ရန်ကုန်
ဖေဖော်ဝါရီ (၁၇)
အမှတ်(၁) စက်မှုဝန်ကြီးဌာန၊ အမှတ်(၂) စက်မှုဝန်ကြီးဌာနနှင့်
စက်မှုဝန်ကြီးဌာန တို့တွင် တာဝန် ထမ်းဆောင်ခဲ့သော စက်မှု ၀န်ထမ်းဟောင်းများ၏ ပဉ္စမအကြိမ်
အသင်းသား စုံညီအစည်းအဝေးအား ရန်ကုန်မြို့ ရွှေတိဂုံစေတီတော် အရှေ့ဘက်မုခ်ရှိ စက်မှုဓမ္မာရုံတွင်
ယနေ့ နံနက်ပိုင်းက ကျင်းပသည်။
ပဉ္စမအကြိမ် အသင်းသား စုံညီအစည်းအဝေးတွင်
စက်မှု ၀န်ထမ်းဟောင်းများ အသင်း၊ ဂုဏ်ထူးဆောင် နာယက ပြည်ထောင်စုဝန်ကြီး ဦးခင်မောင်ချို
က အမှာစကား ပြောကြားသည်။
ဆက်လက်၍ အသင်းဥက္ကဋ္ဌ ဒုတိယ၀န်ကြီး(ငြိမ်း)
ဦးခင်မောင်ကျော် က အမှာစကား ပြောကြားပြီး ၂၀၁၇ ခုနှစ် နှစ်ပတ်လည် အစီရင်ခံစာနှင့်
ငွေစာရင်း ရှင်းတမ်းများအား ရှင်းလင်း ဖတ်ကြားပြီး ၂၀၁၈-၂၀၁၉ ခုနှစ် အမှုဆောင်သစ်များ၏
အမည်စာရင်းအား အတည်ပြုပြီး အလှူရှင်များက အလှူငွေများ ပေးအပ်ကြသည်။
စက်မှု ၀န်ထမ်းဟောင်းများ အသင်းကို ၂၀၁၄
ခုနှစ်တွင် စတင်ဖွဲ့စည်းပြီး အသင်း၏ ရည်ရွယ်ချက်မှာ နိုင်ငံတော်၏ စက်မှုကဏ္ဍ တိုးတက်ရေး
ဆွေးနွေးပွဲများတွင် ပါဝင်အကြံပြု ဆွေးနွေးနိုင်ရန်၊ သာရေး၊ နာရေး၊ ပညာရေးနှင့် ကျန်းမာရေးကိစ္စများ
စုစည်း ဆောင်ရွက်နိုင်ရန်၊ နိုင်ငံ့သမိုင်း
တစ်လျှောက် စီမံခန့်ခွဲပုံစနစ်များအကြောင်း လက်ဆင့်ကမ်းနိုင်ရန်တို့ ဖြစ်သည်။ အသင်းဝင်ဖြစ်ပါက
အသင်း၏ ထောက်ပံ့ခြင်း များအား အသင်းသား မိသားစုများ အနေဖြင့် သာရေး၊ နာရေး၊ ကျန်းမာရေး
ကိစ္စရပ်များတွင် ခံစားရရှိနိုင်မည် ဖြစ်၍ အသင်း မ၀င်ရသေးသော စက်မှု ၀န်ထမ်းဟောင်းများ
အနေဖြင့် အသင်းသား အဖြစ် ဖိတ်ခေါ်ထားလျက် ရှိကြောင်း သိရသည်။
ယခုအချိန်ထိ စက်မှု ၀န်ထမ်းဟောင်းအသင်းအား ဦးရေ ၇၀၉၉ ယောက်ရှိပြီး ၂၀၁၇- ၂၀၁၈ ခုနှစ်အတွင်း
အသင်းမှ အသင်းသားများ၏ သာရေး၊ နာရေး၊ ကျန်းမာရေး အတွက် စုစုပေါင်း ငွေကျပ် ၃၉၃ သိန်း
လှူဒါန်းနိုင်ခဲ့ကြောင်း သိရှိရသည်။
အခမ်းအနားသို့ စက်မှုဝန်ကြီးဌာန ပြည်ထောင်စုဝန်ကြီးနှင့်
တာဝန် ထမ်းဆောင်နေကြသော ညွှန်ကြားရေးမှူးချုပ်၊ ဦးဆောင် ညွှန်ကြားရေးမှူးများ၊ ဒုတိယ၀န်ကြီး
(ငြိမ်း)၊ ညွှန်ကြားရေးမှူးချုပ်နှင့် ဦးဆောင် ညွှန်ကြားရေးမှူး (ငြိမ်း)များ၊ စက်မှု
ဝန်ထမ်းဟောင်းများ တက်ရောက်ကြသည်။
No comments:
Post a Comment