နေပြည်တော် ဇူလိုင် ၅
နိုင်ငံတော်၏အတိုင်ပင်ခံပုဂ္ဂိုလ်
နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဒေါ်အောင်ဆန်းစုကြည်သည် ကုလသမဂ္ဂ ဒုက္ခသည်များဆိုင်ရာ
မဟာမင်းကြီး Mr. Filippo Grandi အား ယနေ့မွန်းလွဲ ၁ နာရီ ၄၅ မိနစ်တွင် နိုင်ငံခြားရေး
ဝန်ကြီးဌာန၌ လက်ခံတွေ့ဆုံသည်။
တွေ့ဆုံစဉ် ကုလသမဂ္ဂဒုက္ခသည်များဆိုင်ရာ
မဟာမင်းကြီးရုံး (UNHCR) ၏ မြန်မာနိုင်ငံ၌ လူသားချင်းစာနာမှု အကူအညီပေးရေး လုပ်ငန်းများ
ဆောင်ရွက်နေမှု အခြေအနေ၊ မြန်မာနိုင်ငံနှင့် UNHCR တို့အကြား ပူးပေါင်းဆောင်ရွက် နေမှု
အခြေအနေများအပေါ် အမြင်ချင်းဖလှယ်ဆွေးနွေးခဲ့ကြသည်။
အလားတူ နိုင်ငံတော်၏အတိုင်ပင်ခံပုဂ္ဂိုလ်
နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဒေါ်အောင်ဆန်းစုကြည်သည် ကမ္ဘာ့ဘဏ်၏ မြန်မာ၊
လာအိုနှင့် ကမ္ဘောဒီယားနိုင်ငံဆိုင်ရာ ညွှန်ကြားရေးမှူး Ms. Ellen Goldstein အား မွန်းလွဲ
(၃) နာရီတွင် နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဧည့်ခန်းမ၌ လက်ခံတွေ့ဆုံသည်။
တွေ့ဆုံစဉ် မြန်မာပြည်သူများ၏
လူမှုစီးပွားဖွံ့ဖြိုးတိုးတက်မှုအတွက် အဓိက အကျိုးသက်ရောက်မှုရှိစေမည့် လျှပ်စစ် ဓာတ်အားရရှိရေး၊
လမ်းပန်းဆက်သွယ်မှု ပိုမိုကောင်းမွန်ရေးနှင့် အာဟာရပြည့်ဝမှုရရှိစေရေး စသည့်ကဏ္ဍများတွင်
မြန်မာ နိုင်ငံနှင့် ကမ္ဘာ့ဘဏ်တို့အကြား ပူးပေါင်းဆောင်ရွက်မှု တိုးမြှင့်ရေးဆိုင်ရာ
ကိစ္စရပ်များနှင့် ပတ်သက်၍ အမြင်ချင်းဖလှယ် ခဲ့ကြသည်။
(သတင်းစဉ်)
No comments:
Post a Comment