နေပြည်တော် ဇန်နဝါရီ ၉
ဘူးသီးတောင်မြို့နယ် အမှတ်(၃)နယ်ခြားစောင့် ရဲတပ်ဖွဲ့ခွဲ
တပ်ဖွဲ့ခွဲမှူး ရုံးခန်း၌ ယမန်နေ့ နံနက်ပိုင်းက အမှတ်(၃) နယ်ခြားစောင့် ရဲကွပ်ကဲမှု
အဖွဲ့ခွဲမှူး ယာယီရဲမှူးကြီးဝင်းသိန်းက ကျဆုံးရဲတပ်ဖွဲ့ဝင် ၁၃ ဦး အတွက် ထောက်ပံ့ငွေကျပ်
၁၁၉ သိန်းအား ကျန်ရစ်သူ မိသားစုများထံ ပေးအပ်သည်။
ထိုသို့ ပေးအပ်ရာတွင် ပြည်ထဲရေးဝန်ကြီးဌာနက ပေးအပ်သော
ငွေကျပ် ၃၉ သိန်း၊ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာ ချထားရေးဝန်ကြီးဌာနက ပေးအပ်သော
ငွေကျပ် ၆၅ သိန်း ၊ နယ်စပ်ခြံစည်းရိုး လုပ်ငန်းက ပေးအပ်သော ငွေကျပ် ၁၅ သိန်း စုစုပေါင်း
ငွေကျပ် ၁၁၉သိန်းကို ထောက်ပံ့ပေးအပ်ရာ ကျဆုံးရဲမှူး စိုင်းဘိုဟန်၏ အစ်ကိုဦးအောင်အေးကြူနှင့်
ကိုယ်စားလှယ်များက လက်ခံခဲ့ပြီး ကျန်ရဲတပ်ဖွဲ့ဝင်များအတွက် သက်ဆိုင်ရာ မိသားစုများထံ
မောင်တောမြို့ ကမ္ဘောဇဘဏ်မှတစ်ဆင့် လွှဲပြောင်းပေးအပ်မည်ဖြစ်ကြောင်း သိရသည်။
(ရဲပြန်ကြား)
No comments:
Post a Comment