ဆံရစ်ဝိုင်းထုံးဖွဲ့မှုဓလေ့ကို ဘိုးဘွားစဉ်ဆက် လက်ဆင့်ကမ်းထိန်း သိမ်းလာခဲ့သည့် ရေပုတ်ကြီးကျေးရွာ (သို့) ချစ်စရာဆံရစ်ဝိုင်းတို့ရဲ့ ရွာ

 

ကျေးရွာအနီးရှိ ငှက်စလုတ်သဏ္ဌာန် ရေအိုင်ကြီးကို အစွဲပြုပြီး ယခင်က ရေစလုတ်ကြီးကျေးရွာ ဟု ခေါ်တွင်ကာ ယခုအခါ ရေပုတ်ကြီးကျေးရွာ တစ်နည်း အားဖြင့် ဆံရစ်ဝိုင်းတို့ရွာသည် မကွေးတိုင်းဒေသကြီး ပွင့်ဖြူမြို့နယ်အတွင်း တည်ရှိသည်။ မြန်မာ့ရိုးရာ ဓလေ့တစ်ခု ဖြစ်သည့် ဆံရစ်ဝိုင်းထုံးဖွဲ့ မှုဓလေ့ကို ဘိုးဘွားအစဉ်အဆက် ရိုးရာယဉ်ကျေးမ အမွေအနှစ်အဖြစ် ထိန်းသိမ်းတန်ဖိုး ထားကာ လက်ဆင့်ကမ်းထိန်းသိမ်း စောင့်ရှောက်လာခဲ့သည့် ချစ်စရာ ကျေးရွာလေးတစ်ရွာ ဖြစ်ပါသည်။

▲▲လက်ဆင့်ကမ်းထိန်းသိမ်း▲▲

“ကျွန်တော်တို့ ရေပုတ်ကြီးကျေးရွာ မှာ အိမ်ခြေ ၆၅၀၊ အိမ်ထောင်စု ၆၂၂ စု၊ လူဦးရေ ကျား ၁၅၈၆ ဦး၊ မ ၁၆၀၁ ဦး၊ စုစုပေါင်းလူဦးရေ ၃၁၈၇ ဦး ရှိပါတယ်။ လယ်ယာစိုက်ပျိုးရေး လုပ်ငန်းနဲ့ အသက် မွေးဝမ်းကျောင်း ပြုကြပါတယ်။ ကျေးရွာက မိန်းမပျိုလေးတွေက အခုချိန်အထိ ရက်ကန်းထည်ရက်လုပ်ဝတ်ဆင်မှုလည်း ရှိသေးတယ်။ ဒါ့အပြင် ကျွန်တော်တို့ ရွာလေးက ဆံရစ်ဝိုင်းထုံးဖွဲ့မှုဓလေ့ကို ဘိုးဘွားအစဉ်အဆက် ရိုးရာယဉ်ကျေးမှု အမွေအနှစ်အဖြစ် တန်ဖိုးထားပြီး လက်ဆင့်ကမ်း ထိန်းသိမ်းစောင့်ရှောက် လာခဲ့တဲ့ ကျေးရွာလေးတစ်ရွာ ဖြစ်ပါတယ်။ ဆံရစ်ဝိုင်းထုံးဖွဲ့ မှုကိုတော့ အသက် ငါးလအရွယ်ကစပြီး ယောက်ျား လေး၊ မိန်းကလေး အကုန်ထားကြတာဖြစ်ပါ တယ်။ အခုဆိုရင် ကျွန်တော်တို့ကျေးရွာမှာ ဆံရစ်ဝိုင်း ထုံးဖွဲ့သူဦးရေက ၆၀၀၊ ၇၀၀ လောက်ရှိပါတယ်။ ဆံရစ်ဝိုင်းထုံးဖွဲ့မှု ဓလေ့ ထိန်းသိမ်းခဲ့တာပြောရရင် ဘိုးဘွားတွေ လက်ထက်ကတည်းက ထားလာကြတာ သိသလောက်ဆိုရင် နှစ်ပေါင်း ရာကျော်နေပါပြီ” ဟု ရေပုတ်ကြီး ကျေးရွာအုပ်ချုပ်ရေးမှူး ဦးလူဝင်းက ပြောပြသည်။

ရိုးရာယဉ်ကျေးမှု အမွေအနှစ်အဖြစ် ဆံရစ်ဝိုင်း ထုံးဖွဲ့မှုမှာ အမျိုးအစားငါးမျိုး ရှိကြောင်း၊ လသားအရွယ်တွင် ဦးစွန်းဖုတ ပုံစံ၊ အသက်သုံးနှစ်မှ လေးနှစ်အရွယ်တွင် ကြက်တောင်စည်းပုံစံ၊ အသက်ငါးနှစ်မှ ခြောက်နှစ်အရွယ်တွင် ဆံရစ်ဝိုင်းပုံစံ၊ အသက် ၁၅ နှစ်မှ ၁၆ နှစ်အရွယ်တွင် ဂျပန်ဆံတောက်ပုံစံ၊ အသက် ၁၇ နှစ်မှ ၁၈ နှစ်အရွယ်တွင် နောက်ကောက်ပုံစံ ဟူ၍ ထုံးဖွဲ့ ကြကြောင်း ရေပုတ်ကြီး ကျေးရွာသူ မပြုံးပြုံးရီက ပြောပြသည်။

▲▲မိန်းမတို့ဘုန်း ဆံထုံး▲▲

“ကျွန်မကတော့ ဒီလိုဆံရစ်ဝိုင်း လေးနဲ့ နေရတာကို ပိုပြီးကြိုက်တယ်။ မိန်းမတို့ဘုန်း ဆံထုံး ဆိုသလိုပဲပေါ့။ အခုလို ရှေးအစဉ်အဆက် ဘိုးဘွား အမွေအနှစ်အဖြစ် လက်ဆင့်ကမ်း ထိန်းသိမ်းလာခဲ့တဲ့ ဆံရစ်ဝိုင်းထုံးဖွဲ့မှု ဓလေ့ကို ကျွန်မတို့ ကိုယ်တိုင်လည်း နှစ်ခြိုက်သဘောကျတယ်။ အခုဆိုရင် ကျွန်မတို့ ကျေးရွာမှာ ဆံရစ်ဝိုင်းအမျိုးသမီးအဖွဲ့ဆိုပြီး အဖွဲ့ အစည်းလေး ဖွဲ့ထား ပါတယ်။ ဒီဆံရစ်ဝိုင်း အမျိုးသမီးအဖွဲ့ကို၂၀၁၅ ခုနှစ် ၇ လပိုင်းလောက်က စတင် ဖွဲ့စည်းခဲ့တာ ဖြစ်ပါတယ်။

“ဆံရစ်ဝိုင်းထုံးဖွဲ့မှုကို ကျွန်မတိုရွာမှာ မိန်းကလေး၊ ယောက်ျားလေးတွေ အကုန်လုံး ဘိုးဘွားအမွေအနှစ် အဖြစ် ထိန်းသိမ်းစောင့်ရှောက်လာတာ ဖြစ်ပါ တယ်။ ဒီလို ထိန်းသိမ်းစောင့်ရှောက် နိုင်ဖို့အတွက် ရွာမှာရှိတဲ့ လူကြီးမိဘတွေက ဂရုတစိုက်နဲ့ ပြုစုထားသိုပေးတာ ဖြစ်ပါတယ်။ ရှင်ပြုသင်္ကန်းစည်းပြီးတဲ့ ကလေးတွေ လည်း ဆံရစ်ဝိုင်းကို ပြန်ထား ကြတာရှိသလို တချို့ကလေးတွေကျ တော့လည်း ရှင်ပြုသင်္ကန်းစည်းပြီးတဲ့ အခါမှာ ဘိုကေပုံစံကို ပြောင်းထားကြတာ ရှိပါတယ်။ အခုလို ဆံရစ်ဝိုင်းထားတာကို ရွာနီးနားကကျေးရွာမှာ အလှူရှင်လောင်း ကြိုအလှည့်လိုက်တုန်းက ကျွန်မတို့ကို တွေ့တဲ့သူတွေက နင်တို့ ဆံရစ်ဝိုင်းက လည်း ဘာကြီးနဲ့ တူမှန်းမသိဘူး၊ ခေတ်ကာလနဲ့ ယှဉ်ကြည့်ရင်တော့ အမြင် ဆိုးလိုက်တာဆိုပြီး ပြောတာမျိုး ရှိပါတယ်။

“ဒါပေမယ့် အခုနောက်ပိုင်းမှာတော့ ကျွန်မတို့ ဆံရစ်ဝိုင်းကျေးရွာလေးကို မကွေး၊ မန္တလေး၊ ရန်ကုန်၊ နေပြည်တော်က ဓာတ်ပုံဆရာတွေရဲ့ အဆက်အသွယ်နဲ့ တဖြည်းဖြည်း နိုင်ငံခြားသားဧည့်သည် တွေ လာရောက် လေ့လာလည်ပတ်မှုတွေ ရှိလာခဲ့ပါတယ်။ အဲဒီနောက်ပိုင်းမှာတော့ ကျွန်မတို့ရွာက ဆံရစ်ဝိုင်း ထားသိုမှု ဓလေ့ကို ဘာမှမပြောကြတော့ပါဘူး” ဟု လည်း မပြုံးပြုံးရီက ပြောပြသည်။

ရေပုတ်ကြီးကျေးရွာရှိ မြန်မာ့ဆံရစ် ဝိုင်းထုံးဖွဲ့ထားရှိမှု ဓလေ့ကို ဂျပန်၊ ကိုရီးယား၊ ဆွစ်ဇာလန်၊ ဩစတြေးလျ၊ ဟောင်ကောင်အစရှိသည့် နိုင်ငံများက လာရောက်လေ့လာကြကြောင်း သိရှိရသည်။

“ကျွန်တော်တို့ရွာမှ ရိုးရာ ယဉ်ကျေးမှု အမွေအနှစ်အဖြစ် ဆံရစ်ဝိုင်း ထုံးဖွဲ့မှုဓလေ့ကို ဘိုးဘွားအစဉ် အဆက် ထိန်းသိမ်းစောင့်ရှောက်တဲ့အနေနဲ့ အခုထိ မပျောက်ပျက်ဘဲ ရှိနေတာ ဂုဏ်ယူ ဝမ်းသာစရာ တစ်ခုပါပဲ။ ဒါကလည်း ရွာမှာ ရှိတဲ့ လူကြီးမိဘတွေက သားသမီးတွေအထိ လက်ဆင့်ကမ်း ထိန်းသိမ်းလာခဲ့လို့ အခုထိ ရှိနေသေးတာပါ။

ရွာက ကလေးတွေကလည်း ဆံရစ်ဝိုင်းထားတဲ့ဓလေ့ကို နှစ်ခြိုက်သဘောကျကြပါတယ်။ ဆက်လက်ပြီး တော့လည်း ဆံရစ်ဝိုင်း ထားသိုမှုဓလေ့ကို မပျောက် ပျက်အောင် ကျေးရွာမှာရှိတဲ့ ရပ်မိရပ်ဖ တွေနဲ့ ကျေးရွာနေပြည်သူတွေ ပူးပေါင်းပြီး ထိန်းသိမ်းစောင့်ရှောက်သွားမှာ ဖြစ်ပါတယ်။ ဆံရစ်ဝိုင်း ကျေးရွာလို့ ယနေ့အထိ ထိန်းသိမ်းထားရှိတဲ့ ရေပုတ်ကြီး ကျေးရွာကို သက်ဆိုင်ရာ တာဝန်ရှိသူတွေအနေနဲ့ နိုင်ငံခြားခရီး သွားဧည့်သည်တွေ အခုထက်ပိုပြီး စိတ်ဝင်တစားလာရောက် လည်ပတ်နိုင်မယ့် ခရီးစဉ်ဒေသ တစ်ခု အဖြစ် အကောင်အထည်ဖော်ပေးမယ် ဆိုရင် ကျွန်တော်တို့ကျေးရွာဟာ ဒီထက်မကဖွံ့ ဖြိုးလာစေမှာ ဖြစ်ပါ တယ်။ ဒါကြောင့် ကျွန်တော်တို့ ဖွံ့ ဖြိုး တိုးတက်ဖို့အတွက် တာဝန်ရှိ သူတွေက ဆောင်ရွက် ပေးစေချင်ပါ တယ်” ဟု ကျေးရွာရပ်မိရပ်ဖတစ်ဦးဖြစ်သူ ဦးစိန် ဌေးက ပြောကြားသည်။

▲▲ဖူးမြော်နိုင်▲▲

ရေပုတ်ကြီးကျေးရွာ အဝင်တွင် မဏိစည်သူမင်းကြီးနှင့် မိဖုရားတို့ ကိုယ်တိုင် လာရောက်ဖူးမြော်ခဲ့သည့် ယခင်က ဧရာသုခ ကိုးတောင်ပြည့်စေတီ၊ ယခုအခါ စေတီကိုငုံ၍ တည်ထားသည့် ရတနာဦးစေတီတော်ကို ကြည်ညိုဖွယ် ဖူးမြော်နိုင်ပါသည်။ ရေပုတ်ကြီးကျေးရွာ သမိုင်းနှင့် ပတ်သက်ပြီး အသက် ၇၇ နှစ်အရွယ် ဒေသခံ ဦးတင်အောင်က လေ့လာသိရှိရသမျှ ပြောပြခဲ့သည်။

“မဏိစည်သူမင်းကြီးမှာ ဦးမဲကျော် ဆိုတဲ့ ပျော်တော်ဆက် ငယ်ကျွန်ကြီး ရှိခဲ့တယ်။ မနာလိုတဲ့သူတွေက ကုန်းတိုက် စကားပြောကြားတာကို ဘုရင်ကြီးက ယုံပြီး ငယ်ကျွန်ဖြစ်သူ ဦးမဲကျော်ကို သတ်မယ်လို့ ကြိမ်းဝါးခဲ့တယ်။ ဒါကို ဦးမဲကျော်က ကြားတော့ ထွက်ပြေးတယ်။ ထွက်ပြေးလာပြီးတော့ ရေပုတ်ကြီး ကျေးရွာရဲ့ အရှေ့တောင်ဘက် နှစ်ဖာလုံ လောက်မှာရှိတဲ့ ကန်ကြီးတစ်ကန်နားက သခွပ်ကုန်းကျေးရွာမှာ ပုန်းနေတယ်။ နောက်တော့ ဘုရင်ကြီးက အကြောင်းစုံ သိရှိပြီးတော့ ဦးမဲကျော်ကို အမျက်ပြေ သွားပြီး မှူးကြီးမတ်ရာတွေကို ရှာဖွေ ခေါ်ခိုင်းတယ်။ ဦးမဲကျော်က ဘုရင်ကြီး ခေါ်ခိုင်းတာကို ပြန်မလိုက်တော့ဘူး။ ရေပုတ်ကြီးကျေးရွာမှာရှိတဲ့ ဧရာသုခ စေတီမှာပဲ ဖူးမြော်ကြည်ညိုမဆုံးဖြစ်ပြီး တရားဘာဝနာ ပွားများကျင့်ကြံအားထုတ်ရာကနေ ဝိဇ္ဇာလမ်းပေါက်သွားတယ်လို့ သိရှိခဲ့ရတယ်။ ပြီးတော့ ဦးမဲကျော်ကို ဘုရင်ကြီးနဲ့ မိဖုရားတို့ကိုယ်တိုင် လာရောက်ခေါ်တယ်လို့လည်း သိရှိရပါ တယ်။

“ဒီလို ဘုရင်ကြီးနဲ့ မိဖုရား ရွာကို ရောက်လာတဲ့အခိုက်မှာ မိဖုရားကြီးက ဧရာသုခစေတီတော်ကို သွားရောက် ဖူးမြော်ပြီး ကြည်ညိုလွန်းလို့ ဘုရင်ကြီး နဲ့အတူ ပြန်မလိုက်တော့ဘူးလို့မဏိ စည်သူမင်းကြီး ကိုပြောတော့ ဘုရင်က စိတ်ဆိုးပြီး တွေ့သမျှရေအိုင်တွေနဲ့ ရေရှိ သမျှနေရာတွေကို အဓိဋ္ဌာန်နဲ့ ပုပ်စေ တတ်တဲ့ဆေး ခပ်ခိုင်းတယ်။ အဓိဋ္ဌာန်က အောင်မြင်သွားပြီး ရေတွေဟာ ခေတ္တ ပုပ်ပေးရာကနေ တစ်ဆင့် ရေစလုတ်ကြီး နာမည်ကနေ ရေပုတ်ကြီးကျေးရွာအမည် ဖြစ်လာပါတယ်။

“ပြီးတော့ ဘုရင်ကြီးနဲ့ မိဖုရား ရွာကိုရောက်တဲ့ အချိန်မှာလည်း စားတော်ပွဲ ပြင်ပေးတဲ့အခါ ဟင်းတစ်ခွက် လိုနေတဲ့အတွက် ရွာထဲက မန်ကျည်းပင် ကြီးကနေ မန်ကျည်းဟင်းတစ်ခွက် ဆက်သပေးခဲ့ပါတယ်။ ဒီလိုဆက်သပေးတဲ့ မန်ကျည်းဟင်းတစ်ခွက်က ဘုရင်ကြီး နဲ့ မိဖုရားအတွက်ချဉ်တဲ့ အရသာ မဖြစ်ဘဲ ချိုတဲ့အရသာဖြစ်ပြီး စားကောင်းစေ ခဲ့ပါတယ်။ အဲဒီ မန်ကျည်းပင်ကြီးကလည်း အခုချိန်အထိ ရွာထဲမှာ ရှိနေတုန်းဖြစ်ပါ တယ်။ ထူးဆန်းတာက ဒီအပင်က တစ်ကိုင်းတည်းသာ မန်ကျည်းသီးအချို သီးတာရှိပါတယ်။ ဒါ့အပြင် ကျေးရွာအနီး က ကျွန်တော်တို့ အရပ်အခေါ် ပေကုန်းမှာ လည်း သက်တမ်းနှစ်ပေါင်း ရာချီတဲ့ ပေပင် ၂၇ ပင်လည်း ရှိပါတယ်။ ဒီအပင် တွေက ကြီးထွားလာ တာမျိုး မရှိဘဲ ပင်စည်အမြင့် ရှစ်လက်မလောက်ပဲ ရှိပါတယ်။ ဒါကလည်း ထူးခြားမှုတစ်ခုလို့ ဒေသခံတွေက ယုံကြည်ကြပါတယ်”ဟု ပြောကြားသည်။

▲▲ရေပုတ်ကြီးကျေးရွာသို့▲▲

ယနေ့ထိတိုင် ဆံရစ်ဝိုင်းထုံးဖွဲ့မှု ဓလေ့ကို ရိုးရာယဉ်ကျေးမှုအမွေအနှစ် အဖြစ် လက်ဆင့်ကမ်း ထိန်းသိမ်းနေသည် မကွေးတိုင်းဒေသကြီး ပွင့်ဖြူမြို့နယ် ရေပုတ်ကြီးကျေးရွာသို့ သွားရောက် လေ့လာလိုပါက ပွင့်ဖြူမြို့နယ် ရှောက်တောကျေးရွာလမ်းခွဲမှ အနောက်ဘက်အတိုင်း သုံးမိုင်ခန့် သွားလျှင် ကျောင်းကုန်းကြီးကျေးရွာသို့ ရောက်မည် ဖြစ်သည်။ ကျောင်းကုန်းကြီးကျေးရွာမှ တစ်ဆင့် လေးမိုင်ခန့်ဆက်သွားလျှင် ရေပုတ်ကြီးကျေးရွာသို့ ရောက်ရှိမည် ဖြစ်သည်။

ယခင်က သွားလာရေးခက်ခဲမှုရှသော်လည်း ယခုအခါ ကျောင်းကုန်းကြီး - ရေပုတ်ကြီး ကျေးရွာချင်းဆက် လမ်းကို မြေနီကျောက် စရစ်လမ်း ခင်းကျင်းပြီး ဖြစ်သဖြင့် ရာသီမရွေး လွယ်ကူချောမွေ့စွာ သွားလာနိုင်ပြီဖြစ်သည်။ ထို့ကြောင့် လေ့လာ လိုသည့် ခရီးသွားဧည့်သည်များ အနေဖြင့် ဆံရစ်ဝိုင်းတို့ နေထိုင် ရာ ရေပုတ်ကြီးကျေးရွာသို့ တစ်ခေါက်တစ်ခါ လာရောက်လေ့ လာနိုင်စေရန် ရေးသား တင်ပြလိုက် ရပါသည်။ ။

ရဲဝင်းနိုင် (ညောင်ဦး)