မြန်မာနိုင်ငံနှင့် အယ်လ်နီညို အပိုင်း(၂)

 

▲▲အယ်လ်နီညိုနှင့် ကျန်းမာရေး▲▲

အယ်လ်နီညို ရာသီဥတုကြောင့် ပြင်းထန်သောအပူရှိန်ကို ခံစားကြရသည့်အခါ ရေများများ သောက်ခြင်း၊ ဓာတ်ဆားရည် သောက်သုံးခြင်း၊ အချိုရည်အမျိုးမျိုး သောက်သုံးခြင်း၊ ဖျော်ရည်အမျိုးမျိုး သောက်သုံးခြင်း၊ အရည်ရွှမ်းသော အသီးအနှံ များကို စားသုံးခြင်း၊ သီးစုံချဉ်ရည်ဟင်းချက်ပြုတ် သုံးဆောင်ခြင်း စသည်တို့ကို လုပ်ဆောင်သင့်ကြသလို ပူလွန်းသော အရည်များ သောက်ခြင်း၊ စပ်သောဟင်းလျာများ ချက်ပြုတ်စားသောက်ခြင်း၊ အပူစာများစားသုံးခြင်းနှင့် အရက်သေစာ သောက်စားခြင်းစသည်တို့ကိုမူ လုံးဝရှောင်ရှားကြရမည် ဖြစ်သည်။

ပြည်သူ့ဆေးရုံကြီးများ၊ ဆေးခန်းများ၊ ဒေသန္တရကျန်းမာရေးဌာနများ၊ ကျေးရွာဆေးေ ပးခန်းများစသည်တို့၌လည်း အပူဒဏ်လွန်ကဲမှုကြောင့် ဖြစ်ပွား တတ်သော ရောဂါဝေဒနာအမျိုးမျိုးကို ကုသပေးနိုင်မည့် ဆေးဝန်ထမ်းများ၊ ဆေးဝါးများ၊ အထောက်အကူပြုပစ္စည်းများနှင့် လျင်မြန်စွာ ကယ်တင်ကုသနိုင်မည့် ကုထုံးများ စသည်တို့ကို အရန်သင့်ထားရှိပေးရန် လိုအပ်သလို ကုသရမည့် ကုထုံးအဆင့်ဆင့် ကိုလည်း အများပြည်သူသိရှိအောင် ထင်သာမြင်သာ နံရံကပ်ပိုစတာများ ကပ်ထား ပေးခြင်းဖြင့် အသိပညာပေးရမည်ဖြစ်သည်။

အပူဒဏ်ကာကွယ်ရေး နှိုးဆော်ချက်များ၊ တိုက်တွန်းချက်များနှင့်အကြံပြုချက်များကို အများပြည်သူကျယ်ကျယ်ပြန့်ပြန့် သိရှိစေရန်အတွက်လည်း မီဒီယာများကို အသုံးချခြင်း၊ လက်ကမ်းစာစောင်များ ဖြန့်ဝေခြင်း၊ ကြော်ငြာဆိုင်းဘုတ်ကြီးများ စိုက်ထူခြင်း၊ အများပြည်သူနှင့်သက်ဆိုင်သော လေဆိပ်၊ သင်္ဘောဆိပ်၊ ကားဂိတ်နှင့် ဘူတာရုံများ၌ ကျန်းမာရေးပညာ ပေးပိုစတာများကပ်ထားခြင်း၊ ရုပ်ရှင်ရုံများ၌ ရုပ်ရှင်မပြသမီဆလိုက်ဖြင့် ကြေညာအသိပေးခြင်း၊ ရေဒီယိုနှင့် ရုပ်မြင်သံကြား တို့မှတစ်ဆင့် နှိုးဆော်တိုက်တွန်းခြင်း၊ လူမှုကွန်ရက်စာမျက်နှာများမှ ဖြန့်ဝေ အသိပေးခြင်းစသည့် နည်းလမ်းအမျိုးမျိုးဖြင့် ဆောင်ရွက်ကြရမည် ဖြစ်သည်။

အယ်လ်နီညိုရာသီဥတုကြောင့် ဖြစ်ပေါ်လာသောအပူချိန် အဆမတန် မြင့်တက်ခြင်း သည် ရောဂါပိုးကိုသယ်ဆောင်သည့် ခြင်မျိုးစိတ်များကို ပိုမိုပေါက်ပွားလာစေပြီး ခြင်ကိုက်ခံရခြင်းမှတစ်ဆင့် ကူးစက်ဖြစ်ပွားတတ်သော သွေးလွန်တုပ်ကွေး ရောဂါ၊ ငှက်ဖျားရောဂါ၊ ဆင်တုပ်ကွေးရောဂါ၊ ဇီကာ ဗိုင်းရပ်စ်ကူးစက်ရောဂါ စသော ရောဂါဆိုးများ ဖြစ်ပွားမှုကို ပိုမိုမြင့်တက်လာ စေနိုင်သည်။

အယ်လ်နီညိုဖြစ်စဉ်ကြောင့်ဖြစ်သော မိုးခေါင်ရေရှားမှုဒဏ်ကြောင့် သောက်ရေ သုံးရေ အခက်အခဲများ နှင့် ကြုံတွေ့ကြရဖွယ် ရှိနေသည့်အတွက် မသန့်ရှင်းသောရေ ကို သောက်သုံးမိရာမှ ဆက်စပ်ဖြစ်ပွား လာနိုင်သော ဝမ်းပျက်ဝမ်းလျှောရောဂါ၊ ကာလဝမ်းရောဂါ၊ ဝမ်းကိုက်ရောဂါများကို ခံစားကြရနိုင်သလို အရေပြားဆိုင်ရာ ကူးစက်ရောဂါများကိုလည်း ခံစားကြရနိုင်သည်။

သို့ဖြစ်၍ အယ်လ်နီညိုကြောင့် ဆက်စပ်ဖြစ်ပွားလာနိုင်သော ကူးစက်ရောဂါ အမျိုးမျိုး တို့ကိုထိထိ ရောက်ရောက် ကြိုတင်ကာကွယ်နိုင်မည့် အစီအမံများ အားလုံးကိုလည်း စနစ်တကျ ပူးပေါင်းလုပ်ဆောင်ကြရမည် ဖြစ်သည်။ ယင်းသို့ လုပ်ဆောင်ကြရာတွင် အစိုးရပိုင်းအနေဖြင့်သာ လုပ်ဆောင်၍မရဘဲ ပြည်သူလူထု အားလုံးတို့ကလည်း အသိတရားရှိရှိဖြင့် ဝိုင်းဝန်းကူညီကာ ပူးပေါင်း ဆောင်ရွက်သွားကြရမည် ဖြစ်သည်။

▲▲အပူချိန်မြင့်တက်မှုနှင့် မီးဘေးအန္တရာယ်▲▲

အလားတူပင် အယ်လ်နီညိုကြောင့်ဖြစ်ပေါ်လာသည့် အပူချိန်မြင့်တက်မှုသည်မီးေ လာင်ကျွမ်းမှုကို လွယ်လင့်တကူ ဖြစ်ပွားစေနိုင်သည်ကိုလည်း သတိပြုကြရမည် ဖြစ်သည်။ သို့ဖြစ်၍ အမှိုက်မီးရှို့ခြင်း၊ ပူပြင်းသောအချိန်၌ ဓာတ်ဆီကို အသုံးပြုခြင်းနှင့် ဓာတ်ဆီပုံးများ လဲလှယ်ခြင်း၊ လျှပ်စစ်ပစ္စည်းများကို စနစ်တကျ ကိုင်တွယ်အသုံးပြုမှု မရှိခြင်း၊ မီးကိုပေါ့ဆစွာသုံးစွဲခြင်း၊ ဓာတ်ငွေ့သုံးမီးဖိုနှင့် ဆက်စပ် ပစ္စည်းများကို လဲလှယ်မှုမရှိဘဲ ကာလကြာရှည်စွာ အသုံးပြုခြင်း၊ သဘာဝဓာတ်ငွေ့သုံးယာဉ်များ၌ ကြံ့ခိုင်မှု အားနည်းသောဓာတ်ငွေ့အိုးနှင့် ဆက်စပ်ပစ္စည်းများ၊ အရည်အသွေး စံမမီသောဓာတ်ငွေ့အိုးနှင့် ဆက်စပ်ပစ္စည်းများတပ်ဆင် သုံးစွဲထားခြင်း စသည်တို့ ကိုရှောင်ကြဉ်ကြရန်လည်း အထူးလိုအပ်မည် ဖြစ်သည်။

အယ်လ်နီညိုဖြစ်စဉ်ကြောင့် အပူချိန်မြင့်တက်မှုသည် တောမီးလောင်ကျွမ်းမှုကိုပါ ဖြစ်ပေါ်စေနိုင် သည့်အတွက် တောင်ယာမီးရှို့ခြင်း၊ တောထဲ၌မီးခြွင်းကင်းမီးကျန် ထားခဲ့ခြင်း၊ အမဲလိုက်သူများအနေဖြင့် တောချောက်ရန်မီးရှို့ခြင်း၊ တောတွင်း၌ တစ်ဦးနှင့်တစ်ဦး မီးခိုးဖြင့်အချက်ပြခြင်း၊ တောထဲ၌ မီးတုတ်ထွန်းညှိပြီး အိပ်စက ခြင်းစသည့် အပြုအမူများ ကိုလည်း အသိတရားရှိရှိဖြင့် လုံးဝရှောင်ရှား ကြရမည် ဖြစ်သည်။

ဤနေရာတွင် အယ်လ်နီညိုဖြစ်စဉ်ကြောင့် မြို့ပြလူနေဒေသများတွင် မီးလောင် ကျွမ်းမှုများ ပိုမိုဖြစ်ပေါ်လာနိုင်ကြောင်း သတိပေး ပြောကြားချက်အချို့ကြောင့် လူအများက စိုးရိမ်ထိတ်လန့်မှုများ ခံစားကြရခြင်းနှင့် ပတ်သက်၍ မီးလောင် ကျွမ်းရခြင်း၏ အခြေခံသဘောကို သိရှိထားကြရန် လိုအပ်မည်ဖြစ်သည်။ မည်သည့်အကြောင်းကြောင့် မီးလောင်သည် ဖြစ်စေ မီးလောင်ခြင်းဟူသော အကျိုးတရားသည် မီးပွင့်သို့မဟုတ် မီးပွားသို့မဟုတ် မီးတောက်စသော လောင်မြိုက် နေသည့်အရာနှင့် မီးလောင်လွယ်သော သို့တည်းမဟုတ် မီးလောင်ခြင်းကိုအားပေးေ သာဝတ္ထုပစ္စည်း သို့မဟုတ် ဓာတ်ငွေ့ သို့မဟုတ် အရည်တစ်မျိုးမျိုးတို့ ထိတွေ့ပေါင်းဆုံသွားခြင်းဟူသော အကြောင်း တရားကြောင့်သာလျှင် ဖြစ်သည်။

သို့ဖြစ်၍ လောင်စာမည်မျှရှိနေသည်ဖြစ်စေ မီးပွင့်စေသော၊ မီးပွားထွက်စေသော၊ မီးတောက်စေသော အရင်းအမြစ်တစ်ခုခု မရှိသေးသမျှ မီးလောင်မှုတစ်ခု ဖြစ်လာမည်မဟုတ်ပေ။ အပြန်အလှန် အားဖြင့်လည်း မီးပွင့်၊ မီးပွား၊ မီးတောက်တို့ မည်သို့ဖြစ်ပေါ်နေစေကာမူ မီးလောင်ကျွမ်းနိုင်သော လောင်စာတစ်စုံတစ်ရာ မရှိပါက မီးလောင်ကျွမ်းမှု ဖြစ်ပေါ်မည် မဟုတ်ပေ။

အယ်လ်နီညိုဖြစ်စဉ်နှင့် ကြုံတွေ့ရသည့်အခါ ပူပြင်းခြောက်သွေ့မှု လွန်ကဲခြင်းေ ကြာင့် ဝတ္ထုပစ္စည်း မှန်သမျှတို့သည် ယင်းတို့ထဲ၌ ရှိနေသော ရေငွေ့များကို လေထုထဲသို့ စွန့်ထုတ်လိုက်ကြရသည်။ ယုတ်စွအဆုံး မြေမျက်နှာပြင် အပေါ်ယံ လွှာသည်လည်း ရေနှင့်ရေငွေ့များကို အငွေ့ပျံစေခြင်းဖြင့် စွန့်ထုတ်လိုက်ကြရပြီး ခြောက်သွေ့သော မြေသားအပေါ်ယံလွှာ ဖြစ်လာရသည်။ ဝတ္ထုပစ္စည်းတို့သည် ရေငွေ့ပါဝင်နှုန်း လျော့ကျသွားသည့်အခါ သို့တည်းမဟုတ် ရေငွေ့ပါဝင်မှု မရှိတော့ သည့်အခါ မီးပွင့်၊ မီးပွား၊ မီးတောက် စသည်တို့နှင့် ထိတွေ့မိပါက မီးလောင်ကျွမ်းမှုကို လွယ်လင့်တကူ ဖြစ်ပေါ်စေမည်သာ ဖြစ်သည်။

▲▲အယ်လ်နီညို၏ လက်တွေ့ဆိုးကျိုးများ▲▲

ကမ္ဘာ့မိုးလေဝသအဖွဲ့ချုပ်က ၂၀၁၁ ခုနှစ်မှ ၂၀၁၅ ခုနှစ်အတွင်း ငါးနှစ်တာ ကာလသည် အပူဆုံးသော ကာလဖြစ်သလို ထိုကာလထဲမှာပင် ၂၀၁၅ ခုနှစ်သည် အပူဆုံးနှစ်ဖြစ်ကြောင်းထုတ်ပြန် အသိပေးခဲ့သည်။ ၂၀၁၅ ခုနှစ်အတွင်းက အိန္ဒယ နိုင်ငံ၌ ကြုံတွေ့ခဲ့ရသည့် အပူလှိုင်းဖြတ်သန်းမှု ကြောင့် အပူချိန် ၄၈ ဒီဂရီ စင်တီဂရိတ်အထိ မြင့်တက်ခဲ့ကာ လူပေါင်း နှစ်ထောင်ကျော်အသက် ဆုံးရှုံးခဲ့ကြ ရသည်။ အလားတူပင် ပါကစ္စတန်နိုင်ငံတွင်လည်း အပူလှိုင်း၏ဒဏ်ကြောင့် လူပေါင်း ၁၄၀ဝ ကျော် အသက်ဆုံးရှုံးခဲ့ကြရသည်။

အရှေ့အလယ်ပိုင်းဒေသ၌လည်း အပူချိန်များ စံချိန်သစ်တင် မြင့်တက်ခဲ့သလို ထိုဒေသနှင့် နီးကပ်သည့် အာဖရိက မြောက်ပိုင်းနှင့် ဥရောပနိုင်ငံ အချို့တွင်လည်း အပူဒဏ်ကိုသိသာစွာ ခံစားခဲ့ကြရသည်။ ၂၀၁၅ ခုနှစ်၏ အပူချိန် စံချိန်သစ် တင်သော သာဓကအချို့အဖြစ် အီရန်နိုင်ငံ၌ ၄၆ ဒီဂရီ စင်တီဂရိတ်အထိ၊ ဂျော်ဒန်နိုင်ငံ၌ ၄၇ ဒီဂရီ စင်တီဂရိတ်အထိနှင့် အီဂျစ်နိုင်ငံ၌ ၄၇ ဒသမ ၆ ဒီဂရီ စင်တီဂရိတ်အထိ မြင့်တက်ခဲ့သည်ကို တွေ့ရှိနိုင်သည်။

အယ်လ်နီညို၏ ပျမ်းမျှသက်တမ်းသည် ကိုးလဖြစ်ပြီး အများဆုံးအားဖြင့် ၂၁ လ အထိ ကြာမြင့် တတ်ကြောင်း လေ့လာ တွေ့ရှိ ရသည်။ ၁၉၈၂ -၁၉၈၃ အယ်လ်နီညိုနှစ် သည် ၁၅ လကြာမြင့်ခဲ့ပြီး ၁၉၉၇-၁၉၉၈ အယ်လ်နီညိုနှစ်မှာ ၁၄ လကြာမြင့်ခဲ့ကြောင်း တွေ့ရှိခဲ့ရသည်။ ပြီးခဲ့သည့် ၂၀၁၅ - ၂၀၁၆ အယ်လ်နီညိုနှစ်မှာမူ ၁၉ လခန့်အ ထိကြာမြင့်ခဲ့သည်။

လက်လှမ်းမီသမျှသော ကမ္ဘာ့ရာသီဥတု သမိုင်းစဉ်တစ်လျှောက်တွင် ဖော်ပြပါ ၁၉၈၂ - ၁၉၈၃ အယ်လ်နီညိုနှစ်၊ ၁၉၉၇ - ၁၉၉၈ အယ်လ်နီညိုနှစ်နှင့် ၂၀၁၅-၂၀၁၆ အယ်လ်နီညိုနှစ်များသည် အပြင်းထန်ဆုံးသော အယ်လ်နီညိုသက်ရောက်မှု နှစ်ကာလများ ဖြစ်ခဲ့သည်။ အယ်လ်နီညို ဖြစ်ပေါ်သော နှစ်ကာလအတွင်း၌ အမြင့်ဆုံးသော အယ်လ်နီညိုအခြေအနေကို နိုဝင်ဘာလ၊ ဒီဇင်ဘာလနှင့် ဇန်နဝါရီလများတွင်တွေ့ရှိရသည်။

အစွန်းရောက်ရာ သီဥတုဖြစ်သော အယ်လ်နီညိုကြောင့် ဒေသအချို့တွင် မိုးရွာ သွန်းမှုပုံစံများ ပြောင်းလဲသွားခဲ့သည်။ တရုတ်နိုင်ငံတွင် သည်းထန်စွာမိုးရွာ သွန်းမှုအကြိမ်ပေါင်းများစွာရှိခဲ့ပြီး ရေကြီးရေလျှံဖြစ်ပွားမှုများကြောင့် ပြည်သူ ၇၅ သန်းတို့ အတိဒုက္ခရောက်ခဲ့ကြရသည်။ ထို့အတူ ပါကစ္စတန်နိုင်ငံတွင်လည်း တစ်ရက်တည်း၌ ရွာသွန်းသော မိုးရေချိန် သည် ယခင်က တစ်နှစ်ပတ်လုံး ရွာသွန်းသည့် မိုးရေချိန်ကိုပင် ကျော်လွန်သွားခဲ့သည်။

မြန်မာနိုင်ငံအနေဖြင့်လည်း ၂၀၁၀ အယ်လ်နီညိုနှစ်က မြင်းမူမြို့၌ အပူချိန် ၄၇ ဒသမ ၂ ဒီဂရီ စင်တီဂရိတ်အထိ စံချိန်တင် မြင့်တက်ခဲ့သလို အခြားမြို့ကြီးအချို့၌လည်း အပူချိန် ၄၆ ဒသမ ၅ ဒီဂရီ စင်တီဂရိတ်အထိ မြင့်တက်ခဲ့သည်။ အဆိုပါ အယ်လ် နီညိုနှစ်က အပူချိန်မြင့်မားသည့်ဒဏ်ကို ခံစားရသောဝေဒနာရှင် ၆၀ဝ ကျော် ရှိခဲ့သည့်အနက် ၂၅ ရာခိုင်နှုန်းခန့်မှာ အသက်ဆုံးရှုံးခဲ့ကြရသည်။

▲▲အကောင်းဆုံး ရင်ဆိုင်ကြရမည်▲▲

ဤသည်ကို သင်ခန်းစာရယူကြလျက် အနာဂတ်တွင် အယ်လ်နီညိုဖြစ်ပေါ်သော နှစ်ကာလနှင့် ကြုံကြိုက်လာရပါက ပြည်သူလူထုအတွင်း၌ လူမှုရေး၊ စီးပွားရေး၊ ကျန်းမာရေးစသော ကဏ္ဍ အသီးသီးတွင် ထိခိုက်နစ်နာဆုံးရှုံးရမှုများ နည်းနိုင်သမျှ နည်းအောင် ကြိုးပမ်းလုပ်ဆောင် သွားကြခြင်းဖြင့် အယ်လ်နီညိုကို အကောင်းဆုံး ရင်ဆိုင်ကြရမည်ဖြစ်သည်။

ထို့ပြင် ၂၀၁၅ ခုနှစ် ဒီဇင်ဘာလအတွင်းက ပြင်သစ်နိုင်ငံ ပါရီမြို့၌ ကျင်းပပြု လုပ်ခဲ့သော ၂၁ ကြိမ်မြောက် Conference of Partie ကမ္ဘာ့ညီလာခံကြီးတွင် ၂၀၂၀ ပြည့်နှစ်မှစတင်၍ကမ္ဘာ့ ပျမ်းမျှအပူချိန် မြင့်တက်လာမှုကို နှစ်ဒီဂရီ စင်တီဂရိတ်အောက် လျှော့ချရန်နှင့် ထိုမှတစ်ဆင့် ၁ ဒသမ ၅ ဒီဂရီ စင်တီဂရိတ်အထိ ကန့်သတ်လျှော့ချရန်ဟူသော သဘောတူညီချက်ကို ရေးဆွဲပြီးဖြစ်ရာ မြန်မာနိုင်ငံအပါအဝင် အယ်လ်နီညိုရာသီဥတုကို ရင်ဆိုင်ကြုံတွေ့ကြရနိုင်သည့် အီကွေတာရပ်ဝန်းနိုင်ငံများ အားလုံးတို့အနေဖြင့် အဆိုပါ သဘောတူညီချက်အတိုင်း အင်တိုက် အားတိုက်ဖြင့် စွမ်းစွမ်းတမံ အကောင်အထည်ဖော် ဆောင်ရွက်သွားကြရန် လိုအပ်မည် ဖြစ်ပေသည်။

သိပ္ပံစာရေးဆရာကိုကိုအောင်