“သွေးချင်းတို့ရဲ့ပွဲတော်ဆီ” ပွဲတော်မုခ်ဦးဖွင့်ပွဲအခမ်းအနားကျင်းပ

ရန်ကုန် ဇန်န၀ါရီ ၂၅

မြန်မာနိုင်ငံ တိုင်းရင်းသား လုပ်ငန်းရှင်များအသင်းက ကြီးမှူးကျင်းပသည့် “သွေးချင်းတို့ရဲ့ ပွဲတော်ဆီ” ပွဲတော်မုခ်ဦး ဖွင့်ပွဲအခမ်းအနားကို ယနေ့ နံနက် ၈ နာရီခွဲက ရန်ကုန်မြို့ တာမွေမြို့နယ်ရှိ ကျိုက္ကဆံကွင်း၌ ကျင်းပသည်။

ရှေးဦးစွာ တိုင်းရင်းသား လူမျိုးများရေးရာ ၀န်ကြီးဌာန ပြည်ထောင်စုဝန်ကြီး နိုင်သက်လွင်က အဖွင့်အမှာစကား ပြောကြားရာတွင် ယခုကဲ့သို့ တိုင်းရင်းသားများ၏ ချစ်ကြည်ရင်းနှီးမှု စည်းလုံးညီညွတ်မှုကို ဖော်ဆောင်စေသည့် ပွဲတော်ကြီးကို ပထမဆုံး အနေဖြင့် ကျင်းပနိုင်ခဲ့သည့်အတွက် မြန်မာနိုင်ငံ တိုင်းရင်းသား လုပ်ငန်းရှင်များအသင်းကိုလည်း များစွာ ကျေးဇူးတင်ဂုဏ်ယူ မိပါကြောင်း။
၂၀၁၈ ခုနှစ် ဇန်န၀ါရီလက တိုင်းရင်းသား လူမျိုးများရေးရာဝန်ကြီးဌာန နေပြည်တော်တွင် ကျင်းပခဲ့သည့် တိုင်းရင်းသား လူမျိုးများ ဖွံ့ဖြိုးတိုးတက်မှုဖိုရမ်မှ ရရှိသည့် စီးပွားရေးဆိုင်ရာ ဆွေးနွေးချက်များအရ မြန်မာနိုင်ငံ တိုင်းရင်းသား လုပ်ငန်းရှင်များ အသင်းကိုဖွဲ့စည်း ဆောင်ရွက်နိုင်ခဲ့ကြောင်း၊ ယင်းအသင်းအနေဖြင့် နိုင်ငံတော်ရှိ တိုင်းရင်းသားများ၏ စီးပွားရေးဖွံ့ဖြိုး တိုးတက်မှုများမှာ ပါဝင်ကူညီဆောင်ရွက် ပေးနိုင်သည့် ခိုင်မာသော အသင်းအဖွဲ့ ဖြစ်ရန်အတွက် ရည်မှန်းချက်ထားရှိပြီး ဖွဲ့စည်းခဲ့သည့် အသင်းဖြစ်သည်ဟုလည်း သိရှိထားပါကြောင်း။
မြန်မာနိုင်ငံသည် တိုင်းရင်းသားများ စုပေါင်းနေထိုင်သည့် ပြည်ထောင်စုသမ္မတ မြန်မာနိုင်ငံတော် ဖြစ်သည့်အတွက် တိုင်းရင်းသား စည်းလုံးညီညွတ်မှုသည် နိုင်ငံတော်အတွက် အရေးကြီးသည့် အချက်လည်း ဖြစ်ပါကြောင်း၊ တိုင်းရင်းသား စည်းလုံးညီညွတ်မှု ရှိမှသာ နိုင်ငံ၏ ငြိမ်းချမ်းရေးကို ဖော်ဆောင်နိုင်မည် ဖြစ်သကဲ့သို့ နိုင်ငံတော်ငြိမ်းချမ်း သာယာမှသာ ပြည်သူလူထု၏ စီးပွားရေးသည်လည်း ကြီးပွားတိုးတက်မည် ဖြစ်ကြောင်း။
မြန်မာနိုင်ငံအတွင်း တိုင်းရင်းသား မျိုးနွယ်စုများစွာ ကွဲပြားနေကြသကဲ့သို့ နောက်ခံ သမိုင်းကြောင်းများအရ အတွေးအမြင်များလည်း မတူညီမှုများစွာရှိနိုင် ကြောင်း၊ အတွေးအမြင် မတူညီခြင်းကို ဘေးဖယ် ထားပြီးတူညီခြင်းကို စုစည်းကာရှေ့ဆက် ဆောင်ရွက်၍ ရသည်ရှိသကဲ့သို့ မတူညီသော်လည်း ပေါင်းစပ်ပြီး ဆောင်ရွက်နိုင်သည် များလည်းရှိပါကြောင်း၊ မိမိတို့နိုင်ငံကိုလည်း မတူကွဲပြားမှုများ များနေပါစေ စုစည်းတည်ဆောက်၍ ရနိုင်ကြောင်း။
ယခုကဲ့သို့ တိုင်းရင်းသားများ ပါဝင်သည့် ပွဲတော်များ ကျင်းပခြင်းကြောင့် တိုင်းရင်းသားများ အချင်းချင်း တစ်ဦးနှင့် တစ်ဦး မတူကွဲပြားသည့် ယဉ်ကျေးမှုဓလေ့ထုံးစံများကို ပိုမိုသိရှိနားလည်လာကြပြီး ရင်းနှီးချစ်ကြည်မှုများ ရရှိလာနိုင်မည် ဖြစ်ကြောင်း၊ ရင်းနှီးချစ်ကြည်မှုမှသည် တစ်ဦးနှင့်တစ်ဦး ချစ်ခင်ယုံကြည်မှုများ တိုးပွားရရှိ လာမည်ဖြစ်ကြောင်း၊ သို့မှသာ တိုင်းရင်းသားညီအစ်ကို မောင်နှမများအကြား သံသယကင်းစင်ပြီးခိုင်မာသည့် ယုံကြည်ချက်များဖြင့် ငြိမ်းချမ်းရေးလုပ်ငန်းစဉ် အောင်မြင် ရေးနှင့် ဒီမိုကရေစီ ဖက်ဒရယ် ပြည်ထောင်စု ဖြစ်ပေါ်ရေးအတွက် ဆွေးနွေး အဖြေရှာနိုင် မည်ဖြစ်ပါကြောင်း။
ယခုအချိန်အခါတွင် မိမိတို့မြန်မာနိုင်ငံကို ဒီမိုကရေစီဖက်ဒရယ် ပြည်ထောင်စုကြီး ဖြစ်ပေါ်လာစေရေး ရည်မှန်းလျက် နိုင်ငံတော်အစိုးရ၏ ဦးဆောင်မှုနှင့်အတူ တိုင်းရင်း သားပြည်သူတစ်ရပ်လုံးက ကြိုးပမ်း တည်ဆောက်လျက် ရှိသည့် အချိန်အခါ ဖြစ်ပါကြောင်း၊ ထိုသို့ တည်ဆောက်ရာတွင် အမျိုးသားပြန်လည် သင့်မြတ်ရေးနှင့် ငြိမ်းချမ်းရေးအတွက် ပြည်ထောင်စု ငြိမ်းချမ်းရေးညီလာခံ (၂၁)ရာစု ပင်လုံအစည်းအဝေးများ ကျင်းပလျက်ရှိကာ တတိယ အကြိမ်အစည်းအဝေးကို အောင်မြင်စွာ ကျင်းပနိုင်ခဲ့ပြီး ဒီမိုကရေစီ ကျင့်စဉ်များ၊ ဖက်ဒရယ်အခြေခံမူများ ရရှိထားပြီးဖြစ်ကြောင်း။
တိုင်းရင်းသားများအချင်းချင်းအပြန်အလှန် ယုံကြည်မှု၊ အပြန်အလှန် ပူးပေါင်း ဆောင်ရွက်မှုများဖြင့် စည်းလုံးညီညွတ်မှု၊ အမျိုးသားပြန်လည်သင့်မြတ်မှုများကို ခိုင်မာသည်ထက်ခိုင်မာအောင် တည်ဆောက်နိုင်သည်နှင့်အမျှ ငြိမ်းချမ်းသာယာ ၀ပြောသည့် ဒီမိုကရေစီဖက်ဒရယ် ပြည်ထောင်စုကြီး မလွဲမသွေ တည်ဆောက်သွားနိုင်မည်ဖြစ် ကြောင်း။
မြန်မာနိုင်ငံရှိတိုင်းဒေသကြီးနှင့် ပြည်နယ်များတွင်သူ့အလှနှင့် သူကိုယ်စီရှိကြ ကြောင်း၊ တိုင်းရင်းသား လူမျိုးများတွင်လည်း ၎င်းတို့မျိုးနွယ်အလိုက် လူမျိုးစုအလိုက် အလှကိုယ်စီရှိကြကြောင်း၊ ၎င်းတို့တွင် ရှိကြသည့် အလှတရားများနှင့် ပြည်ထောင်စုကြီးကို တန်ဆာဆင်ကြရန် လိုအပ်ကြောင်း။
တိုင်းရင်းသားလူမျိုးအလိုက် ဘာသာစကား၊ စာပေ၊ ယဉ်ကျေးမှုဓလေ့ ထုံးစံများ အစဉ်ထာဝရ ဖွံ့ဖြိုးတိုးတက် တည်တံ့ခိုင်မြဲလာစေရန် တိုင်းရင်းသားလူမျိုးများရေးရာ ၀န်ကြီးဌာနကပံ့ပိုးကူညီဆောင်ရွက်ပေးလျက်ရှိသကဲ့သို့ တိုင်းရင်းသား ညီအစ်ကို မောင်နှမများအားလုံးကလည်း ၎င်းတို့၏ ဘာသာစကားယဉ်ကျေးမှု ဓလေ့ ထုံးစံများကို တန်ဖိုးထားရန်နှင့် အခြားတိုင်းရင်းသားများ၏ ယဉ်ကျေးမှုဓလေ့ထုံးစံများကို လေးစားမှု ရှိပြီးပြည်ထောင်စုကြီး ငြိမ်းချမ်းရေးနှင့်ဖွံ့ဖြိုးတိုးတက်ရေးအတွက် ပူးပေါင်းဆောင်ရွက် ပေးရန်လည်းလိုအပ်ပါကြောင်း။
တိုင်းရင်းသားများ၏ လူမှုစီးပွားဘ၀ စဉ်ဆက်မပြတ် ဖွံ့ဖြိုးတိုးတက်ရေး ဆောင်ရွက်ရာတွင် ဖွံ့ဖြိုးရေးနှင့်ငြိမ်းချမ်းရေးသည် ဒွန်တွဲနေပါကြောင်း၊ ငြိမ်းချမ်းရေး နှင့်ဖွံ့ဖြိုးရေးကိုခွဲခြား၍မရနိုင်ကြောင်း၊ ငြိမ်းချမ်းရေးရရှိမှ ဖွံ့ဖြိုးတိုးတက်မည်ဖြစ်ပြီး ဖွံ့ဖြိုးတိုးတက်မှုရှိမှလည်း ငြိမ်းချမ်းရေးကို ထိန်းသိမ်းနိုင်မည် ဖြစ်ကြောင်း။
စီးပွားရေးဖွံ့ဖြိုးတိုးတက်ရန် အခြေခံလိုအပ်ချက်သည် လမ်းပန်းဆက်သွယ်ရေးနှင့် စွမ်းအင်လုံလောက်စွာ ရရှိရေးပင်ဖြစ်ကြောင်း၊ ယင်းအခြေခံလိုအပ်ချက်များကို နိုင်ငံတော်အစိုးရကဆောင်ရွက်ပေးနေသကဲ့သို့ ပုဂ္ဂလိကစီးပွားရေး လုပ်ငန်းရှင်များကလည်း ဒေသတွင်းစီးပွားရေးလုပ်ငန်းများကို ၀င်ရောက်ဆောင်ရွက်ပေးမှသာ အမြန် ဖွံ့ဖြိုးလာမည်ဖြစ်ကြောင်း၊ မြန်မာနိုင်ငံတိုင်းရင်းသား လုပ်ငန်းရှင်များအသင်းကို ပြည်နယ်နှင့်တိုင်းဒေသကြီးများတွင်အသင်းခွဲများဖွဲ့စည်းဆောင်ရွက်ပြီးဖြစ်သည့်အတွက် ယင်းအချက်ကို ပူးပေါင်းပါဝင်ဆောင်ရွက်ရန် တိုက်တွန်းလိုကြောင်း။
ယခုပွဲတော်ကြီးတွင်တိုင်းရင်းသားများ၏ ရိုးရားယဉ်ကျေးမှု အကအလှများ၊ တေးသီချင်းဖျော်ဖြေမှုများ၊ တိုင်းရင်းသားများ၏ နေထိုင်မှုများနှင့် အသုံးအဆောင် များကိုပြသမည့် ယဉ်ကျေးမှုပြခန်းများ၊ ဒေသအသီးသီးက တိုင်းရင်းသားရိုးရာ အစားအစာများ၊ ရိုးရာဝတ်စုံများနှင့် ထွက်ကုန်ပစ္စည်းများရောင်းချမည့် ဈေးဆိုင်တန်းများ၊ အမှတ်တရဓာတ်ပုံများ ရိုက်ကူးနိုင်မည့် နေရာများ၊ အထူးသဖြင့် တိုင်းရင်းသူအလှမယ် Miss Ethnic Myanmar 2019 ရွေးချယ်ပွဲကိုကျင်းပသွားမည်ဟုသိရှိရ၍ တစ်နေရာထဲတွင် မြန်မာနိုင်ငံရှိတိုင်းရင်းသား ဒေသများကို ရောက်ရှိသွားနိုင်မည်ဟု ပြောရမည်ဖြစ်ကြောင်း။
မြန်မာနိုင်ငံ၏ သာယာလှပသည့် နယ်မြေအသီးသီးတွင်ရှိကြသည့် တိုင်းရင်းသားများ၏ ချစ်စရာဓလေ့ထုံးစံများနှင့် ရိုးရာယဉ်ကျေးမှုများ၊ ရိုးရာအစားအစာများသည် နိုင်ငံ့ဂုဏ်ကျက်သရေကိုများစွာတိုးတက်စေသကဲ့သို့ နိုင်ငံတကာက ခရီးသွားများကိုလည်း ဆွဲဆောင်နိုင်သည့်အချက် တစ်ချက်လည်းဖြစ်လာမည်ဖြစ်ကြောင်း။
ထို့ကြောင့် ယခုကဲ့သို့ ပွဲတော်ကြီးမျိုးကိုနောင်နှစ် နောင်နှစ်များတွင်ရန်ကုန်မြို့ တွင်သာမကတိုင်းဒေသကြီးနှင့်ပြည်နယ်အသီးသီးတို့တွင်လည်းစည်ကားသိုက်မြိုက်စွာကျင်းပနိုင်ရန် မိမိအနေဖြင့် တိုက်တွန်းလိုကြောင်း။
တိုင်းရင်းသားများကိုအခြေခံပြီးဖွဲ့စည်းထားသည့် မြန်မာနိုင်ငံ တိုင်းရင်းသားလုပ်ငန်းရှင်များ အသင်းအနေဖြင့်လည်း မည်သို့အခက်အခဲများပင် ရှိရှိစည်းလုံး ညီညာစွာလက်တွဲ၍ တိုင်းပြည်၏ အကျိုးစီးပွားနှင့် ငြိမ်းချမ်းရေးကိုပိုမိုတိုးတက် ကောင်းမွန်အောင် ဆောင်ရွက်ပေးကြပါဟု အလေးအနက်ထား တိုက်တွန်းပြောကြား လိုကြောင်း။
စီးပွားရေးဈေးကွက်အနေနှင့် ခရီးသွားလုပ်ငန်းများ၊ ဒေသထွက်ကုန်ပစ္စည်း များနှင့် တိုင်းရင်းသားများ၏ စီးပွားရေးလုပ်ငန်းများကို ပြည်တွင်းတွင်သာမက ပြည်ပ၌ပါ ထိုးဖောက်၍ အောင်မြင်စွာဆောင်ရွက်သွားနိုင်ရန်အတွက်လည်း အကြံပြုလို ကြောင်း၊ သို့မှသာယင်းအသင်းသည် တိုင်းပြည်၏ အကျိုးစီးပွားကိုအထောက်အကူပြု နိုင်မည်ဖြစ်ပြီး နိုင်ငံတကာနှင့်လည်းရင်ပေါင်တန်းနိုင်မည်ဖြစ်ကြောင်း၊ ထို့အပြင် တိုင်းရင်းသားလုပ်ငန်းရှင်များအသင်း တစ်သင်းဖြစ်ခြင်း ကြောင့် တိုင်းပြည်၏ အကျိုးစီးပွားကိုလည်းများစွာ အထောက်အကူပြုနိုင်မည်ဟု ယုံကြည်မိကြောင်း။
နိဂုံးချုပ်အနေဖြင့် မြန်မာနိုင်ငံတိုင်းရင်းသား လုပ်ငန်းရှင်များအသင်းကလည်း တိုင်းရင်းသားများ၏ စီးပွားရေးကိုသာမက နိုင်ငံတော်၏ အကျိုးစီးပွားနှင့် အေးချမ်းသာယာမှုကိုပါ ပိုမိုတိုးတက်အောင် အကောင်အထည်ဖော်ဆောင်၍ ကမ္ဘာတွင် အောင်မြင်သည့် အသင်းတစ်သင်းအဖြစ် ရပ်တည်သွားနိုင်အောင် အစွမ်းကုန်ကြိုးစား ဆောင်ရွက်ပေးသွားရန် တိုက်တွန်းပြောကြားသည်။
ထို့နောက် ရန်ကုန်တိုင်းဒေသကြီး ရခိုင်တိုင်းရင်းသားရေးရာဝန်ကြီး ဦးဇော်အေးမောင်က အမှာစကား ပြောကြားသည်။
ဆက်လက်၍ မြန်မာနိုင်ငံတိုင်းရင်းသား လုပ်ငန်းရှင်များအသင်းဥက္ကဋ္ဌ ဦးယောဆက်က ပွဲတော်ကျင်းပရခြင်းနှင့်စပ်လျဉ်း၍ ပြောကြားသည်။
ယင်းနောက် “သွေးချင်းတို့ရဲ့ပွဲတော်ဆီ” ပွဲတော်မုခ်ဦးကိုတိုင်းရင်းသား လူမျိုးများရေးရာဝန်ကြီးဌာန ပြည်ထောင်စုဝန်ကြီး နိုင်သက်လွင်၊ စီးပွားရေးနှင့်ကူးသန်း ရောင်းဝယ်ရေးဝန်ကြီးဌာန ပြည်ထောင်စုဝန်ကြီးဒေါက်တာသန်းမြင့်၊ ဟိုတယ်နှင့် ခရီး သွားလာရေးဝန်ကြီးဌာန ပြည်ထောင်စုဝန်ကြီးဦးအုန်းမောင်၊ မြန်မာနိုင်ငံတိုင်းရင်းသား လုပ်ငန်းရှင်များအသင်းနာယကများဖြစ်ကြသော ငြိမ်းချမ်းရေးကော်မရှင်ဥက္ကဋ္ဌ ဒေါက်တာတင်မျိုးဝင်းနှင့် ဒေါက်တာအောင်ထွန်းသက်၊ ရန်ကုန်တိုင်းဒေသကြီး ရခိုင် တိုင်းရင်းသားရေးရာ ၀န်ကြီး ဦးဇော်အေးမောင်၊ ကရင်တိုင်းရင်းသားရေးရာဝန်ကြီး နော်ပန်းသဉ္ဇာမျိုး၊ မြန်မာနိုင်ငံ တိုင်းရင်းသား လုပ်ငန်းရှင်များအသင်းဥက္ကဋ္ဌ ဦးယောဆက်၊ ဒုတိယဥက္ကဋ္ဌ လဖိုင်ခွန်ဆာ၊ အထွေထွေအတွင်းရေးမှူး ဦးမင်းဗညားစန်း၊ Inner Mongolia Kincaid Industrial Group မှ Mr. Ai Min နှင့် Mr. Zhang Ruiတို့က ဖဲကြိုးဖြတ်ဖွင့်လှစ်ပေးကြသည်။
ထို့နောက် ပြည်ထောင်စုဝန်ကြီးများ၊ တိုင်းဒေသကြီး/ပြည်နယ်များမှ တိုင်းရင်း သားရေးရာဝန်ကြီးများ၊ မြန်မာနိုင်ငံတိုင်းရင်းသားလုပ်ငန်းရှင်များအသင်းနာယကများ၊ ဥက္ကဋ္ဌနှင့် တာဝန်ရှိသူများ၊ ဖိတ်ကြားထားသည့် ဧည့်သည်တော်များသည် ကျိုက္ကဆံကွင်းအတွင်းရှိ် တိုင်းရင်းသားရိုးရာယဉ်ကျေးမှုပြခန်းများ၊ စီးပွားရေးဆိုင်ရာ ပြခန်းများ၊ ကချင်ရိုးရာမနောအကတို့ကိုလှည့်လည် ကြည့်ရှုအားပေးကြသည်။
အဆိုပါ “သွေးချင်းတို့ရဲ့ပွဲတော်ဆီ”ပွဲတော်ကိုယနေ့မှ ဇန်န၀ါရီ ၃၀ ရက်အထိ ၆ ရက်တိုင်တိုင် နံနက် ၁၁ နာရီမှ ည ၁၀ နာရီအထိကျင်းပမည်ဖြစ်ပြီး နိုင်ငံကျော် တေးသံရှင်များ၏ ဖျော်ဖြေတင်ဆက်မှုများ၊ တိုင်းရင်းသားလူမျိုးစုတစ်စုချင်းစီ၏ အကအလှများ၊ တိုင်းရင်းသားအလှမယ် ရွေးချယ်ပွဲ(Miss Ethnic Myanmar 2019)၊ တိုင်းရင်းသားလူမျိုးစုများ၏ ရိုးရာယဉ်ကျေးမှုဓလေ့နေထိုင်မှုပုံစံများနှင့် အသုံးအဆောင် ပစ္စည်းများကို တစ်စုတစ်စည်းတည်း ဖော်ပြထားသည့် ပြခန်းများ၊ စီးပွားရေးလုပ်ငန်းရှင်များအတွက် မိမိတို့ ကုန်ပစ္စည်းများကို တစ်စုတစ်ဝေးတည်း တစ်နေရာတည်းတွင် လူအများကို ပြသရောင်းချနိုင်သည့် Exhibition Booth များ၊ လူမျိုးဘာသာမရွေးစားသောက်နိုင်သည့် Ethnics Night Market ဈေးတန်းများ၊ ဖျော်ဖြေတင်ဆက်မှုများ၊ စိတ်လှုပ်ရှားဖွယ် ပျော်ရွှင်စရာအစီအစဉ်များ၊ဈေးဆိုင်များ၊ အမှတ်တရ ဓာတ်ပုံရိုက်ကူးရန်နှင့် မီးအလှများစသည့် အစီအစဉ်များ ပါဝင်ပြီးဆိုင်ခန်း ပေါင်း ၈၀၀ ကျော် ဖွင့်လှစ် ရောင်းချလျက်ရှိကြောင်းသိရသည်။
သတင်း - ရီရီမြင့်၊ ဥမ္မာသန့်
ဓာတ်ပုံ - လှမိုး