နေပြည်တော်၊
ဖေဖော်ဝါရီ ၁၆
တက္ကသိုလ်ဝင်စာမေးပွဲ
ဖြေဆိုနေစဉ်ကာလအတွင်း လျှပ်စစ်ဓာတ်အားမပြတ်တောက်စေရေး စီမံဆောင်ရွက်ထားရှိမှုများနှင့်ပတ်သက်သည့်
လုပ်ငန်းညှိနှိုင်းအစည်းအဝေးကို ယနေ့နံနက် ၈ နာရီခွဲတွင် လျှပ်စစ်နှင့်စွမ်းအင်ဝန်ကြီးဌာန
အစည်း အဝေး ခန်းမ၌ ကျင်းပသည်။
လုပ်ငန်းညှိနှိုင်းအစည်းအဝေးတွင်
ပြည်ထောင်စုဝန်ကြီး ဦးဝင်းခိုင် က လျှပ်စစ်ဓာတ် အား ထုတ်လုပ် ဖြန့်ဖြူးမှုဆိုင်ရာ
Supply Chain အပိုင်းနှင့် ပြုပြင် ထိန်းသိမ်းမှုလုပ်ငန်းများအား အချိန် အခါသတ်မှတ်၍
ဆောင်ရွက်ရန်လိုကြောင်း၊ သက်ဆိုင်ရာ ဌာနများနှင့်လည်း ပူးပေါင်း ဆောင်ရွက်ရန် လိုအပ်ကြောင်း၊
ဖြစ်ပေါ်လာနိုင်သည့် အခြေအနေများကို ကြိုတင်သုံးသပ်၍ ပြင်ဆင်ဆောင်ရွက်ထားရန်လိုကြောင်း၊
တက္ကသိုလ်ဝင်စာမေးပွဲ ဖြေဆိုနေစဉ် ကာလအား အရေးကြီးအချိန်ကာလအနေဖြင့် အလေးထားဆောင်ရွက်ရန်
လိုအပ်ကြောင်း၊ တက္ကသိုလ်ဝင် စာမေးပွဲအကြိုကာလအတွက် ကြိုတင်ပြင်ဆင်နေသည့်အချိန်မှစ၍
အသေးစိတ်စီမံ ဆောင်ရွက် ထားရန်လိုအပ်ကြောင်း၊ ways of thinking and ways of
approaching ဖြင့် အခက်အခဲများကို ဖြေရှင်းဆောင်ရွက်ရန်လိုအပ်ကြောင်း၊ သက်ဆိုင်ရာ ပြည်နယ်နှင့်တိုင်းဒေသကြီး
အသီးသီးမှ အဖွဲ့အစည်းများ၊ Stakeholder များနှင့် ပူးပေါင်းညှိနှိုင်း၍ ဆက်သွယ်ဆောင်ရွက်ရန်
လိုအပ် ကြောင်း ပြောကြားသည်။
ထို့နောက်
တက္ကသိုလ်ဝင်စာမေးပွဲ ဖြေဆိုနေစဉ်ကာလအတွင်း လျှပ်စစ်ဓာတ်အား မပြတ်တောက် စေရေး အသေးစိတ်စီမံ
ဆောင်ရွက်ထားရှိမှုများနှင့်ပတ်သက်၍ လျှပ်စစ်ဓာတ်အားပို့လွှတ်ရေးနှင့် ကွပ်ကဲရေးဦးစီးဌာန၊
လျှပ်စစ်ဓာတ်အားဖြန့်ဖြူးရေးလုပ်ငန်း၊ ရန်ကုန်လျှပ်စစ်ဓာတ်အားပေးရေး ကော်ပိုရေးရှင်းနှင့်
မန္တလေးလျှပ်စစ်ဓာတ်အားပေးရေးကော်ပိုရေးရှင်းတို့မှ တာဝန်ရှိသူများမှ ရှင်းလင်း တင်ပြမှုများအပေါ်
ဒုတိယဝန်ကြီး ဒေါက်တာထွန်းနိုင်မှ ဖြည့်စွက်ရှင်းလင်းတင်ပြပြီး တင်ပြချက် များအပေါ်
ပြည်ထောင်စုဝန်ကြီးမှ ဖြေဆိုနေသည့်ကာလမတိုင်မီကာလများတွင်လည်း စာကျက်ချိန်များ၌ နံနက်အစောပိုင်းအချိန်များတွင်လည်း
ဂရုစိုက်ဆောင်ရွက်ပေးရန် လိုအပ် ကြောင်း၊ စာစစ်ဌာန နေရာများအလိုက် ဆောင်ရွက်ထားရှိမှု၊
တာဝန်ချထားမှုများကိုလည်း ကြိုတင်ဇာတ်တိုက် လေ့ကျင့်ထားရန်လိုအပ်ကြောင်း၊ မိမိတို့၏
ဆောင်ရွက်ထားမှု အခြေအနေ များကိုလည်း သက်ဆိုင်ရာ တိုင်းဒေသကြီး/ပြည်နယ် ဝန်ကြီးများထံ
ရှင်းလင်းတင်ပြထားရန် လိုအပ်ကြောင်း၊ စက်မှုဇုန်များ ကိုလည်း ကြိုတင်ညှိနှိုင်းပြောဆိုထားရန်
တို့ကိုမှာကြားခဲ့ကြောင်း သတင်းရရှိသည်။
No comments:
Post a Comment