နေပြည်တော်
မေ ၁၄
စီမံကိန်းနှင့်
ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်းသည် တရုတ်ပြည်သူ့သမ္မတနိုင်ငံ အမျိုးသားဖွံ့ဖြိုးရေးနှင့်
ပြုပြင်ပြောင်းလဲရေး ကော်မရှင် (National Development and Reform Commission-NDRC)၊
Foreign Capital and Overseas Investment ဌာန ဒုတိယညွှန်ကြားရေးမှူးချုပ် Mr.
ZhengChiping နှင့် မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံ သံအမတ်ကြီး H.E
Mr. Hong Liang ဦးဆောင်သော အဖွဲ့အား ယနေ့နံနက် ၁၁နာရီခွဲတွင် စီမံကိန်းနှင့်ဘဏ္ဍာရေး
ဝန်ကြီးဌာန၌ တွေ့ဆုံသည်။
ထိုသို့တွေ့ဆုံရာတွင်
တရုတ်-မြန်မာ စီးပွားရေးစင်္ကြံလမ်း တည်ထောင်ရေးနှင့် စပ်လျဉ်းသည့် နားလည်မှုစာချွန်လွှာ
လက်မှတ်ရေးထိုးနိုင်ရေး၊ အခြေခံစီးပွားရေး အဆောက်အအုံ ဖွံ့ဖြိုးရေးအတွက် ကားလမ်း ရထားလမ်းနှင့်
သယ်ယူပို့ဆောင်မှု လုပ်ငန်းများ၊ လယ်ယာကဏ္ဍ စိုက်ပျိုးမွေး မြူရေး လုပ်ငန်းများတွင် ပူးပေါင်းဆောင်ရွက်ရေး၊
နယ်စပ်စီးပွားရေးဇုန်၊ စီးပွားရေးဇုန်များ ထူထောင်ရေး၊ တရုတ်-မြန်မာ နှစ်နိုင်ငံ ခရီးသွားလုပ်ငန်း
ဖွံ့ဖြိုးတိုးတက်ရေး၊ ငွေရေးကြေးရေးဆိုင်ရာ ပူးပေါင်း ဆောင်ရွက်မှု ကိစ္စများကို ဆွေးနွေးခဲ့ကြသည်။
ညနေပိုင်းတွင်
တရုတ်-မြန်မာ စီးပွားရေးစင်္ကြံလမ်း တည်ထောင်ရေးနှင့် စပ်လျဉ်း၍ လုပ်ငန်းများ အကောင်အထည်ဖော်
ဆောင်ရွက်နိုင်ရန် ညွှန်ကြားရေးမှူးချုပ်အဆင့် အစည်းအဝေး ကျင်းပကာ အသေးစိတ် ဆွေးနွေးခဲ့ကြောင်း
သတင်းရရှိသည်။
(သတင်းစဉ်)
No comments:
Post a Comment