မြန်မာနိုင်ငံရဲတပ်ဖွဲ့၊ ရဲချုပ်နှင့် ဘင်္ဂလားဒေ့ရ်ှနိုင်ငံ ရဲချုပ် တို့ နှစ်နိုင်ငံအကြား မှုခင်းကြိုတင် ကာကွယ်ရေးနှင့် တားဆီးနှိမ်နင်းရေး သတင်း အချက်အလက်ဖလှယ်ရေး ပူးပေါင်းဆောင်ရွက်ရန် တွေ့ဆုံဆွေးနွေး

နေပြည်တော် ဖေဖော်ဝါရီ ၁၈

မြန်မာနိုင်ငံရဲတပ်ဖွဲ့ ရဲချုပ်၊ ရဲချုပ် အောင်ဝင်းဦးသည် ဘင်္ဂလားဒေ့ရ်ှနိုင်ငံ ရဲတပ်ဖွဲ့၊ ရဲချုပ် (Inspector General) Dr. Mohammad Zabed Patwary နှင့် ဖေဖော်ဝါရီ ၁၇ ရက် ဒေသစံတော်ချိန် နံနက် (၉)နာရီတွင် ဒါကာမြို့၌ သီးခြားတွေ့ဆုံဆွေးနွေးသည်။

တွေ့ဆုံဆွေးနွေးပွဲသို့ မြန်မာနိုင်ငံ ရဲတပ်ဖွဲ့ရဲချုပ်နှင့်အတူ နိုင်ငံခြားရေးဝန်ကြီးဌာန၊ နိုင်ငံရေးရာဌာန၊ ဒုတိယ ညွှန်ကြားရေးမှူးချုပ် ဦးအောင်ကို၊ မြန်မာနိုင်ငံရဲတပ်ဖွဲ့မှ  နိုင်ငံဖြတ်ကျော် မှုခင်းဌာနကြီးမှူး၊ အမှတ်(၁)နယ်ခြားစောင့် ရဲကွပ်ကဲရေးမှူး၊ သတင်းရဲတပ်ဖွဲ့နှင့် မူးယစ်ဆေးဝါး တားဆီးနှိမ်နင်းရေး ရဲတပ်ဖွဲ့တို့မှ တပ်ဖွဲ့မှူးများတက်ရောက်ခဲ့ပြီး ဘင်္ဂလားဒေ့ရ်ှနိုင်ငံ ရဲချုပ်နှင့်အတူ ဒုတိယရဲချုပ်၊ ဒါကာမြို့ တော်ရဲအဖွဲ့အရာရှိချုပ်၊ မှုခင်းစုံစမ်း စစ်ဆေးရေး ရဲအရာရှိချုပ်၊ ရဲသတင်း ထောက်လှမ်းရေးမှူးချုပ်၊ အရေးပေါ် မှုခင်း အခြေအနေများတွင် တုန့်ပြန်ဆောင်ရွက်ရေးရဲအဖွဲ့ အကြီးအကဲ၊ အင်တာပိုလ်(ဒါကာ) တာဝန်ခံအရာရှိနှင့် အဆင့်မြင့် ရဲအရာရှိကြီးများ တက်ရောက်ခဲ့ ကြသည်။

ဆွေးနွေးရာတွင် မြန်မာ-ဘင်္ဂလားဒေ့ရှ် နှစ်နိုင်ငံရဲတပ်ဖွဲ့ အချင်းချင်း ပူးပေါင်းဆောင်ရွက်မှု မြှင့်တင်ရေး အစီအမံများ၊ မှုခင်းဆိုင်ရာ သတင်းအချက်အလက်ဖလှယ်မှု တိုးမြှင့်ဆောင်ရွက်ရေး အစီအမံများ၊ နယ်စပ် ဒေသတွင် မူးယစ်ဆေးဝါး တရားမဝင် သယ်ဆောင်ရောင်းဝယ်မှု၊ အကြမ်းဖက်မှု၊ လူကုန်ကူးမှုနှင့် နယ်စပ်ဖြတ်ကျော်မှုခင်းများ ကြိုတင်ကာကွယ်ရေးနှင့် တားဆီးနှိမ်နင်းရေး ကိစ္စရပ်များ၊ နယ်စပ် ဆက်ဆံရေးရုံး (BLO) ဖွင့်လှစ်ရေး အဆင့်မြင့် အရာရှိကြီးများအဆင့်နှင့် ဗဟိုအဆင့်များတွင် အချိန်နှင့် တစ်ပြေးညီ ဆက်သွယ် ဆက်ဆံရေးတို့အတွက် ညှိနှိုင်းဆွေးနွေးပြီး နှစ်နိုင်ငံဝန်ကြီးအဆင့် အစည်း အဝေးတွင် ညှိနှိုင်းဆွေးနွေး သဘောတူညီခဲ့သည့် ကိစ္စရပ်များအပေါ် ရဲတပ်ဖွဲ့နှင့် သက်ဆိုင်သည့် လုပ်ငန်းစဉ်များအား ချစ်ကြည်ရင်းနှီးစွာ အပြန်အလှန်ဆွေးနွေးခဲ့ကြသည်။ ဆွေးနွေးပွဲအပြီးတွင် နှစ်နိုင်ငံ ရဲတပ်ဖွဲ့အချင်းချင်း ဆက်သွယ် ဆက်ဆံမည့်သူ အမည်စာရင်း (Contact Person)များ အပြန်အလှန် လဲလှယ် အသိပေးအပ်ခဲ့ကြောင်း သတင်းရရှိသည်။

(သတင်းစဉ်)