တောင်ကြီး မေ ၁၈
ရှမ်းပြည်နယ်၊ ပညာရေးဌာန
၂၀၁၇-၂၀၁၈ ပညာသင်နှစ်၊ ပညာရေးဆိုင်ရာ လုပ်ငန်းညှိနှိုင်းပွဲကို မေ(၁၈)ရက် နံနက် (၉)
နာရီက တောင်ကြီးမြို့၊ အမှတ်(၁)အခြေခံပညာ အထက်တန်းကျောင်း၊ ဒေါ်ခင်သိန်းခန်းမဆောင်၌
ကျင်းပကြောင်း သိရသည်။
တစ်နှစ်တာပညာရေးလုပ်ငန်းများကို
အကောင်အထည်ဖော် ဆောင်ရွက်ရာတွင် လအလိုက်ဆောင်ရွက်ရမည့်လုပ်ငန်း များကို ဌာနညွှန်ကြားချက်၊
ဒေသလိုအပ်ချက်များနှင့်ညှိနှိုင်းပြီး စနစ်တကျရေးဆွဲထားရန် လိုအပ်ပါကြောင်း၊ ရေးဆွဲရာ
တွင်လည်း အထက်အောက်အပြန်အလှန်ဆွေးနွေးပြီး အသေးစိတ်ထည့်သွင်းရေးဆွဲစေရန်နှင့် ရေးဆွဲထားသည့်
လုပ်ငန်း များ အကောင်အထည်ဖော်နိုင်မှုကို အမြဲတမ်းကြီးကြပ်စစ်ဆေး၍ အားနည်းချက်အားသာချက်များကို
သုံးသပ်ပြုပြင် ဆောင်ရွက်ပေးကြရန် မှာကြားလိုကြောင်း၊ အမျိုးသားစည်းကမ်းအစ စာသင်ကျောင်းက
ဆိုသည့်ဆိုရိုးစကားအတိုင်း၊ စည်းကမ်းလိုက်နာ နေထိုင်တတ်အောင် ကျောင်းများကစနစ်တကျလေ့ကျင့်
ပျိုးထောင်ပေးရမှာဖြစ်ကြောင်း၊ ယာဉ်စည်းကမ်းလမ်းစည်းကမ်းနှင့် ပတ်သက်၍ သက်ဆိုင်ရာဌာနများနှင့်
ချိတ်ဆက်ပြီး ပညာပေးဟောပြောမှုကို စနစ်တကျ ကျယ်ကျယ်ပြန့်ပြန့် ဆောင်ရွက်ပေးရန်၊ ပညာပေးကာလသတ်မှတ်ကာ
သတ်မှတ်ကာလကုန်ဆုံးပါက ဥပဒေအရ အရေးယူသွားရန်နှင့် မော်တော်ဆိုင်ကယ်စီးနင်းပါက ဆိုင်ကယ်စီးဦးထုပ်မဆောင်းပါက
အရေးယူရန်၊ ယာဉ်ထိန်းရဲအပြင် မြို့နယ်ပညာရေးမှူးဦးစီးသည့် ကြီးကြပ်ရေးအဖွဲ့နှင့် ရှောင်တခင်စစ်ဆေးပြီး
စည်းကမ်းမလိုက်နာ သူသည် မည်သည့်ကျောင်းမှဖြစ်သည်ကို စစ်ဆေးပြီး ကျောင်းအုပ်ကြီး၊ အတန်းပိုင်၊
ဆရာ/ဆရာမ မှတ်တမ်းမှတ်ရာ စသည်ဖြင့် တိုက်ဆိုင်စစ်ဆေးပြီး ပညာပေးမှုအားနည်းပါက ကျူးလွန်သူ
ကျောင်းသား/ကျောင်းသူကိုသာမက တာဝန်ရှိသူ အဆင့်ဆင့်ကို ဖော်ထုတ်အရေးယူ နိုင်အောင်ဆောင်ရွက်ရန်၊
၂၀၁၇-၂၀၁၈ ပညာသင်နှစ်အတွက် ရှမ်းပြည်နယ်မူလတန်း အဆင့်သင်ကျောင်းသား (၄၀၄၂၂၆) ဦးအတွက်
ကျပ်သန်း(၄၀၄.၁၉၉)သန်း တန်ဖိုးရှိ ဗလာစာအုပ်ဒါဇင်ပေါင်း (၂၀၂၁၀၀) ဒါဇင်ကို အခမဲ့အဖြစ်ကျောင်းဖွင့်ချိန်အမှီ
ကျောင်းသား/ကျောင်းသူများလက်ထဲကို အပြည့်အဝရောက်ရှိရန် တာဝန်ရှိသူအဆင့်ဆင့်က ကြိုတင်စီမံဆောင်ရွက်ပေးရန်
ပြည်နယ်လူမှုရေးဝန်ကြီး ဒေါက်တာမျိုးထွန်းက အဖွင့် အမှာစကား၌ ထည့်သွင်းပြောကြားသွားသည်။
ဆက်လက်၍ ရှမ်းပြည်နယ်ပညာရေးမှူး
ဦးမြင့်အောင်မှ ၂၀၁၇-၂၀၁၈ ပညာသင်နှစ် ဆောင်ရွက်မည့် ပညာရေးကိစ္စ ရပ်များရှင်းလင်းတင်ပြပြီး၊
ရှမ်းပြည်နယ်(မြောက်ပိုင်း)နှင့် (အရှေ့ပိုင်း) တွဲဘက်ပြည်နယ်ပညာရေးမှူးများမှ ပညာရေး
ကိစ္စရပ်များ ရှင်းလင်းတင်ပြကာ ရှမ်းပြည်နယ်(တောင်ပိုင်း)၊ (မြောက်ပိုင်း)၊ (အရှေ့ပိုင်း)
ခရိုင်ပညာရေးမှူးများမှ ပညာရေး ကိစ္စရပ်များတင်ပြ၍ ရှမ်းပြည်နယ်အစိုးရအဖွဲ့ ပြည်နယ်လူမှုရေးဝန်ကြီး
ဒေါက်တာမျိုးထွန်းက နိဂုံးချုပ်အမှာစကား ပြောကြားခဲ့ကြောင်း သိရှိရသည်။
မောင်မောင်သန်း(တောင်ကြီး)
No comments:
Post a Comment