွဲ့စည်းတာဝန်ပေးအပ်ရန် ဆောင်ရွက်ထားမှုနှင့် စပ်လျဉ်း၍ လွှတ်တော်သို့ ရှင်းလင်း တင်ပြရာတွင် ပထမအကြိမ် ပြည်ထောင်စု လွှတ်တော် သက်တမ်းတွင် ဖွဲ့စည်းပုံ အခြေခံဥပဒေ လေ့လာသုံးသပ်ရေး ပူးပေါင်းကော်မတီကို အဖွဲ့ဝင် (၁၀၉)ဦးဖြင့် ဖွဲ့စည်းဆောင်ရွက်ခဲ့ရာတွင် ယင်းကော်မတီတွင် ပါဝင်သည့် ကိုယ်စားလှယ်ဦးရေ များပြားလွန်းခြင်း၊ ဖွဲ့စည်းပုံအခြေခံဥပဒေပြင်ဆင်နိုင်ရေး အကောင် အထည်ဖော်မှုကော်မတီကို အဖွဲ့ဝင် (၃၁)ဦးဖြင့် ထပ်ဆင့်ဖွဲ့စည်းခဲ့ရာတွင် ယင်းကော် မတီတွင် ပါဝင်သည့် ကိုယ်စားလှယ် ဦးရေ နည်းပါးခြင်းတို့ကြောင့် လုပ်ငန်းဆောင်ရွက်မှုများ နှောင့်နှေးကြန့်ကြာ ခဲ့ရပြီး ပထမအကြိမ် လွှတ်တော်သက်တမ်းတွင် ဖွဲ့စည်းပုံ အခြေခံဥပဒေပြင်ဆင်ရေး လုပ်ငန်းဆောင် ရွက်မှုများကို အရေးကြီးအဆိုတင်သွင်း သည်မှ ပြည်လုံးကျွတ် ဆန္ဒခံယူပွဲ ဥပဒေ အတည်ပြုသည်အထိ (၂၂)လတိုင်တိုင် အချိန်ကြာမြင့်စွာ ဆောင်ရွက်ခဲ့ကြောင်းကို လေ့လာတွေ့ရှိ ခဲ့ရပါကြောင်း။

ထို့ကြောင့် ယခုတစ်ကြိမ်တွင် မနည်းလွန်းမများလွန်းသော ကိုယ်စားလှယ် အရေအတွက်ဖြစ်သည့် ၄၅ ဦးဖြင့် ဖွဲ့စည်း ဆောင်ရွက်သွားမည်ဖြစ်ပါကြောင်း၊ ပူးပေါင်းကော်မတီဖွဲ့စည်းရေးအတွက် ပြည်ထောင်စု လွှတ်တော်အတွင်းရှိ နိုင်ငံရေး ပါတီ(၁၄)ခုနှင့် တပ်မတော်သားလွှတ်တော်ကိုယ်စားလှယ်များ အစု အဖွဲ့အသီးသီးက တာဝန်ခံများနှင့် ပြည်ထောင်စု လွှတ်တော်နာယက၊ အမျိုးသားလွှတ်တော် ဥက္ကဋ္ဌ နှင့်အတူ အစည်းအဝေးများ ကျင်းပခဲ့ပါကြောင်း၊ ပူးပေါင်းကော်မတီတွင် ပါဝင် မည့် ပြည်ထောင်စု လွှတ်တော်အတွင်းရှိ နိုင်ငံရေးပါတီ (၁၄)ခု၊ တပ်မတော်သား လွှတ်တော် ကိုယ်စားလှယ်များ အစုအဖွဲ့နှင့် တစ်သီးပုဂ္ဂလကိုယ်စားလှယ် များအနေဖြင့် သက်ဆိုင်ရာပါတီ၊ အစုအဖွဲ့ကိုယ်စားပြု ကိုယ်စား လှယ်များ၏ အမည်စာရင်းများကို ၂၀၁၉ခုနှစ် ဖေဖော်ဝါရီ ၁၄ ရက် ညနေ ၄ နာရီ အချိန်နောက်ဆုံး ထား၍ နာယကထံပေးပို့နိုင်ရန် ပြည်ထောင်စုလွှတ်တော်ရုံးမှ ရုံးတွင်းစာများ ထုတ်ပြန်အကြောင်းကြားခဲ့သည်ကို တင်ပြအပ်ပါကြောင်း။

ပူးပေါင်းကော်မတီကို ကော်မတီဝင် ၄၅ဦးဖြင့် ဖွဲ့စည်းဆောင်ရွက်သည့်နေရာ တွင် ဒုတိယနာယက သည် ရာထူးအလျောက် ပူးပေါင်းကော်မတီဥက္ကဋ္ဌအဖြစ် တာဝန် ပေးအပ်ခြင်း ခံရသည့်အတွက် ပြည်သူ့လွှတ်တော်မှ ပါဝင်ဖွဲ့စည်းမည့် ကိုယ်စား လှယ် အရေအတွက်တွင် ဒုတိယနာယကကို ထည့်သွင်းရေတွက်ခြင်း မပြုပါကြောင်းကို တင်ပြ အပ်ပါကြောင်း၊ ပူးပေါင်းကော်မတီတွင် ပြည်သူ့ လွှတ်တော် ကိုယ်စားလှယ် (၂၂)ဦး၊ ရာထူးအလျောက် ပူးပေါင်းကော်မတီ၏ ဒုတိယဥက္ကဋ္ဌအဖြစ် ဆောင်ရွက်မည့် အမျိုး သားလွှတ်တော် ဒုတိယဥက္ကဋ္ဌနှင့် အမျိုးသားလွှတ်တော် ကိုယ်စားလှယ် (၂၁)ဦး စုစုပေါင်း ၄၄ ဦး ပါဝင်ဖွဲ့စည်းမည်ဖြစ်ပါကြောင်း။

ဒုတိယအကြိမ် ပြည်ထောင်စုလွှတ်တော်တွင် နိုင်ငံရေးပါတီ ၁၄ ခုကို ကိုယ်စား ပြုသည့် လွှတ်တော် ကိုယ်စားလှယ်များ စုစုပေါင်း ၄၈၆ ဦး၊ တစ်သီးပုဂ္ဂလကိုယ်စား လှယ် ၅ ဦး၊ တပ်မတော်သား ကိုယ်စားလှယ် ၁၆၆ ဦး စုစုပေါင်း ၆၅၇ ဦး ရှိကြောင်းကို တင်ပြလိုပါကြောင်း။

ကိုယ်စားလှယ်ဦးရေ ၁၀ ဦးအထက်ပါဝင်သည့် နိုင်ငံရေးပါတီများနှင့် တပ်မတော်သား ကိုယ်စားလှယ် အစုအဖွဲ့အတွက် အချိုးကျအရေအတွက် သတ်မှတ် ဖွဲ့စည်းထားပါကြောင်းနှင့် ကိုယ်စားလှယ်ဦးရေ ၁ ဦးမှ ၅ ဦးအထိ ပါဝင်သည့် နိုင်ငံရေး ပါတီများအတွက် တစ်ဦးကျစီ ဖွဲ့စည်းထားပါကြောင်းကို တင်ပြအပ်ပါကြောင်း၊ ယခုကဲ့သို့ဆောင်ရွက်ခြင်းသည် ကိုယ်စားလှယ်အရေအတွက် ပါဝင်မှုနည်းပါး သည့် နိုင်ငံရေးပါတီများအနေဖြင့် ဖွဲ့စည်းပုံအခြေခံဥပဒေပြင်ဆင်ခြင်း၊ ဖွဲ့စည်းပုံအခြေခံ ဥပဒေပြင်ဆင်သည့် ဥပဒေကြမ်းရေးဆွဲပြုစုခြင်းလုပ်ငန်းစဉ်များတွင် ပါတီကြီးများနည်းတူ ပါဝင်ဆောင်ရွက်ခွင့် ရရှိနိုင်ရန်အတွက် ဖြစ်ပါကြောင်း။

ပူးပေါင်းကော်မတီ၏ ဥက္ကဋ္ဌအဖြစ် ဆောင်ရွက်မည့် ဒုတိယနာယကမှအပ ပူးပေါင်းကော်မတီဝင် ၄၅ ဦးအနက် ကော်မတီဝင် ၄၄ ဦးကျန်ရှိကြောင်း တင်ပြခဲ့ပြီး ဖြစ်ပါကြောင်း၊ ဒုတိယအကြိမ် ပြည်ထောင်စု လွှတ်တော်တွင် ကိုယ်စားလှယ်ဦးရေ ၁ ဦးမှ ၅ ဦးအထိပါဝင်သည့် နိုင်ငံရေးပါတီ ၁၀ ခု ရှိသည့် အတွက် ၄င်းပါတီများအတွက် ပါတီတစ်ခုလျှင် တစ်ဦးကျစီဖြင့် စုစုပေါင်း ၁၀ ဦး၊ တစ်သီးပုဂ္ဂလ ကိုယ်စားလှယ် ၁ ဦး၊ ရာထူးအလျောက် အမျိုးသားလွှတ်တော် ဒုတိယဥက္ကဋ္ဌ ၁ ဦးအပါအ၀င် စုစုပေါင်း ၁၂ ဦးကို ၄၄ ဦးထဲမှ နှုတ်လိုက်သည့်အခါ ပူးပေါင်းကော်မတီဝင် ၃၂ ဦးဖြည့်စွက်ရန် ကျန်ရှိကြောင်းကို တင်ပြအပ်ပါကြောင်း။

ကျန်ရှိသည့် ပူးပေါင်းကော်မတီဝင် ၃၂ ဦးအတွက် ပြည်ထောင်စုလွှတ်တော် အတွင်း ကိုယ်စားလှယ် ၁၀ဦးအထက်ပါဝင်သည့် ပါတီနှင့် တပ်မတော်သားကိုယ်စား လှယ်အစုအဖွဲ့တို့အတွက် အချိုးကျတွက်ချက် ဖွဲ့စည်းထားပါကြောင်း၊ အချိုးအစားနှင့် တွက်ချက်ရာတွင် ဒသမဂဏန်းများ ပါရှိနေသည့် အတွက် ပူးပေါင်းကော်မတီဝင် ၁ ဦး နေရာလိုနေပါကြောင်း၊ ယင်းတစ်နေရာကို ရှမ်းအမျိုးသား ဒီမိုကရေစီအဖွဲ့ချုပ်မှ ကိုယ်စားပြု ကိုယ်စားလှယ်တစ်ဦးကို ထည့်သွင်းဖွဲ့စည်းထားပါကြောင်း၊ ထို့ကြောင့် ရှမ်းအမျိုးသားဒီမိုကရေစီအဖွဲ့ချုပ်အနေဖြင့် ပူးပေါင်းကော်မတီ ၀င်နှစ်ဦး ပါဝင်ခွင့် ရရှိပါ ကြောင်း၊ အမျိုးသားလွှတ်တော် ဒုတိယဥက္ကဋ္ဌအနေဖြင့် ရာထူးအလျောက် ပါဝင်ခွင့် ရရှိထားသည့်အတွက် ရခိုင်အမျိုးသားပါတီက ပြည်သူ့လွှတ်တော် ကိုယ်စားလှယ် တစ်ဦး၊ အမျိုးသားလွှတ်တော် ကိုယ်စား လှယ်တစ်ဦး စုစုပေါင်းလွှတ်တော်ကိုယ်စား လှယ်နှစ်ဦး အမည်စာရင်းပေးပို့လာသည့်အတွက် အမျိုးသားဒီမိုကရေစီအဖွဲ့ချုပ်မှ အချိုး အစားအရ ရရှိထားသည့် ပူးပေါင်းကော်မတီဝင် ၁၉ ဦးအစား ၁၈ ဦးဖြင့်သာ ထည့်သွင်း ဖွဲ့စည်းထားပါကြောင်း။

ပါတီများမှ ကိုယ်စားပြုကော်မတီဝင်များကို ထည့်သွင်းဖွဲ့စည်းရာတွင် (၁)ဦး ထက် အမည်စာရင်း ပိုမို တင်သွင်းပိုင်ခွင့်ရှိ သည့် နိုင်ငံရေးပါတီများနှင့် တပ်မတော်သား ကိုယ်စားလှယ်အစုအဖွဲ့တို့မှ ကိုယ်စားပြု ကော်မတီဝင်များကို ပူးပေါင်းကော် မတီဖြစ် သည့်အတွက် ပြည်သူ့လွှတ်တော်နှင့် အမျိုးသားလွှတ်တော် (၂)ရပ်မှ တူညီသည့် အရေ အတွက်ဖြင့် ထည့်သွင်း ဖွဲ့စည်းထားပါကြောင်း။

ပူးပေါင်းကော်မတီ၏ အတွင်းရေးမှူးအဖြစ် ရန်ကုန်တိုင်းဒေသကြီး၊ မဲဆန္ဒနယ် အမှတ် (၃)မှ အမျိုးသား လွှတ်တော် ကိုယ်စားလှယ် ဒေါက်တာမြတ်ဉာဏစိုး နှင့် တွဲဖက် အတွင်းရေးမှူးအဖြစ် ဒေါပုံမဲဆန္ဒနယ်မှ ပြည်သူ့လွှတ်တော် ကိုယ်စား လှယ် ဦးဌေးဝင်း အောင် (ခ) ဦးပြုံးချို တို့ကို တာဝန်ပေးအပ်သွားမည ဖြစ်ကြောင်း။

ဦးတည်ချက် (၅)ရပ်၊ တာဝန်(၁၄) ရပ်၊ လုပ်ပိုင်ခွင့် (၆)ရပ်၊ လုပ်ထုံးလုပ်နည်း (၄) ရပ်၊ ရပိုင်ခွင့် (၄)ရပ်တို့ပါရှိပြီး ပူးပေါင်း ကော်မတီ၏သက်တမ်းသည် စတင်ဖွဲ့စည်း သည့်အချိန်မှ အစီရင်ခံစာ တင်သွင်းခြင်း၊ ယင်းအစီရင်ခံစာအပေါ် ပြည်ထောင်စု လွှတ်တော် ကိုယ်စားလှယ်များက ဆွေးနွေးခြင်း၊ လွှတ်တော်၏ အဆုံးအဖြတ် ရယူခြင်း တို့ ဆောင်ရွက်ပြီးမြောက်ပြီးနောက် ဖွဲ့စည်းပုံအခြေခံဥပဒေကို ပြင်ဆင်သည့် ဥပဒေကြမ်းတစ်ရပ်ကို ပြုစုရေးဆွဲ၍ ပြည်ထောင်စုလွှတ်တော်သို့ တင်သွင်းနိုင်ရေး စီစဉ် ဆောင်ရွက်ပြီးသည့် အချိန်အထိဖြစ်သည်ကို တင်ပြပါကြောင်း။

ပူးပေါင်းကော်မတီအနေဖြင့် ဖွဲ့စည်းပုံအခြေခံဥပဒေကို လေ့လာသုံးသပ်ပြီး လွှတ်တော်ကို အစီရင်ခံစာတင်သွင်းရမည် ဖြစ်ပါကြောင်း၊ ယင်းသို့ အစီရင်ခံစာတင်ပြ သည့်အခါ သဘောကွဲလွဲသည့် ပူးပေါင်းကော်မတီဝင်များရှိပါက သဘောမတူ သည့် အချက်များကိုတစ်ပါတည်းပူးတွဲ တင်ပြဆောင်ရွက်ခွင့်ရမည်ဖြစ်ပါကြောင်း။

လွှတ်တော်အတွင်း အစီရင်ခံစာပါအချက်များကို ကျယ်ကျယ်ပြန့်ပြန့် ဆွေးနွေး ပြီးသည့်အခါ လွှတ်တော်၏အတည်ပြုချက် ကို ရယူဆောင်ရွက်ရန် ဖြစ်ပါကြောင်း၊ လွှတ်တော်၏အတည်ပြု ချက်များ အပေါ်တွင် အခြေခံပြီး ပူးပေါင်းကော်မတီ အနေဖြင့် ဖွဲ့စည်းပုံအခြေခံဥပဒေကို ပြင်ဆင်သည့် ဥပဒေမူကြမ်းတစ်ရပ်ကို ဆက်လက် ပြုစုရေးဆွဲသွားမည်ဖြစ်ပါကြောင်း။

ယခုပေါ်ပေါက်လာမည့် ဖွဲ့စည်းပုံအခြေခံဥပဒေကို ပြင်ဆင်သည့် ဥပဒေမူကြမ်းကို ဖွဲ့စည်းပုံအခြေခံ ဥပဒေ အခန်း (၁၂) ပါ ဖွဲ့စည်းပုံအခြေခံဥပဒေပြင်ဆင်ခြင်း ပြဌာန်းချက်များနှင့်အညီ ဆက်လက်ဆောင် ရွက်သွားရန်ကို ရှင်းရှင်းလင်းလင်း တင်ပြ အပ်ပါကြောင်း။

ပူးပေါင်းကော်မတီအနေဖြင့် ဖွဲ့စည်းပုံအခြေခံဥပဒေပြင်ဆင်သည့် ဥပဒေကြမ်း ကို အခြေခံဥပဒေပါ ပြဌာန်းချက်များ ၊ ပြည်ထောင်စုလွှတ်တော်ဆိုင်ရာ ဥပဒေ၊ နည်းဥပဒေပါ ပြဌာန်းချက်များ၊ လုပ်ထုံး လုပ်နည်းများကို ကျော်လွန်ဆောင်ရွက် သွားမည် မဟုတ်ပါကြောင်း၊ ဖွဲ့စည်းပုံအခြေခံဥပဒေရေးဆွဲရေး လုပ်ငန်းစဉ်၏ အဓိက အကျဆုံးဖြစ်သည့် ဖွဲ့စည်းပုံအခြေခံ ဥပဒေပြင်ဆင်သည့် ဥပဒေကြမ်းတစ်ရပ် ပေါ်ပေါက်လာရေးကိုသာ ဦးတည်ဆောင်ရွက် သွားမည်ဖြစ်ကြောင်း၊ ဖွဲ့စည်းပုံ အခြေခံ ဥပဒေကို ဖြတ်လမ်းနည်းနှင့် ပြင်ဆင်ရန် ကြိုးပမ်းဆောင်ရွက်မည်မဟုတ်ပါကြောင်း၊ တစ်ပါတီ၊ တစ်စုတစ်ဖွဲ့မှ ဆောင်ရွက်ခြင်းထက် ပြည်သူ့ဆန္ဒအစစ်အမှန်နှင့် ကိုက်ညီသည့် ပြင်ဆင်ရေးလုပ်ငန်းများကို အားလုံး အတူတကွ ပူးပေါင်းပါဝင် ဆောင်ရွက်နိုင်ရန် အားထုတ်ကြိုးပမ်းဆောင်ရွက်သွား မည်ဖြစ်ကြောင်းကို လေးနက်စွာ တင်ပြလိုပါကြောင်း။

ယခုအချိန်အထိ အမျိုးသားဒီမိုကရေစီအဖွဲ့ချုပ်မှ ကိုယ်စားလှယ်(၁၈)ဦး၊ ရခိုင် အမျိုးသားပါတီမှ ကိုယ် စားလှယ် (၂)ဦး၊ ရှမ်းတိုင်းရင်းသားများ ဒီမိုကရေစီအဖွဲ့ ချုပ်ပါတီမှ ကိုယ်စားလှယ်(၂)ဦး၊ တအာင်း (ပလောင်) အမျိုးသားပါတီ၊ ဇိုမီးဒီမို ကရေစီ အဖွဲ့ ချုပ်၊ ပအိုဝ်းအမျိုးသားအဖွဲ့ချုပ်၊ လီဆူ အမျိုးသား ဖွံ့ဖြိုးတိုးတက်ရေးပါတီ (ဒူး လေး ပါတီ)၊ ကချင်ပြည်နယ် ဒီမိုကရေစီ ပါတီ၊ ကိုးကန့် ဒီမိုကရေစီနှင့် ညီညွတ်ရေး ပါတီ၊ တိုင်း ရင်းသားစည်းလုံးညီညွတ်ရေးပါတီ၊ မွန်အမျိုးသားပါတီ၊ “ ၀” ဒီမိုကရက်တစ် ပါတီ၊ အမျိုးသားညီညွတ်သော ဒီမိုကရက်တစ်ပါတီတို့မှ ကိုယ်စား လှယ်(၁)ဦးစီ စုစုပေါင်း နိုင်ငံရေး ပါတီ (၁၃) ခုနှင့် တစ်သီးပုဂ္ဂလကိုယ်စားလှယ် တစ်ဦးတို့၏ အမည်စာရင်းပေး ပို့ခဲ့ပြီးဖြစ်သည့်အတွက် ယင်းကိုယ်စားလှယ်များ၏ အမည်စာရင်းများကို ပူးပေါင်း ကော်မတီတွင် ပါဝင်ဖွဲ့စည်းပြီးဖြစ်ပါကြောင်း။

လွှတ်တော်ကိုယ်စားလှယ်များထံ ဖြန့်ဝေထားတဲ့ ဖွဲ့စည်းခြင်း အမိန့်ကြော်ငြာစာ မူကြမ်းတွင် ပါရှိသည့် အမျိုးသား ဒီမိုကရေစီအဖွဲ့ချုပ် ကိုယ်စားပြု တနင်္သာရီတိုင်းဒေ သကြီး မဲဆန္ဒနယ်အမှတ် (၈) မှ အမျိုးသားလွှတ်တော် ကိုယ်စားလှယ် ဦးဥက္ကာမင်း အနေ ဖြင့် ပူးပေါင်းကော်မတီတွင် ပါဝင်ခြင်း မရှိတော့ပါကြောင်းနှင့် ရခိုင်အမျိုးသားပါတီကိုယ် စားပြု ပေါက်တောမဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဦးအောင်ကျော်ဇံ၊ ရခိုင်ပြည်နယ် မဲဆန္ဒနယ်အမှတ် (၅)မှ အမျိုးသားလွှတ်တော် ကိုယ်စားလှယ် ဦးမြင့်နိုင်၊ တစ်သီးပုဂ္ဂလ အမျိုးသားလွှတ်တော်ကိုယ်စားလှယ်ဖြစ်သည့် မကွေးတိုင်း ဒေသကြီး မဲဆန္ဒနယ်အမှတ် (၅)မှ ဦးတင်အောင်ထွန်းတို့ကို ပါဝင်ဖွဲ့စည်းပြီး ဖြစ်ပါကြောင်း။

ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီနှင့် တပ်မတော်သားလွှတ်တော်ကိုယ် စားလှယ်များ အစုအဖွဲ့တို့မှ အမည်စာရင်း ပေးပို့လာခြင်း မရှိသေးသည့်အတွက် အမှတ်စဉ်အလိုက် နေရာများချန်လှပ် ဖွဲ့စည်းထားပါကြောင်း။

ဖွဲ့စည်းပုံအခြေခံဥပဒေပြင်ဆင်ရေးပူးပေါင်းကော်မတီကို ဖွဲ့စည်းတာဝန်ပေး အပ်ရန် ဆောင်ရွက်ထား ရှိမှု အခြေအနေများ ပူးပေါင်းကော်မတီဖွဲ့စည်းခြင်း၊ ဦးတည်ချက်၊ တာဝန်များ၊ လုပ်ပိုင်ခွင့်များ၊ လုပ်ထုံးလုပ်နည်းများ၊ ရပိုင်ခွင့်များနှင့် သက်တမ်း သတ်မှတ်ခြင်းတို့ကို ရှင်းလင်းတင်ပြခဲ့ပြီးဖြစ် ကြောင်း။

ပူးပေါင်းကော်မတီကို All Inclusive အားလုံးပူးပေါင်း ပါဝင်ဆောင်ရွက်နိုင်ရန် ရည်ရွယ်ပြီး ဖွဲ့စည်းခဲ့ခြင်းဖြစ်ပါကြောင်း၊ ဖွဲ့စည်းပုံအခြေခံဥပဒေပါ ပြဋ္ဌာန်းချက်များ၊ လွှတ်တော်ဆိုင်ရာ ဥပဒေ၊ နည်းဥပဒေ၊ လုပ်ထုံးလုပ်နည်းများနှင့်အညီ ဆောင်ရွက်သွား မည်ဖြစ် ကြောင်းကိုလည်း တစ်ပါတည်း အလေးအနက်ပြု တင်ပြအပ်ပါကြောင်း။

သို့ဖြစ်ပါ၍ “ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေ ၂၀၀၈ခုနှစ်၊ ပြင်ဆင်ရေး ပူးပေါင်းကော်မတီ” ဖွဲ့စည်းတာဝန်ပေးအပ်ခြင်း အမိန့်ကြော် ငြာစာ မူကြမ်းကိုလည်း လွှတ်တော်ကိုယ် စားလှယ်များအားလုံးကို ဖြန့်ဝေထားပြီး ဖြစ်သည့်အတွက် လွှတ်တော်၏ အဆုံးအဖြတ်ရယူ အတည်ပြု ဆောင်ရွက်ပေးနိုင် ပါရန် လေးစားစွာတင်ပြအပ်ပါကြောင်း ရှင်းလင်းတင်ပြသည်။

ထို့နောက် ပြည်ထောင်စုလွှတ်တော် နာယက ဦးတီခွန်မြတ် က ပြည်ထောင်စု သမ္မတမြန်မာနိုင်ငံတော် ဖွဲ့စည်းပုံ အခြေခံ ဥပဒေ (၂၀၀၈ ခုနှစ်) ပြင်ဆင်ရေးပူးပေါင်း ကော်မတီ ဖွဲ့စည်းခြင်းနှင့် စပ်လျဉ်း၍ လွှတ်တော်၏ အဆုံးအဖြတ် ရယူရာ သဘော မတူသူ ရှိသည့် အတွက် စက်ခလုတ်အသုံးပြုသည့် နည်းလမ်းဖြင့်ဆောင်ရွက် ရာ ထောက်ခံမဲ ၃၈၉ မဲ၊ ကန့်ကွက်မဲ ၁၉၂ မဲ၊ ကြားနေမဲ ၃ မဲ ဖြစ်၍ ထောက်ခံ ဆန္ဒမဲများ သည့်အတွက် ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေ (၂၀၀၈ ခုနှစ်) ပြင်ဆင် ရေးပူးပေါင်းကော်မတီ ဖွဲ့စည်းတာဝန်ပေးအပ်ခြင်း အမိန့်ကြော်ငြာစာ မူကြမ်း ကို လွှတ်တော်က အတည်ပြုကြောင်းနှင့် ဖွဲ့စည်းမိန့်၏ နိုင်ငံရေး ပါတီအစုအဖွဲ့ အချို့နေရာ တွင် ကျန်ရှိနေသည့် အမည်စာရင်းများအတွက် အမည် စာရင်း ရရှိချိန်တွင် ထပ်မံ ထုတ်ပြန်ပေးမည် ဖြစ်ပါ ကြောင်း ကြေညာသည်။

ယင်းနောက် ပြည်ထောင်စုလွှတ်တော် နာယက က ကျောင်းကုန်းမဲဆန္ဒနယ်မှ ဦးသိန်းထွန်း အပါအ၀င် ပြည်ထောင်စု လွှတ်တော် ကိုယ်စားလှယ် ၁၄၃ ဦးက လက်မှတ်ရေးထိုးတင်ပြလာသော ဖွဲ့စည်းပုံအခြေခံ ဥပဒေကို ဒုတိယအကြိမ် ပြင်ဆင် သည့် ဥပဒေကြမ်းနှင့် စပ်လျဉ်း၍ လွှတ်တော်ဆိုင်ရာ ဥပဒေ၊ နည်းဥ့ပဒေများနှင့်အညီ ဆက်လက် ဆောင်ရွက်မည် ဖြစ်ကြောင်း လွှတ်တော်သို့ အသိပေးတင်ပြရာတွင် ပြည် ထောင်စုလွှတ်တော်ကိုယ်စားလှယ် ကျောင်းကုန်းမဲဆန္ဒနယ် မှ ဦးသိန်းထွန်း အပါအ၀င် ရွေး ကောက်ခံ လွှတ်တော် ကိုယ်စားလှယ် ၃၈ဦး၊ တပ်မတော်သားလွှတ်တော် ကိုယ်စား လှယ် ၁၀၅ဦး စုစုပေါင်း လွှတ်တော်ကိုယ်စားလှယ် ၁၄၃ဦးက လက်မှတ်ရေး ထိုးပြီး ပေးပို့ထားသည့် ဖွဲ့စည်းပုံ အခြေခံဥပဒေကို ဒုတိယအကြိမ် ပြင်ဆင်သည့် ဥပဒေ မူကြမ်းတစ်ရပ်ကို ၂၀၁၉ခုနှစ် ဖေဖော်ဝါရီ ၁၁ ရက်တွင် ပြည်ထောင်စုလွှတ်တော်က လက်ခံရရှိ ခဲ့ပါကြောင်း။

အဆိုပါ ဥပဒေ(မူကြမ်း) တင်ပြလာမှုနှင့် စပ်လျဉ်း၍ စိစစ်ရာတွင် လက်ရှိပြည် ထောင်စုလွှတ်တော် ကိုယ်စားလှယ် စုစုပေါင်း ၆၅၇ ဦး၏ ၂၀ရာခိုင်နှုန်းကျော်က လက်မှတ်ရေးထိုးထားသည့်အတွက် ပြည် ထောင်စုလွှတ်တော်ဆိုင်ရာ နည်းဥပဒေ ၁၃၃ နှင့်အညီ လက်ခံဆွေးနွေးရမည် ဖြစ်ပါကြောင်း၊ ထို့ကြောင့် အဆိုပါ ဥပဒေ(မူကြမ်း) နှင့် စပ်လျဉ်း၍ ပြည်ထောင်စု လွှတ်တော်ဆိုင်ရာ နည်းဥပဒေ ၁၃၅ နှင့်အညီ လွှတ်တော် အစည်းအဝေးတွင် ဆွေးနွေးခြင်းမပြုမီ အသေးစိတ်လေ့လာ စိစစ်နိုင်ရန် ပြည်သူ့ လွှတ်တော်နှင့် အမျိုးသားလွှတ်တော် ဥပဒေကြမ်းကော်မတီဝင် အားလုံး ပါဝင်သည့် “ဖွဲ့စည်းပုံအခြေခံ ဥပဒေကို ဒုတိယအကြိမ် ပြင်ဆင်သည့် ဥပဒေမူကြမ်း လေ့လာစိစစ် ရေးပူးပေါင်းကော်မတီ” ကို ပြည်ထောင်စု လွှတ်တော်ရုံး၏ ၂၀၁၉ခုနှစ်၊ ဖေဖော်ဝါရီ ၁၉ ရက်စွဲပါ အမိန့်ကြော်ငြာစာအမှတ် (၁၄/၂၀၁၉) ဖြင့် ဖွဲ့စည်းတာဝန် ပေးအပ်ထားပြီး ဖြစ်ပါကြောင်း။

ယင်းအမိန့်ကြော်ငြာစာနှင့် အတူ ဦးသိန်းထွန်းနှင့်အဖွဲ့ တင်ပြထားသည့် “ဖွဲ့စည်း ပုံအခြေခံဥပဒေကို ဒုတိယအကြိမ် ပြင်ဆင်သည့် ဥပဒေ(မူကြမ်း)” မိတ္တူတို့ကို လည်း လွှတ်တော်ကိုယ်စားလှယ်များထံ ဖြန့်ဝေထားပါကြောင်း အသိပေး ကြေညာ သည်။

ဆက်လက်၍ ပြည်ထောင်စုလွှတ်တော် ဥပဒေကြမ်းပူးပေါင်းကော်မတီဝင် ဒေါ်အုန်းကြည် က လွှတ်တော်နှစ်ရပ် သဘော ကွဲလွဲသော စာပေနှင့် အနုပညာမူပိုင်ခွင့် ဥပဒေကြမ်းနှင့် စပ်လျဉ်း၍ ဥပဒေကြမ်းပူးပေါင်းကော်မတီ၏ လေ့လာတွေ့ ရှိချက်နှင့် သဘောထား မှတ်ချက်အစီရင်ခံစာကို ဖတ်ကြားတင်ပြသည်။

ထို့နောက် ပြည်ထောင်စုလွှတ်တော် နာယက က အဆိုပါ ဥပဒေကြမ်းနှင့် စပ်လျဉ်း၍ ဆွေးနွေးလိုသည့် လွှတ်တော်ကိုယ် စားလှယ် ရှိပါက အမည်စာရင်း တင်သွင်း နိုင်ကြောင်း ကြေညာသည်။

ယင်းနောက် ပြည်ထောင်စုလွှတ်တော် ဥပဒေကြမ်း ပူးပေါင်းကော်မတီဝင် ဒေါ်နွယ်နွယ်အောင် က လွှတ်တော်နှစ်ရပ် သဘောကွဲလွဲသော ၂၀၁၈ခုနှစ်၊ လောင်းက စားဥပဒေကြမ်းနှင့် စပ်လျဉ်း၍ ဥပဒေကြမ်းပူးပေါင်းကော်မတီ၏ လေ့လာတွေ့ ရှိချက်နှင့် သဘောထား မှတ်ချက် အစီရင်ခံစာကို ဖတ်ကြားတင်ပြသည်။

ဆက်လက်၍ ပြည်ထောင်စုလွှတ်တော် နာယက က အဆိုပါ ဥပဒေကြမ်းနှင့် စပ်လျဉ်း၍ ဆွေးနွေး လိုသည့် လွှတ်တော် ကိုယ်စားလှယ် ရှိပါက အမည်စာရင်း တင်သွင်းနိုင်ကြောင်း ကြေညာသည်။

ထို့နောက် ပြည်ထောင်စုစာရင်းစစ်ချုပ် ဦးမော်သန်း က ပြည်ထောင်စုစာရင်း စစ်ချုပ်ရုံးမှ ပေးပို့သော ၂၀၁၇ - ၂၀၁၈ ဘဏ္ဍာ ရေးနှစ် ပြည်ထောင်စုလွှတ်တော် ဆိုင်ရာ ဖွံ့ဖြိုးရေးရန်ပုံငွေစာရင်းများနှင့် စပ်လျဉ်း သည့် စစ်ဆေးတွေ့ရှိချက် အပေါ် ပြည်သူ့ငွေစာရင်းပူးပေါင်းကော်မတီ၏ လေ့လာ တွေ့ရှိ ချက်နှင့် သဘောထားမှတ် ချက် အစီရင်ခံစာ (၃/၂၀၁၉) အပါအ၀င် လွှတ်တော် ကိုယ်စားလှယ်များ၏ ဆွေးနွေးချက်များနှင့် စပ်လျဉ်း၍ မူဝါဒနှင့် သက်ဆိုင်သည့် အပိုင်း၊ စီမံခန့်ခွဲ ကြီးကြပ်မှုနှင့် သက်ဆိုင် သည့်အပိုင်း၊ ပြည်ထောင်စုစာရင်းစစ်ချုပ်ရုံးနှင့် သက်ဆိုင် သည့် အပိုင်း(၃) ပိုင်းအနက် ပြည်ထောင်စု စာရင်းစစ်ချုပ်ရုံးနှင့် သက်ဆိုင်သည့် စစ်ဆေးရေး လုပ်ငန်း ဆောင်ရွက်မှုနှင့် စစ်ဆေးတွေ့ရှိချက်များနှင့် စပ်လျဉ်း၍ ပြန်လည်ရှင်းလင်း ဆွေးနွေးသည်။

ယင်းနောက် ပြည်ထောင်စုလွှတ်တော် ဖွံ့ဖြိုးရေးလုပ်ငန်း ဗဟိုကော်မတီ အတွင်းရေးမှူး ဦးခင်မောင်သန်း ကအဆိုပါ ကိစ္စနှင့် စပ်လျဉ်း၍ ပြန်လည်ရှင်းလင်း ဆွေးနွေးရာတွင် ပြည်ထောင်စု စာရင်းစစ်ချုပ်၏ စစ်ဆေးတွေ့ရှိချက် အစီရင်ခံစာပါ အကြံပြုချက်များ၊ ပြည်သူ့ငွေစာရင်း ပူးပေါင်း ကော်မတီ၏ သဘောထားမှတ်ချက်များ၊ ဥပဒေပါ ပြဋ္ဌာန်းချက်များ၊ လုပ်ထုံးလုပ်နည်းများနှင့်အညီ ဆောင်ရွက်ခြင်း၊ လိုအပ်သည့် ဥပဒေလုပ်ထုံးလုပ်နည်းများအား ပြင်ဆင်ဆောင်ရွက်ခြင်း တို့ဖြင့် ဒေသ နေပြည် သူများ၏လိုအပ်ချက်များနှင့် ကိုက်ညီသည့် ဒေသဖွံ့ဖြိုးရေးလုပ်ငန်းများကို ရည်ရွယ် ချက်အတိုင်း အကောင်အထည်ဖော်နိုင်မည်ဟု ယုံကြည်ချက်ထားရှိပြီး ပြည်သူ့ကိုယ် စားလှယ် အပေါင်းက မဲဆန္ဒရှင်ပြည်သူများနှင့်အတူ ခေတ်မီဖွံ့ဖြိုး တိုးတက်သော ဒီမို ကရေစီနိုင်ငံသစ်ကို လက်တွဲ တည်ဆောက်နိုင်ပါစေကြောင်း ရှင်းလင်းပြောကြား သည်။

ဆက်လက်၍ ပြည်ထောင်စုလွှတ်တော် ပြည်သူ့ငွေစာရင်းပူးပေါင်းကော်မတီ ဒုတိယ ဥက္ကဋ္ဌ ဦးစောသန်းထွဋ်က အဆိုပါ အစီရင်ခံစာ (၃/၂၀၁၉)ကို လွှတ်တော်က သဘောတူ လက်ခံရန် အဆို တင်သွင်းသည်။

ထို့နောက် ပြည်ထောင်စုလွှတ်တော် နာယက က ပြည်သူ့ငွေစာရင်းပူးပေါင်း ကော်မတီ၏ အဆိုကို အတည်ပြုရန် လွှတ်တော်၏ အဆုံးအဖြတ်ရယူရာ သဘော မတူသူမရှိသည့်အတွက် ပြည်သူ့ ငွေစာရင်း ပူးပေါင်းကော်မတီ၏ လေ့လာ တွေ့ရှိချက်နှင့် သဘောထားမှတ်ချက်အစီရင်ခံစာ (၃/၂၀၁၉) ကို လွှတ်တော်က သဘောတူ အတည် ပြုကြောင်း ကြေညာ သည်။

ယင်းနောက် နိုင်ငံတော်သမ္မတထံမှ ပေးပို့ထားသော အခြေပြစာချုပ်ငယ် (၂) ၏ အတည်ပြု စာချွန်လွှာအား အာဆီယံ အတွင်းရေးမှူးချုပ်ရုံးသို့ ပေးပို့ရန် ကိစ္စနှင့် စပ်လျဉ်း၍ လွှတ်တော်ကိုယ်စားလှယ်များက ဆွေးနွေးကြသည်။

ဒဂုံ မဲဆန္ဒနယ်မှ ဒေါက်တာသက်သက်ခိုင်က တိုင်းပြည်၏ ပထ၀ီအနေအထားအရ မဟာဗျူဟာမြောက် အားသာချက်ကို ယခုလို ဒေသတွင်းနှင့် နိုင်ငံတကာကူးသန်း ရောင်းဝယ်မှု သဘောတူညီချက်များနှင့် ပေါင်းစပ်ပြီး ဒေသတွင်း နယ်စပ်ဖြတ် ကျော် ကုန်စည်စီးဆင်းမှု ကွင်းဆက်အတွက် ကုန်တွင်းပိတ် နိုင်ငံများ၊ သင်္ဘောဆိပ်ကမ်း များနှင့် ကမ်းရိုးတန်းနိုင်ငံ များအကြား အချက်အခြာဒေသ တစ်ခု ဖြစ်သည် အထိ ဆက်လက်ကြိုးပမ်းဆောင်ရွက်သွားရန် အကြုံပြု ဆွေးနွေးသည်။

မွန်ပြည်နယ် မဲဆန္ဒနယ်အမှတ်(၂)မှ ဒေါ်နွယ်နွယ်အောင်က ဖြတ်သန်းကုန်စည် များ လွယ်ကူချောမွေ့ စေရေးဆိုင်ရာ အာဆီယံ မူဘောင်သဘောတူညီချက်အရ နယ်စပ်စခန်းများ သတ်မှတ်ခြင်းနှင့် အာဆီယံ အကောက်အခွန် ဖြတ်သန်း ကုန်သွယ်မှု စနစ်ကိုသာ သေချာကျင့်သုံးနိုင်မည်ဆိုပါက အာဆီယံအဖွဲ့ဝင်နိုင်ငံများ အချင်းချင်း ကုန်စည်များ သယ်ယူ ပို့ဆောင်မှုတွင် အာဆီယံမူဘောင် သဘော တူညီချက်အရ ဥပဒေနှင့်အညီဆောင်ရွက်သွားနိုင်မည် ဖြစ်သည့်အတွက် တရားမ၀င် ကုန်စည် ဖြတ် သန်းဝင်ရောက်မှုကို တားဆီးနိုင်မည်ဖြစ်ပြီး နိုင်ငံအတွက်လည်း အကျိုးရှိနိုင်မည်သည့် အတွက် အခြေပြစာချုပ်ငယ်(၂)၏ အတည်ပြုစာချွန်လွှာကို လွှတ်တော်က အတည်ပြု သင့်ပါကြောင်း ထောက်ခံဆွေးနွေးသည်။

ယင်းကိစ္စနှင့် စပ်လျဉ်း၍ ပဲခူးတိုင်း ဒေသကြီး မဲဆန္ဒနယ်အမှတ်(၅)မှ ဒေါက်တာတင်တင်ဝင်း၊ ဒက္ခိဏသီရိမဲဆန္ဒနယ်မှ ဦးသန့်ဇင်ထွန်းနှင့် မြ၀တီ မဲဆန္ဒ နယ်မှ ဦးစိန်ဗိုလ်တို့က ဆက်လက်ဆွေး နွေးကြသည်။

ထို့နောက် စီမံကိန်းနှင့် ဘဏ္ဍာရေးဝန်ကြီးဌာန ဒုတိယ၀န်ကြီး ဦးမောင်မောင်ဝင်း က ပြန်လည်ရှင်းလင်း ဆွေးနွေးရာတွင် အာဆီယံအတွင်း ဖြတ်သန်းကုန်သွယ်မှုကဏ္ဍ လွယ်ကူချောမွေ့စေရန် အဖွဲ့ဝင်နိုင်ငံ များ အနေဖြင့် အာဆီယံဖြတ်သန်း ကုန်သွယ် မှုတွင် ပူးပေါင်းဆောင်ရွက်ခြင်းဖြင့်လည်း ကောင်း၊ လိုအပ်သော အကောက်ခွန် စည်းမျဉ်း၊ ကုန်သွယ်ရေးနှင့် သယ်ယူပို့ဆောင်ရေး ကဏ္ဍတို့တွင် လွယ်ကူ ရှင်းလင်းစေ ခြင်းဖြင့်လည်းကောင်း တစ်ပြေးညီဖြစ်သော စနစ် နှစ်ခု ဖြစ်ထွန်း စေရန်နှင့် အာဆီယံ လွတ်လပ်သောကုန် သွယ်မှုပဒေသကို အကောင် အထည်ဖော်ခြင်းတွင် အထောက် အကူဖြစ်စေရန်တို့ အတွက် ရည်ရွယ်ဆောင် ရွက်ခြင်း ဖြစ်ပါကြောင်း။

သို့ဖြစ်ပါ၍ ဖြတ်သန်းကုန်စည်များ လွယ်ကူချောမွေ့စေရေး အာဆီယံ မူဘောင် သဘောတူညီချက်၏ အခြေပြ စာချုပ်ငယ် (၂)အတွက် အတည်ပြုစာချွန်လွှာ (Instru ment of Ratification) လက်မှတ်ရေး ထိုး၍ အာဆီယံအတွင်းရေးမှူးချုပ်ရုံးသို့ ပေးပို့နိုင်ရန် ပြည်ထောင်စုလွှတ်တော်ဆိုင်ရာ ဥပဒေပုဒ်မ ၆၁၊ ပုဒ်မခွဲ(က)၏ နောက် ဆက်တွဲ ဇယား ၁၊ အမှတ်စဉ် ၈ ပါ ပြဋ္ဌာန်းချက်အရ ပြည်ထောင်စုလွှတ်တော် က အတည်ပြုပေးနိုင်ပါရန် ရှင်းလင်းတင်ပြသည်။

ယင်းနောက် ပြည်ထောင်စုလွှတ်တော် နာယက က အခြေပြစာချုပ်ငယ်(၂) ၏ အတည်ပြုစာချွန်လွှာ အား အာဆီယံ အတွင်းရေးမှူးချုပ်ရုံးသို့ ပေးပို့ရန်ကိစ္စနှင့် စပ်လျဉ်း ၍ လွှတ်တော်၏ အဆုံးအဖြတ်ရယူ ရာ လွှတ်တော်က သဘောတူ အတည်ပြုကြောင်း ကြေညာသည်။

ဒုတိယအကြိမ် ပြည်ထောင်စုလွှတ်တော် (၁၁)ကြိမ်မြောက် ပုံမှန်အစည်းအဝေး န၀မနေ့ကို ဖေဖော်ဝါရီ ၂၁ ရက်တွင် ဆက်လက်ကျင်းပသွားမည် ဖြစ်ကြောင်း သိရသည်။

အောင်မော်၊ အေးအေးသန့်(သတင်းစဉ်)